咁我等佢呢日,我痴一餐飯夠了lol
絕對唔係，只係想帶出有d人真係對呢d野或禮數無咩慨念。真心，大家有黎我都已經好感動。
明白,大喜日子其實大家都係想開心
呢個又係問題，俾得公價又嫌少，老實講我呢d 普通人家唔識做幾錢人情。friend 都係咁話啦，心意、祝福用幾多錢衡量？
1個讚
所以咪唔可以靠禮金找數擺酒囉
我自己就咁：普通朋友同事公價，勁熟嘅起碼$1000，我試過好兄弟好姊妹封$3000
其實我都收少咗幾封人情
我係有厚面皮問返對方封人情係咩樣嘅
有啲做咗冇寫名我都問返係咩樣嘅
我會記錄返。第日唔可以做少
收唔到嗰幾位
啲相都影到其中一個喺簽 guestbook 個位
所以我一路懷疑係有人偷咗！
我懷疑偷嘅人係我完全唔熟嘅但佢走咗去痴住幫手嗰位 
不過都只能懷疑
啱啱追po到呢度，見到你加啲 emoji 笑死我，大有同感…
兩睇啦!我意思係叫得好朋友都應該唔比人情禮物都有份啦！
唔可以一句話好朋友就唔應該計較，正如好朋友借我錢，你唔可以鬧我話好朋友就唔好計較叫佢還錢
3個讚
我老公有個fd都係封$500，算好熟嗰隻，我地又唔介意喎，佢來已經好開心，喺我心目中無所謂咩人情公價，只期望佢地真心戥我開心就夠了
2個讚
個point係樓主問下都要俾大家圍 
樓主覺得失望係好正常,唔係個個都唔介意
1個讚
其實我都試過類似情況問返,亦試過唔問…
我心境分別係問就只係想得個知字,唔問果次我係做姊妹,新娘走左我數(我幫佢出左錢先),我心淡到唔想追問(我知佢係特登),之後佢有請成班姊妹食飯,但我都係選擇絕交(我無同其他姊妹講呢件事)
1個讚
你個情況唔同喎，你幫人墊支，即係借錢俾新娘啦，問返佢就十分正常兼合乎禮數，因為唔係奉旨幫佢俾喎
3個讚
邊有得咁預人地俾多D架,不過你咁講我都醒起,我舊同事結婚,返黎唱其他同事做得幾舊水人情
朋友經濟唔好,我接受到呀,我200蚊人情都收過 
但我接受唔到明明有錢都特登唔俾(唔係做姊妹果D)
3個讚
果次條數真係好難計,我出左幾次雜費,自己又蠢諗住朋友就無留單據,點知個新娘愈來愈多野點我出左錢先,早知佢唔俾返錢我,我就唔做人情啦
嘩真係賤!
幾百蚊唔係錢咩?
我想講有d 人係又炸唔係又炸
試過有份工我番左唔夠一個月都俾同事炸
但個同事其實唔熟
佢擺酒請晒全公司同事去咁
2個讚
好老土lor,多與少自己心中有數咪得
2個讚
係，俾人情真係一盤學問，俾多俾少大家條數唔同，但可能影響到無朋友做。
我第一次做姊妹時，其實都唔知，因為對新人係圍內第一對結婚，全部兄弟姊妹都無經驗。
男仔邀請咗10個由細玩到大嘅兄弟姐妹，佢地嗰邊覺得已經要嚟幫全日手，無理由要俾錢，一開始已經講明唔會俾人情，同埋要求當晚一定要有after party
。(不過佢地全日都真係落力嘅)
我地依邊就覺得兩手空空都好似好肉酸，而且知道新娘都比較計到盡嘅人嚟，不過當時大家都剛出嚟做嘢，俾得少又驚新娘唔開心，俾得多我地又唔開心
最後我地幾個女仔，一早知道暗盤開門利係幾錢，我地就除返條數，然後幾個一齊夾人情，尾數砌靚啲(開門利是主人都係俾靚尾數)。
於是到其他姊妹婚禮，我地都沿用依個方法咁俾(例如1688／2388／2688／2888咁)。直到大家收入穩定先分開俾。
2個讚
可能我擺得幾圍，有幾個同事想來我都無派帖，淨係請佢地食唐餅，都有大規模請其他同事食唐餅，有個好fd嘅同事因為好想做禮而佢咁啱屋企有白事未過100日，先至比張帖佢收禮，本身佢一直喺我個賓客list度 
唔明點解啲人係又請唔係又請，我淨係想有心嘅人先好來，唔通真係紅白二事不能決席？我聽過長輩講紅白二事人地叫得一定要去，以前去過幾個唔熟嘅人請飲，成晚悶到傻又要做人情，真係貼錢買難受
2個讚