呢個男人9成係做咗衰嘢先俾人咁做。正常點會夾埋唔做人情先得! 佢不如諗下自己做咗咩事搞成咁好過。
3個讚
呢d朋友真係冇好過有，都好嘅，起碼結婚認清佢真面目 
1個讚
我結婚嗰陣都有幾個姊妹無做人情, 只係夾份送左電器比我入伙。當下我係有打個突, 因為其他姊妹都有做人情比我, 而我都有請食飯+包裙+比開門利是+派姊妹利是。我有輕輕問過佢地會唔會比左但我整唔見左, 佢地回覆係無比, 咁我就無再追問 
我覺得係大家都後生唔係好識人情世故啫, 做得姊妹都係好朋友, 有比人情 / 無比人情好閒事, 唔代表啲咩既 
6個讚
同意樓上「請」飲
唔係夾錢食飯
7個讚
呢個伴娘係衰格嘅極致，黑心，「食夾棍」加玩轉你個場，你作為主人家了解清楚件事去問佢係有必要，絕交都絕對係應該，唔絕反而俾人話返你傻
不過樓主而家個個又睇唔到有咩其他奇怪野
如果只係人情一個問題，當日正常幫手，其實樓主最重要個目的唔係已經達到，而佢走去問篤穿左個幻想空間，我諗佢當人哋「唔記得左」會開心過知道左佢朋友係故意唔俾
3個讚
好同意，俾唔俾人情其實唔代表係乜
朋友係兩肋插刀，我諗冇乜野比呢份人情更重
4個讚
見到好多人X樓主, 我就放心了
姊妹應唔應該俾人情我覺得冇正確答案，因為人地已經出左好多力，呢啲都係將心比心，唔係自己結婚就大晒，所以完全唔介意冇人情收，反而仲覺得煩到佢地。做姊妹真係攰過返工好多，事前仲要開會聯誼，唔係真心替你開心都頂唔順 （講緊正常既姊妹呀下，真係出心出力果啲）
但樓主就一定係超計較
諗住安排好裙、化妝、利是、小禮物都係二千蚊，諗住收返千零蚊人情就當打個和，幾乎係免費請個妹仔襯托自己全日，抵呀
而家好多人大條道理細搞，估唔到仲係咁多人為左自己埸大龍鳳搞到為左一千幾百係度嘈
28個讚
唔知以為食飯冇俾錢 
一定要收人情你係張帖度寫明幾錢丫嘛
2個讚
絕對同意, 問嚟做咩呢… 唔好介意, 樓主覺得擺酒要好似夾錢食飯咁, 人情係一定要俾… 普通賓客無俾我都唔會問, 更何況係做兄弟姊妹… 要side 時間, 又要東奔西撲嚟完善你個婚禮… 唔係好好好好朋友, 都唔會做姐妹…
問返人地拎好核突囉
我結婚時都叫兄弟姊妹團同攝影（朋友幫我影相）唔洗比人情，我重視朋友多過錢。你結婚唔係必然幫你做兄弟姊妹團，人地咁早起身，陪足全日都辛苦。人家訓下覺再去玩唔好？
其實唔係好明個concept，結婚係主人家請飲，即係新人邀請人黎飲，即係等於請人食飯，點解一定要人比人情？人情=賀禮，唔係幫主人家個婚宴埋單找數。出席既人可以買份實體禮物送比新人，只係大家都唔買禮物，用人情代替
我記得好細個時，有親戚結婚，我爸媽試過係送禮，例如大型家電，因為新屋需要買家電，所以買大型家電做賀禮
9個讚
做唔做人情，其實冇定律，但如果佢唔做，我覺得合理。始終人哋真係幫你全日。
1個讚
除左樓主, 其他都講得好岩
4個讚
同意。老實講，結婚係你自己既事，關人家咩事？就算兄弟姊妹團當日只係行行企企，但人地都付出佢一整日既時間，點解要為你浪費一日時間。自己既事同時間就好寶貴，人地既時間同精神就唔重要？
人家可能有家庭聚會／其他活動，為左做姊妹要其他人改時間聚會，人家唔話你知者。樓主完全無考慮人地感受，好唔成熟
3個讚
人哋欠咗你啲咩先? 做兄弟姊妹嘅人情 ，俾係人情，唔俾係道理，做呢啲嘢要有咁上下交情先會做，人哋請幾日假，用私人時間幫你，仲要做你一日妹仔，計時薪你送禮食飯都 cover 唔到條數。
我結婚嗰時，伴郎伴娘都有俾人情，我哋無問，全程都係一齊玩，enjoy 呢個活動，人情係佢哋主動自己俾，一個係律師，一個係 iBanker, 佢哋肯做一日跟班妹仔，我已經覺得係俾足面，開心過收錢。
6個讚
做得姊妹就唔好太計較 跟出跟入一整日好辛苦架
請飲就請人飲 擺酒請得人就唔好計較人情多少 重要係姊妹喎
試過平日做姊妹做到十一二點，之後仲要請多日假先回到氣…
當然主人家係有安排得未夠好既地方搞到rundown好亂，但係做姊妹都唔會計較咁多，會盡力做好令到新人冇煩惱咁結婚。如果個新娘事後咁樣唱我真係會反面
1個讚
樓主太自我中心，你想要其他人為你做好場’show’，等你當日做主角有面子，另一方面又唔想要付出金錢。
我都試過俾個唔熟嘅人叫做姊妹，對方除左俾條姊妹裙我之外，無安排任何化妝Set頭（佢話要我自費），又唔同我交代到時要做乜、有咩安排，純粹要搵夠人頭有排場就算，最後我都拒絕咗做姊妹。
1個讚
你梗係平日無俾人恰過,份人比較精明,所以唔信有"朋友"可以衰成咁~
我信佢真係咩都無做過,佢本身好好人,事緣就係有1個兄弟縮骨想唔俾,就同其他兄弟講問過長輩做兄弟係唔駛做人情既,拉攏其他兄弟一齊唔俾,話邊個俾就係做壞件事…(係其中一個兄弟事後講返出黎,佢都後悔聽果條友講)
可以佢下次補返足份人情呢 