下次唔請佢啦！
好核突呀問人哋有冇俾人情
點解會問得出口
我唔係問佢攞番人情，只係因為佢係收個個姊妹，同時又真係咁岩少左佢個份，純粹想問下係咪跌左佢個封人情而已。
當然我係假設左做人姊妹會卑番人情，因為我之前做人伴娘姊妹幾次，每次都有盡力幫手兼卑足人情。(不論有無包化妝包裙包開門利是包利是)
1個讚
其實婚都結完…
做得姐妹都係好朋友…
咁…真係做得出好婉轉咁問佢嗎…就算係整唔見又好, 佢有心唔比都好…
做得姐妹, 真係由朝幫手幫到晚…
果份1,2千既人情, 真係禁重要,禁多野諗? 擺得酒, 少極都要10幾20萬, 為左一個人既1, 2千數人情, 仲要係姐妹… 我覺得…算啦
3個讚
再追問落去會比你姊妹覺得你好小家，
除非你已經決定無左呢個朋友都得，
唔好既話唔好再追問。
其實只係問左一次，知道左答案，我已經轉左話題講其他嘢，無追問過
1個讚
無追問！
只係問左一次，知道左，已經無再提
1個讚
你見少左一封人情，同佢有無比人情，我覺得係分開2件事來睇
佢負責幫手收人情利是，而又發現少左封，佢內心有機會覺得你係blame佢。但原來欠左一封係佢無比，場面實在令佢好老尷。除非你地係好交心乜都可以直接講既朋友啦。佢話原來自己無比，如果真正朋友，係會表達感激之情，多謝佢幫忙，令佢好落台，咁做顯得你處事圓滑大方。你估佢負責keep人情無壓力咩？但從你上面寫既睇，你似不忿多過感恩
你而家知佢無比人情，就覺得去飲要比利是 ，但其實唔係必然。重點係個wedding係你既，你覺得付出左就想有返小小收穫，但結婚就應該預留大筆錢去搞，所有洗費都係自己付出，小至買一支筆都係自己比。唔好諗住有人情收返，無人情亦係好正常。
人地肯做姊妹，出席已經好比面。成日聽人講笑話：你請飲！你請我都唔到啊！
如果有人咁係背後講呢d說話，即係得罪人多
2個讚
都係個句，我自己一直做其他人伴娘姊妹，我自己就一定會卑足人情兼落手落腳去做，所以我都假定左人地會同樣。當然我依家明白到其他人未必會同我一樣做法。
正如我做過人地的伴娘姊妹，我當然都知有幾多野要處理，同埋會幾忙。
所以婚禮完左之後，我已經請哂所有姊妹伴娘去半島酒店食自助餐以答謝佢哋幫手。
當然，可能我連問都唔應該問，不過既然問左，之後得到了答案都已經轉左話題了。
純粹問下有冇人情跌左，我相信呢個問題唔過份，我又唔係追收佢啲錢。。我相信我請佢地食個餐都差唔多抵番一份人情錢了，如果我係在意啲錢，我無必要請佢地去半島食自助餐，請茶記都係請
2個讚
如果唔在意，就唔好捉住第一個post 嘅問題，意思係心裡都放低，唔係朋友都無埋。
1個讚
明白。
你呢件事令我覺悟，自己想法覺得會係咁發生，覺得順理成章既事，但每人都有唔同想法同角度。唔係只講比人情既事，係任何事都可以
點都好，希望今次件事唔會影響你同朋友既感情。人既關係感情比任何野重要，只要唔係被出賣被人呃，其實只係人生既其中一件微不足道既小事
3個讚
當年我結婚仲細，開支都好大，
但我都覺得人哋肯做我姊妹我執到啦
做姊妹真係唔係咁簡單，你打份工都係開心地貢獻緊你嘅專業，
但係做姊妹難聽啲講就真係好似做妹仔咁樣服侍我一個，
我唔覺得送咩禮物或者請啲咩飯就已經可以settle 左，都唔好講佢自己又要早起身又要搭車又要犧牲幾晚私人時間，第二朝返工又攰。
所以我嗰陣真係好感恩，又係所有嘢都全包，同你一樣都係請人哋去食高級下午茶
佢哋好錫我預先比人情我，冇記錯每個姊妹都兩千，到我出嫁嗰朝佢哋當初俾幾多人情我封開工利是就俾返幾多再加多1000。
我老公開門利是當時都係每位姊妹$1000。
我哋當時都好窮，但我哋一定唔會待薄身邊幫我哋手嘅朋友。基本上慳返啲場地佈置或者租少件衫，就可以用返喺自己人度。
到之後我啲姊妹結婚，我都有做足人情
佢哋好似都係咁樣處理
所以我唔明點解你要攞貞節牌坊，又要計較自己姊妹點解唔比人情，又要覺得自己唔係為咗錢。好肉酸。
7個讚
文字上見到我包乜包物包到突，而佢就無俾人情，嗱，我唔係為錢呀，只係俾人情唔係天經地義咩？
6個讚
有啲嘢係唔可以擺上枱問，有啲嘢亦都唔需要計較，大家都有付出，大家都係為開心，亦為情義，唔駛嘢嘢問出口，成年人做朋友有時就係心照囉。
2個讚
問返清楚都唔係錯既
知道唔係唔見左就好了
做姊妹有時都未必好熟
有個fd佢本身無咩朋友，結婚時搵左我哋幾個一齊讀書既同學食飯（之前幾年冇聯絡），老憑想我哋做姊妹，都係唔問我哋得唔得
都算，照做
做一日都要付出時間，第二日如果要返工都請埋假
婚禮前仲想我幫佢拎佢訂wedding既deco
當我妹仔咩
其實樓主可能想搞清楚，佢究竟係唔見咗？唔記得咗？定無俾？
但3個答案都令當事人尷尬，仲想有朋友做嘅就唔應該問啦。
如果佢姊妹覺得自己錯，俾返份人情你，收都好核突。
人哋可能真係因為佢咁問而覺得，咁請返你食飯，樓主又覺得唔應該係咁。
2個讚
就算跌咗你都要由佢囉，你一開口問，點問都好對方唔會覺得你擔心跌咗，只會覺得你計較㗎喳。
1個讚
正
仲有事前要陪睇姊妹裙，度身，fitting，2nd fit，拎裙，又要同兄弟團食飯，前一晚又可能要幫下搞上頭d立雜野，朝早要拎花拎西餅。
諗起都頭痛，好彩d朋友已經嫁晒
3個讚
所以咪話有啲嘢冇得問清楚，仲細咩，小朋友就咩都要清清楚楚，成年人同人相處真係冇得咁㗎。無論咩原因，佢都企喺死位，點問都一定得罪朋友，就算咩原因（除非穿櫃桶之類），樓主都係吞落肚最好。
3個讚
我有諗過你講嘅呢個possibility
但再諗又覺得點會咁樣俾人恰到上心口？平日一定俾班人搵笨慣，仲揾佢哋做兄弟
咁唯有講你呢位朋友太林善，呢啲所謂兄弟好垃圾
咁呢條友有心呃同誤導其他兄弟，其他兄弟都係無辜嘅，又唔可以講話係夾埋唔俾人情
2個讚