話說我前排擺酒, 番屋企拆人情先知有個姊妹冇卑, 因為佢係幫我手收人情, 咁就唔知係咪佢唔記得左卑. 所以好婉轉咁問佢, 最後佢的回覆是佢冇卑, 仲話我搞到佢好尷尬, 同埋佢話想搵我地食飯…(我相信佢意思是請食飯當卑人情)
但我的問題有幾個…
利申: 佢地之前的化妝姊妹裙開門利是姊妹利是全部我都有卑, 甚至送左好多禮物和為左答謝佢地都請左好幾次飯, 我相信每位姊妹我都差唔多使左起碼兩千蚊左右…做新娘的責任, 我相信我已經做足咯, 甚至做多左!!!
我唔係要追收人情，我只係問下係咪整唔見左佢份人情，因為真係搵唔到佢個封，而佢係幫手收人情，免得中間有誤會
佢係唔係第一次做姐妹，或者有經濟困難？
有啲年輕人第一次做兄弟姊妹，身邊又無朋友結咗婚，真係會以為做咗兄弟姊妹就唔使比人情，因為覺得已經幫咗手（付出勞力）。
婚禮都完咗，就算發現人哋無比人情，都唔應該追問啦，人哋嚟飲係祝福你兩公婆，做姐妹仲要特登請假，由早忙到晚，勁累。
你搵得佢做姐妹，應該都係好朋友掛，少少錢就算啦。
你搵得佢做姊妹都應該係fd架啦, 仲同人計較果一千幾百… 其實我完全唔expect姊妹會俾人情, 雖然佢地有俾
我結婚嗰時係回番姊妹俾嘅人情俾佢哋
佢哋又要早起又忙足一日，都幾辛苦
我冇做過人姊妹，都唔知係咪需要俾人情。佢幫你收得人情，都有返咁上下地位啦。好朋友出席婚禮，仲幫你做野，走足全日都應該好感激佢地啦。
你係每位姊妹洗果二千蚊係因為會收返人情用架咩？係因為佢哋幫手，又係朋友嘛。定係你請化妝影相都會諗佢哋有冇俾人情？
你同人講無比人情，你真係好核突囉，你想人地比番你呀？結婚請人飲，仲係做姊妹，好心就算喇，仲講番出黎，勁老土。
我當年擺酒，我伴娘同佢男友都無比人情我，我估佢忙得滯無比我，我都算數，請人飲，唔係要人地幫手找數。
X2 點解會問？
唔理對方真心唔知，定太忙忘記左，都會令大家尷尬。
佢出到聲請你地食飯都係想補鑊（我唔覺佢大鑊），你仲懷疑人地冇同你溝通好？請人食飯都係yes/no, 需要點溝通？
Any肥，你預冇左呢個朋友
X3啦
咩叫請飲呀？請呀！
其實樓主係咪要計住人情擺酒回本？搵得兄弟姊妹，其實佢地幫你都忙左一日，你為左一個人無俾/唔記得俾就搞到咁唔開心，真係無必要
其實你當人地嚟打工嗎？
兄弟姊妹點解會去幫你？因為你錄緊人情牌囉，點解親戚朋輩會去飲？都係比面你同你地父母jar.
你咁鍾意計錢，有冇問過佢地大約幾錢人工？我覺得你要計返時薪比佢地wor
其實你呢位‘姊妹’係真係好係熟嘅朋友定搭單湊人數？真係朋友係冇可能‘唔記得’俾，如果只係搭單咁你就問得核突，比著我直情覆都費事
之所以我好L 憎擺酒
其實我又唔憎，不過劣根性好易出曬嚟囉
我結婚真係 兄弟姊妹團都冇，人多實煩
無錢嘅簽個字都結得婚
姊妹都要比嘅，不過又冇理由問
以家啲人係覺得朋友應該夾錢俾佢哋做show
姊妹要俾。無俾係小錯。
但主人家唔可以問人點解唔俾。問咗係大錯。
所以你地一齊做錯，但樓主錯多啲。
最慘係，你哋無朋友做啦
樓主好細個？
定係好重視錢？
定係凡要歸根到底嘅人？
咁都問得出口
又咁講，個姊妹本身都幾核突，唔比人情
但樓主又唔應該問嘅