咁即係錢=禮貌？
1個讚
好彩樓主喺到問，如佢上Facebook, 連登我諗好快有個好賤嘅回應。
其實好多人唔係經濟咁好，我都試過初期供樓，真係每月銜番既錢僅僅夠洗，最多預多300~500元，係老友約食飯我預咗埋單。我份人唔會話窮就食人食出汗、食自己標冷汗。如果自己真係掹掹緊，我會搵藉口推咗約會就算，唔會預朋友請客 !
之後供完樓自己鬆動，如果係老友約飲茶食飯，知佢冇工開或環境唔好，每次我都會爭住俾。當然呢類朋友知我冇工開、或環境唔好時，佢地又會咁對我 !
如果我辦喜慶宴會，就算一大班朋友聚餐、或 BBQ 都好，我知某朋友經濟唔好，我會盡量俾埋佢果份，或同佢講唔使夾，之後我再暗中幫佢俾埋。
如果自己親兄弟姊妹、或感情要好親朋好友，佢肯到我開心都嚟唔切，人情唔俾或俾好少我要蝕，我都會心甘情願。因為總有人環境好封厚人情，咪當多除少補囉 ! 人生好短暫，相聚時刻唔係咁多，有時親朋好友今次聚完，下次可能少噤個，無謂睇錢咁重要 ! 
8個讚
其實你係想要錢，唔係祝福。
7個讚
有時出去打工多同事，剛去做新人人工好低，供緊樓已經褲頭好緊，好多同事婚宴都俾帖，真係每個月一單都破產。所以同事少、親戚少仲好，反而真心幫到手老友最重要 ! 好多親戚非常計較，而且呢類親戚通常好富有，反而基層或住公屋親戚，唔計較仲好有心添 !
人越大，真係越唔中意去飲宴，大分老友除外，佢話唔請我仲會自動請纓，封大封人情添 !
3個讚
係咪中式婚宴先咁樣計住計住？想擺酒可以回本？啲人去飲是為了娛樂消費？講真人情嗰一千元真係可以食得更好。
點解唔可以單純咁只係分享喜悅所以以請客形式去分享？啲人來飲，是鄧你高興。如果唔係點解佢哋唔拿住人情去睇戲而去睇成長片段。
如果擺酒帶來財政壓力，咁咪唔擺。拿錢去旅行結婚仲好。
8個讚
講得好好，呢d 先係好朋友
其實都係，擺酒除左主人家高興enjoy，其他人黎飲就未必係有同樣感覺。我有時去飲，悶到想訓
，有時係當同朋友聚舊食餐飯
真係～咁多年來，食來食去都嗰幾味。其實次次去，無論club house,酒店定酒樓，都係抱住鄧人高興去助慶下或者聚下舊啦。
2個讚
錢同祝福佢都想要就真
2個讚
係有錢嘅祝福先要
就算而家疫情有限聚(其實我唔知去飲限幾多人), 我比盡佢50個人好未?
佢有本事classify到邊個冇比人情, 點做到, 冇返咁上下對錢嘅執緊, 都做唔到 (唔係寸, 係真係讚樓主)
9個讚
識既老朋友囡囡酒店擺酒，我只做人情無去，我好直接同佢講唔識雞腸，呢d 場合好怕怕。到佢仔仔酒樓擺結婚酒，雖然我只識老朋友2公婆，明知悶，我都照去。
真正朋友會明對方心意，唔會計較，反而會互相體諒
1個讚
你啱無錢無祝福
對錢執著其實都無乜嘢，但將其他嘢建基於錢上就現實咗啲。無人情等於無祝福？唔通人哋由知道佢結婚到婚禮一句恭喜都無講過？定真係有錢先當係祝福？人哋花成日時間做姊妹都等於nothing,莫講話之前仲要出幾次嚟開會試裙之類
不過樓主所有嘢都建基於錢，自己埋咗單就等於做足本份甚至做多咗（上面係咪有提過咩半島？睇完真係笑咗，一邊話唔介意一邊掉啲單出嚟數）如果咁都仲有朋友做應該要好好珍惜，千金難換真心呀
5個讚
1個讚
其實樓主，我真心覺得既然你個姊妹咁失禮，冇禮貌，又俾唔到祝福（人情）你，你都係疏遠佢（放生佢）吧啦
5個讚
計我話全部計返時薪俾啲姊妹，再減返開門利是嗰啲，然後唔好俾帖俾位，咁咪唔使驚d姊妹唔俾祝福佢囉
咁好複雜下，咁時薪點計，人人唔同喎
咁又要唔要扣返半島飯 仲有件禮服呢
1個讚
OK wor, 起碼唔駛請人食半島