我覺得睇你同上司關係如何先
如果關係好既
有d 上司好既會提示下公司幾時有機會俾你升職
但係如果做得唔開心或者唔想等好耐先有得升
我會寧願出去搵高一級既職位算 
的確係
上份工大把講多過做既廢人係升到職
見過有個老seafood直頭入房講數
話要轉team 要升職乜乜物
否則唔撈
結果真係俾佢升
(但其實我地team 成team 人都覺得佢番工成日搵人吹水又多手尾俾人跟
做野唔掂)
相反落手做野又有料既人十居其九都係頂唔順自己走
我覺得無social skills 我好蝕章
有無補救方法指教吓?
講得好呀
其實如果老闆唔出聲係唔知唔啱佢心意㗎喎
可否指教點化解?
(因上司成日扮問意見)
請教你係點突破上位?
待人處事 ＆ 說話嘅藝術係要靠時間慢慢浸出嚟， 唔係一味和應老細， 但又唔會同老細撐都衡。適當時候同同事＆老細保持距離(例如講到政見/宗教/其他價值觀嘅話題點到即止就好)，仲要識得睇人眉頭眼額。平時同老細閒聊都可以講吓自己嘢， 俾老細了解多啲唔到角度嘅你。不過當然最重要都係睇返你老細鍾意邊類下屬啦。
不過我諗我冇突破上位到。。。 職位只係普通 ger 級, 但起碼有能力叫老細加人工. 我好現實, 咩 title 我都冇所謂, 最緊要人工滿意.
你完全係講緊我
咁我地係同類，好少見。
至少現實世界未遇過。
你係咪都被所有人問過，下屬客戶同輩甚至老闆，點解唔自己開公司。
但實在係討厭工作，不適合做生意。
我係畢業個degree 唔靚，得d 請唔到人/走晒人既工肯請，不過升職加人工都好快，而家三十頭都叫等上senior manager.
但我係成日轉工，份份都係超多野做，做到發爛咋都係唔會炒
今日onboard 一份成team 8月尾走晒既工
有人叫我自己做生意，我唔想take risk, 其實我都唔鍾意返工
1個讚
凝聚力其實係咪一班朋友入面比較出眾，中意group埋啲人一齊玩（搞手）中意表達自己咁既人呢？我就係如果一班朋友里面我會選擇唔同人爭，而且做搞手都唔容易，反而私底下單對單會容易frd到
最容易係轉公司… 當然都有好多係原公司升職, 但人性總係諗咗自己先; 老闆見你做得好, 咁如果升左你, 佢要考慮嘅就係要搵一個同你差唔多, 甚至更能幹嘅人, 去頂你個位. 懶嘅老闆唔想搵就費事升
另外, 如果想向上升做野嘅方向同而家有啲唔一樣, 咁就可能要考原公司, 因為如果已經證明左實力, 咁就會比機會嘗試唔同嘅野
我覺得唔一定係最出眾嗰個… 可以係以"催化劑"嘅存在… 例如"排球少年"入面嘅澤村大地, 佢唔係 team 入面技術最高, 或者最令人眼前一亮嗰個, 但可以令散修修嘅隊友 work as a team 嗰種.
或者可以比喻 Captain America 喺 Avengers 入面嘅角色, 相反 Tony Stark 都似有領袖特質, 但佢就係冇嗰種會影響teammate , 一齊 share the same vision嗰種魅力 (睇返 CA 3就明)
講講吓變到好中二病
睇來真係同類, 我學歷背景都差, 兩個學位都係邊返工邊讀返來既.
不過我預期你好快上 sen ger, 因為我地哩類鍾無艷派, 同精於擦鞋既夏迎春派相反.
每當經濟環境差, 反而係我地最大價值既時候.
我第一次過 ger位, 就係沙士果時.
而家退左休, 今次經濟低潮既機會同我無關了.
欣賞及肯定你, 同類.
1個讚
多謝！祝退休生活愉快！
回樓主，擦鞋型既人升職快都好，未必會有太多真錢袋。
打工真係做到野既話總有人需要你，亦有人明裡暗裡搞9 你。
每一個老細都係要個聽佢話既同時，每一個老細都會要個productivity 高既，解決到問題既。
我份工算係專業，唔係CS or Sales, 年資係頗重要。有d架直昇機仲快過我既 senior manager / associate director, 其實人工可能兩三萬/無五萬，而且係無相應既實權。
人工/ title / 升職速度 / 工作內容 / 專業技能呢 D 一見工就明白晒，個 d 人其實係走唔到既。
如果有個人技能係70分，做人係85分，抵佢升，就算我120分技能 65 分做人都一樣係抵佢升
4個讚
我覺得我係120分技能 65分人事 但無得升嗰啲
我人工ok嘅
升嘅話人工多幾千
但我唔開心無得升
我已打算轉工
我唔係怨完又永遠留喺度嗰款人
職場不如意事十常八九，轉工係解決唔到問題既，性格同命運係一體，我收幾錢做邊份都係俾人搾乾咁滯，所以只睇人工是否 compensate 到，compensate 唔到就跳槽去下家，邊度都suffer, 梗係要份多錢 d。
我衡量自己係咪underpaid 得一個標準，就係 market 有無人肯俾多d 錢我去做僱主需要我做既野。年資學歷工作量 title 最多都係indicative of 性價比，對於是否underpaid 都唔太係參考黎
如果唔係政府工之類有好明確既banding, 升職真係未必加人工，巿道唔好係有危有機，慢慢搵。
1個讚
或者係，帶team 個時唔擺款唔發惡人地想唔想聽你講。
做 Leader 係要influential 既，但太influential 既人上司同事都係會忌，除非直接under 老細