老細會將做野既人留係做野既位，對佢黎講d野邊個做，做個個係咪compensate 到佢並唔care, 除非你走啦，或者underpaid 左好耐耐到benchmark 唔到。
由entry level 升senior 真係做到野就一路暢通
到真係帶team 就要睇機遇
「識做人」係好虛無，夾到自己既上司會比較具體
Managerial level 黎講越廢既上司係越需要個識做人唔識做事既下屬
去到reward 刷鞋仔個下d 老細好清醒，升左職俾左面佢未必會俾錢佢的，覺得條友唔使做有人俾佢點仲使乜俾錢佢姐，都唔會走
好多人自身問題多多，但就歸咎冇得升職嘅原因係比起其他同事唔識擦鞋，又或者係滿足唔到上司荒誕要求，而從來都唔會檢討吓自己衰喺邊。
如果真係咁叻，點解唔會轉過第二三四五六份工，點都會有人欣賞你嘅才華？
邊得嚟咁多懷才不遇。如果連自己嘅career path 同 work relationship 都 handle 唔到，講咩升職。
所以真係好討厭做唔到嘢淨係識得扮勤力嘅人，成日眼紅升到職嗰啲人就一定係因為識得擦鞋，思想真係好狹窄，不過都好多謝佢哋，先至可以襯托到其他做到嘢嘅人嘅value。
我就兩睇啦，一運二命三風水
又或者擦鞋都係實力一種卦
有啲人響同事之間覺得好流，但一直好順風順水，識人每大半年轉一之3工，10年之間由搵2萬去到年薪百萬，大家都覺得好神奇
可能真係有啲不為人知嘅事掛
相當同意
我舊公司擦鞋上位果班都係咁
因為無料基本上走唔到
但公司又keep 住升擦鞋果班
結果有料果班一係移民一係自己搵工走人
從來都唔信呢d嘢，性格決定命運
同事之間覺得流但一直順風順水，如果嗰個人無一直做”啱”，事情係唔會自己發生順風順水。只係同事睇唔到啫，亦因為咁升嗰d唔係佢地。
每大半年轉一次工，
其實每次見工都有幾組interview
佢如果可以咁多場interview 都pass 到，而每次都有人工加，已經唔係等閒之輩。
你話每大半年轉一次工愈轉愈低人工就話啫。
算啦，人總係寧願妒忌人哋搵借口，都唔肯認有其他人叻過自己。
其實你激動咗
我啱啱畢業都好似你咁諗，老咗就知現實唔係咁
有啲老闆係好鍾意人扮O T，呢類就唔鍾意手腳快嘅人
好多升到職嘅人都唔係1 take就升
我老闆佢自己都唔係
所以未升唔代表以後無得升
你咁激動都唔似老闆級
問吓攻略都唔俾問咩
真心我唔識當時人，而響佢舊同事之間又咁講
佢應該有啲神奇嘅力量掛
我一字一句都係講返觀察所得，
係因為唔認同你無得升職唔公平所以你覺得我激動？
定你唔夠講所以攻擊我一句激動就叫解決問題或者解決我？
我明你需要圍爐去賴點解人地擦鞋叻升到職，多過真意見反省自己有咩不足點樣升職
咁算啦，無謂浪費大家時間
簡單嚟講，我覺得你態度唔客氣，所以覺得你激動咗(斷估你唔係想鬧醒我啩?)
我從來無話過人哋擦鞋唔抵得，我會視為social skills,我知我缺所以圍吓爐睇下有無攻略啫
咁其實你都好主觀
所謂我態度唔客氣，其實都係因為講唔中你心裏面想聽嘅嘢
所以即使我陳述我睇法，只要唔啱你心水就係唔客氣同埋激動
所以呢啲根本就唔係理性討論，我永遠都唔會滿足到你。
我嘅睇法係如果你淨係睇到升職升人哋而唔係升你嘅原因純粹係人哋識得擦鞋，而唔係自己檢討吓點解咁多年都係咁，咁成個討論都係點解我唔識擦鞋點樣去擦鞋呢啲真係好無謂。
唔阻你圍爐，你繼續。
世界上無幾多個人係知人善任
自己知道輸係邊就得啦，唔好唔開心
多謝。
我有舊同事同我差唔多case,轉咗工就有得升喇。
祝好運。
以我睇其實上司決定一個人既去留任免只係睇佢喜惡，或者當刻有咩人俾佢揀
做野做成點無關係，做人做成點都未必有
升唔升得成，運氣先係最緊要
Please 人係一能力一種，但無必要放太大
見過各方面完全唔討喜，做野又唔掂既都升，因為上司自己都無得升，升個個人要明顯差過佢先安全，僅此而已。全公司都係咁認為。
人夾人
唔岩就轉工
不過上到去高D嘅位就知 識做做得多 多勞唔一定多得
做manager 1. 管下面 2. 同其他部門合作 3.對老細 全部都係一門學問/藝術
仲要7/24 on call
各有前因莫羨人
勤力，努力，毅力， 成果
我心心咗你呢段嘢， cap咗圖，我會得閒就攞出嚟睇，反省吓自己係咪「問題多多」
唔一定，但我會努力，多謝
定係要講埋關係?
幫上司解決到問題。但又唔會覺得你威脅到佢
睇你咁樣問問題，問題嘅內容咁虛。
你自己已經比到答案你自己 