其實人情話明人情
首先字面解釋就唔係一定會有，同埋就算有，都未必一定要係金錢形式。送左禮，出力幫左手都可以叫賣左人情呀
另外有樣野我個人覺得疑惑，兄弟姊妹當日個定位係工作人員定賓客，雖然會佔一個位，但係分分鐘冇時間食野，好多時都要去照顧新娘／處理屋企人／打點一切，但新人通常會隊張帖黎，要找數個陣就當兄弟姊妹係賓客？
所以雖然我做姊妹都會封人情，但我唔認同冇俾就係失禮
8個讚
終於有人明我，不過真係無諗過其他人會咁大反應lol
其實各處鄉村各處例，唔係一定我做的方式岩或錯，每個人的準則都不同，唔需要講我的方式一定係錯，一樣有其他人都會問下
1個讚
得佢一個囉，咁代表咩
？
5個讚
的確係
唔熟又派帖俾我
但係因為common fd 都去
(eg 果陣大學同學請飲, 其他大學同學個個都去, 搞到我都唔好意思話唔想去 
)
又唔好意思推
我就試過做姊妹，我地成班兄弟姊妹都識新娘，新郎(香港人)外地回港冇咩朋友，大家捱義氣同佢做兄弟，之後大家仲開晒會咁幫佢搞得好好睇睇，佢又要面係酒店要搞到好隆重咁，籌備婚禮當中買嘢都幫佢出晒錢先。當日雖然都有收開門利是同雙方父母利是。lunch嗰餐食完，各人以為我地出住錢佢主動比番，點知我地要搵人同佢計番數事時，個新娘好唔like話乜我地食lunch要佢地出錢嘅咩?之後結完婚就完全唔泡頭，相都未睇過，大家都好似被佢地利用咗咁！
Sorry,谷友們！唔好同我講話朋友唔好計解。朋友之道，都應該係雙向
7個讚
呢個我之前都試過，不過我就小學同學，根本畢業之後完全無聯絡，原來佢係跟住當年本紀念冊去逐個打電話問。咁啱佢結婚日我有另一朋友結婚，咁就順理成章推咗。
咁你個新娘又係做得盡左啲既，做工作人員都有crew meal了，做兄弟姊妹點解會連一餐午餐都無
係喎
好多呢d 人
我小學同學又係無晒聯絡
跟住有人無啦啦搞小學同學聚會
就有人乘機宣傳自己快將結婚擺酒
席間本來都好幾個小學同學即場話去
點知最後個個都甩底
得番我一個去law
2個讚
嘩,你呢個直頭係犯罪!!
你放飛機果D同學好衰 
1個讚
睇左部份留言，揀到我都有啲怕欠飲。驚主人家會唔會嫌人情小我攪嘅都係細婚宴，因為唔想為個埸湊數去請人。我最後只是點個人情總數，冇計過邊個冇俾。因為你總唔會打電話問人攞番啩…
2個讚
$500 一家4口都見過
仲要係乞人憎嘅親戚
雖然唔應該用錢掛勾，但心中覺得怪怪地，佢$500一個嚟還好
2個讚
我試過去飲，要cut幾圍，好多人甩底，當場有啲混亂咁添
1個讚
以前果輩點同，鄰居都會請
1個讚
廿幾三十伴前做兄弟及姊妹，因人地要請一日假，清晨開始忙到夜晚，真係唔洗俾人情，一對新人仲要封番利是俾兄弟姊妹，作為答謝一眾辛勞。唔知點解後期搞搞下，搞到咁計較 !? 整到我都唔想做兄弟姊妹，又辛苦又攰，隨時淩晨先返到屋企沖涼瞓覺，瞓得幾粒鐘又要晨早返工 ! 
可能依家辦婚宴比以前講究，比以前用錢重皮好多，新人就開始計較 !? 中國人搞婚宴真係勞民傷財，簡簡單單仲好啦 ! 
而且親生妹妹咁親，係當自己屋企人，理應可以唔使俾人情、但都要送禮較好。 
3個讚
我擺酒仲攪笑,有D人明明話黎唔到,咁我咪無計佢地位囉,無啦啦又黎,跟住有朋友又無通知我帶埋另一半黎,攪到要坐到好迫 
我話開多圍,酒樓同賓客都話唔好,咁我由得佢地啦
1個讚
我反而覺得封幾多錢唔重要，因佢已封左人情，但係無收到人情就總是有種無被祝福的感覺。
1個讚
有冇被祝福，真係friend嘅會感受到，唔使用人情來衡量
9個讚
原來錢/禮=祝福，以為一直講緊係=禮貌，咁祝福嘅說話/行動等唔等如祝福…
3個讚
人到唔係最好既祝福?
2個讚