一定介意，真心：個姊妹係冇理由唔做人情
但介意又唔應該問嘅
我估會冇朋友做囉
重點係呢啲野唔應該問呀，
如另一會員講，
姐妹係小失禮，去飲冇俾人情；
樓主問係大失禮，請飲本身係請人分享喜悅，同埋問完冇幫到件事，仲令友誼多一條刺。
2個讚
講開諗起：老公廿幾年friend做人情$500，我哋都打咗個突
1個讚
但有d人真係唔識架，我有個frd 都好frd架，家住半山，人情都係差不多，我覺得有d人真係無咩慨念，不過認真，結婚見到大家，真係都好感動啦已經…
反而我比較著重呀爸呀媽話要請嗰d人既人情 
1個讚
我都覺得呢個先係問題
問完有四個結果
- 對方承認無俾人情 → 就好似宜家咁搞到尷尬
- 對方話自己有俾人情 → 咁即係整唔見啦? 樓主可以點? 都係有得佢唔見架啦, 朋友有俾可能樓主個心 gur d, 但係同時又因為跌左一千幾百蚊唔開心?
- 對方無俾人情, 但樓主追問下唔好意思講自己真係無俾 → 同上
- 對方真係唔記得左 → 樓主收番人情, 完滿結束! 對方都可能覺得唔好意思, 但要朋友提佢俾番人情, 都可能覺得好難為情
1個讚
好奇一問,佢屋企富貴d理應要俾多d?唔係想撩交鬧，真心想知
我估佢係回番佢上面個留言
想講家境富裕既人都一樣可以無金錢觀念
去飲俾五百蚊(宜家公價好似都八百蚊以上?)
I see.因為我俾朋友嫌過少,佢個理由係我老公有錢諗住我會封好大封,但我八卦完發現我果封係同輩當中應該係最大封ga
冇朋友做就梗，但可以諗下係咪自己之前得罪左個姊妹都唔知，以至人地禮都冇俾
咁佢有權嫌少
但講到出口又好似唔係咁好?
我反而覺得封多封少係睇交情
唔通失業/ 經濟欠佳既人去飲佢果餐
佢就接受到人地封五百蚊?
2個讚
所以我一直覺得自己有錢找哂成個婚宴條數而唔係靠禮金先好擺酒，當然父母迫擺個d另計，呢個情況就叫父母先出錢找數先擺，最多禮金佢地收返
3個讚
其實我封成5800,我自己覺得唔算少,佢講完我面色應該唔ok,所以佢笑笑口話講下笑ja,但一開始聽似真心話
件事都成差不多十年前,不過見到有留言咁講我真係想知人情封幾多,除左睇交情,原來仲有其他野要考慮
下? 封咁多仲嫌少?! 就算我當公價係五百, 果度都已經係十倍有多
我係你我諗以後會考慮疏遠呢位朋友law
太貪錢喇
3個讚
cls, 唔好話10年前, 今時今日都好多啦, 你D朋友疏遠佢算啦
4個讚
我同佢各自有家庭要忙無以前咁熟lu
佢拉我老公落水都好奇怪,因為佢無請埋我老公去飲ga
阿朋友咁搞笑呀。。。
我有錢所以應該俾多少少人情，
咁李+x去飲咪不得了？係咪應該包起佢成個婚禮嘅駛費
咁佢發達後，係咪以後出街佢請大家食飯去玩？
4個讚
講開又講
我有好幾個大學同學都係咁
畢業後本來一年都未必見一次
之後一結婚就突然開whatsapp group 炸晒成班同學
飲完佢地果餐就一直都無再搵過我 (我肯定我係有做最少公價既人情 
)
真係現實到呢……
1個讚
以前黎講真係算好朋友嚟gei,不過而家好少聯絡,唔駛煩lu
五千幾？絕對唔少啦
我有類似經歷,另一班舊同學,有一個中三去外國讀書,讀完大學一段時間返黎香港結婚,响whatsapp group send張家居電器list出黎
成班朋友都唔識野,諗住可能外國人興呢套,大家夾埋買左幾款電器後,無人上過佢新屋,過多兩年佢老婆有左所以返左加拿大,我地同呢個人同d電器都無再見過面
2個讚