死啦，我做幾次姊妹都無比人情，因為幾次新娘都無包裙，所以新娘話我地自己準備裙（大概乜色）就當做人情……不過幾個我都有買禮物送比佢地
做伴娘果次就有做人情
其實真係好睇你叫人幫手時講過啲乜，坦白，做朋友還做朋友，幫你手又係另一回事，做姊妹真係搞足一日㗎，無義務幫你的
4個讚
但係呢個係朋友之間嘅相助，你應承嗰刻就知唔收錢
但人哋都係請你飲，你要比人情
兩樣嘢嚟個喎，唔可以自己話已經幫咗手所以waive人情
4個讚
咁個新娘講明唔使你哋做當然ok
所以真係要睇樓主叫人幫手時講過啲乜，有啲新娘會包裙，咁做姊妹好自然就做大份啲人情；我做幾次姊妹，有啲就因為做姊妹要自己準備裙（夾色）所以唔駛比人情；有個就講到明叫得做姊妹即係自己人仲要做成日所以我地唔駛做人情；當然你自己會識做買禮物
其實做得姊妹真係要friend先做到…做得朋友就唔好計，計就唔係朋友，一餐飯嘅價錢就睇清楚人
2個讚
都係，
但搵得做姊妹，理論上都friend，咁就唔好計較太多。
樓主都駛左二千係姊妹身上，都唔差個一千幾百。
同埋人哋幫手做姊妹，難聽啲講，一日人工都係度。
人哋當佢fd 先幫手，否則可以淨係做賓客甚至推咗唔嚟。
無謂為咗一千幾百冇左個朋友。
對，樓主唔應該問，始終係朋友
但我好驚訝個姊妹會唔做人情，自己waive都得
即是可能大家根本唔熟
都係，
大家都企係自己角度，人情世故唸得簡單左。
聽過唔少人做完姊妹無朋友做
1個讚
又其實… 呢2000係駛響婚禮度，唔係益個姊妹架喎
13個讚
好驚訝點解會問得出
佢冇俾可能係唔識做，但點講佢都係有付出去幫你一日
你包化妝服飾，其實為你人生大日子出黎個效果靚，你包都真係合情合理
你送小禮物同請食飯，係表心意同多謝佢地付出，既然係咁又何必拎返出黎講
結婚係開心嘅事，你大搞係製造緊兩人嘅回憶，最重要係你同老公享受同埋之後開開心心，你少左佢一千幾百對個婚禮有咩大影響呢
15個讚
係囉
都2022，仲計邊個有俾人情，邊個冇俾人情，邊個俾得少？！
同埋既然佢係朋友，真係朋友係唔會同佢哋計錢，定其實唔係咁好朋友
講真，呢啲有來有往，朋友俾幾多人情佢，到個個朋友結婚時就俾返幾多，咁佢唔俾，你到時咪識做
當然係朋友真係唔會計，可以係，佢俾幾舊，但我都可以照俾一兩千佢
3個讚
你結婚係為咗收人情？
你經濟有好大問題？
其實無話去飲一定要俾人情，呢個只係來賓心意，希望幫補新人開支
1個讚
身邊都聽過好多人結完婚攪到冇朋友做
其實做過姊妹都知果日係辛苦到嘔，由朝忙到晚
除非你搵果個姊妹係鄧腳用，根本唔熟嘅，如果係勁fd真係會好感激佢地，唔會為個人情同人攤牌咁款
1個讚
我覺得姊妹係要俾人情，咁多年朋友
2個讚
我覺得你做得岩呀~你都做足禮數,問下個姊妹係咪唔記得俾人情好正常~
有D人係見人大方就食住上,我自己做姊妹一定俾人情
係,俾人情係好正常,唔係錢既問題,而係將心比心,想個新娘開開心心咪封囉~
我老公有個男性朋友結婚,佢果日D兄弟無啦啦特登夾埋唔做人情俾佢,佢係男人都唔開心啦
就算樓主當時白紙黑字要人比人價，最終姊姊側側膊專登唔比都好，咁都睇穿佢為人啦，，以後疏遠囉，開口呢下真係好失禮 
1個讚
我試過同個伴娘絕交,因為佢完全唔幫手,仲要分化我同其他姊妹,佢勁貪心咩都要我包埋佢,婚前婚後都要我單獨請佢食幾次飯,仲收埋封開門利是唔分俾其他姊妹,我結婚果晚佢掛住去溝仔唔肯坐我安排既位,成晚佢係無出現過係我附近 
結果佢係果晚真係溝到個男人做新男友,係佢主動話要做我伴娘我先俾佢做,點知佢日頭已經做曬禁忌野,佢根本就唔係想祝福我先做…
唔俾人情咁大件事，一定要絕交，叫佢出來屌足半日，再放張照片上網公審。