如果真係唔在意，問完已經轉講其他野，就唔會有呢個po啦 
6個讚
如果好在意有冇俾人情，當初何必擺酒，係請飲唔係人地夾錢俾你做show，唔擺酒一樣結得婚
1個讚
通常做收人情呢個位應該都同新娘關係比較close
如果真係冇俾 我會當跌咗算數 
樓主係#1講嘅完全同之後兩個tone, 點會唔在意。
在意錢冇問題，但講到出口失禮。我覺得既然唔介意失禮，直接叫對方比返人情，否則會繼續唔舒服
2個讚
佢講到$2000係益咗個姊妹咁
講真果啲禮服打扮，都係婚禮一部份嚟
2個讚
卑番人情就無必要啦！
正如我之前所講，我只係問左一次純粹想知有冇跌，既然無我就已經轉左話題。
以後和對方都無再提及過人情的事
姊妹禮服打扮化妝都係令樓主影相時好睇啫，都唔知益左姊妹啲乜。仲專登提半島，答謝唔係好應該做㗎咩（唔係話必須去邊度），食完半島要做咁多野，辛苦飯，姊妹自己比錢仲食得開心。
6個讚
提2000蚊純粹想帶出我有做足新娘本份，無別的意思或任何覺得益左別人的感覺。
提半島是我無虧待任何一個幫過我的人。
我見上面大部分都話唔好計較嗰位姊妹嘅人情。不過我就咁諗，既然叫得好朋友做姊妹，樓主又洗咗咁多錢係姊妹度，咁個好姊妹唔比人情都應該送份禮物賀自己個好姊妹結婚囉！
不過我唔知嗰位姊妹有冇咁做?
1個讚
呢樣野同你姊妹俾唔俾人情都冇關係
定係你想將兩樣野變成付出同收獲既關係?
講到底都係介意付出左咁多, 一蚊都收唔返, 覺得自己先係被虧待那位
(新娘包衫、化妝呢啲基本野啦，除非你唔介意啲姊妹便服素顏出現)
4個讚
而家係你結婚，有乜本唔本份呢
2個讚
其實d姊妹衫著完個日就冇用，人地仲要搵地方處理，都唔知益左人d乜
15個讚
呢2000蚊你係使落自己個婚禮度，人地冇著數過架
10個讚
咁要睇個位"姊妹"係真朋友定鄧腳
1個讚
我覺得兩樣野冇衝突，姊妹冇比人情，係失禮，所以我一開波都講左心入面唔舒服的話疏遠佢，大家都明。
但樓主出聲，唔理點婉轉都好，都係失禮。正如另外會員所講，係大失禮。
反正大家都有條刺，將來都唔會做得返好朋友（最多基本聯絡），索性問返人人情，互不相「欠」
2個讚
我覺得搵得佢睇錢，即係信任佢，關係一定好close
1個讚
我覺得唔俾人情係令人傷心嘅
人生大事，點解冇表示嘅?
1個讚
由我認識去飲呢件事,收到既資訊係兄弟姊妹,伴娘伴郎都唔使做人情,人地真係要請假,出心出力幫手,請人食係應該,基本個日佢地都唔會食到咩野。但通常會夾份買禮物比新人。
但唔知幾時開始,請飲變左睇人情多少去量度交情有幾深。
個個好似做show 咁,對幫手既朋友百般要求, 我見過要求伴娘,姊妹要指定款式,新娘自己要靚都要顧下其他人, 同色系列咪算,個個身型唔同,著上身效果都唔同,仲要講明影相要除外套。
仲要係新娘家姐係大指揮官,對新娘湊人數搵返黎既姊妹大聲呼叫,叫佢幫新娘除鞋著鞋,呢d 好心就家姐自己做啦。
講真,如果要出錢又出力,捱夜,受無形壓力,唔係好好既朋友真係唔好做兄弟姊妹,伴娘伴郎
2個讚
我都做過兩次姐妹
長輩s 失控，新人嘅哥姐當我地妹仔
兄弟去打牌而大家響reception 甩曬轆又唔可以話人
長輩s 自由入坐，冇位坐又響度嘈
真心煩過返工好多
0600 去到 2300 仲要打的出入
如果我個朋友同我講收咗開門利是當人工，我會立即辭職添
3個讚
我諗起當年有個朋友請飲，之後佢同我呻，話另一個朋友人情開咗張支票，但張支票兌現唔到。
如果係你地會點?同對方講定算數?
1個讚