你係忍唔到定有心想喊俾佢睇？如果有心嘅好似有少少情勒索而且失敗左，搞到兩個都唔開心。
老公除左返工仲有冇啲咩家庭活動？一齊食飯呀咁？小朋友幾大？
你陪小朋友會唔會send下啲開心相俾老公，等佢知道辛苦返工都值得咁。
如果你係ftm ，我會明白佢拎晒啲時間返工係想俾安穩嘅生活你同小朋友
或者你試吓同佢講
多謝佢為屋企付出咁多，但我都好想你陪我同個小朋友可以行更遠嘅路，製造多啲回憶，所以我都好希望你可以每個星期抽一日或者半日，俾自己抖下，我好唔捨得你咁樣捱壞身體
可能失業對你先生打擊好大，好驚生活質素有變，至會只掛住工作，你試下用關懷嘅角度同佢講，等你先生知道想佢陪下你哋之餘，你亦都好著緊佢健康
我有返工，家庭開支一直都係我負責大部份，疫情早期時佢份工出半糧我都冇叫佢俾家用我，我同佢講過搵唔到錢唔緊要，最緊要一家人開開心心、身體健康，我只係希望佢星期日放假陪下我同小朋友出去行街食飯，但我同佢講完佢都唔理我，唔答我，我都唔知點同佢溝通
多數係忍唔住喊，因為好心痛，佢以前成日笑，又會同囝一齊玩，而家佢只係返工放工，冇笑，冇家庭活動，小朋友9月K3要準備升小選校，我問佢意見，佢叫我話事，初初我自己覺得佢似人到中年失業有D唔開心，我諗住俾D時間佢，但已經半年啦，佢仲係諗唔通…佢連小朋友結業禮同家長日都話要返工
2個讚
男人都有啲自尊心，收入少左搞到好似食軟飯咁，心裏一定唔好過！
所以唔好講咁多關於錢既野
佢放工返黎冷淡你都要繼續熱情啲，唔好比佢影響你
直接就問佢「攰唔攰？」或者幫佢按摩幾下，呢啲行動上既關懷
男人唔興講野架
唔好諗住佢同你「吐苦水」
直接就安排啲輕鬆少少既星期日活動，大家散下心
你返工都辛苦，難得你繼續支持老公
就簡單啲同佢講下，「慢慢搵啦，大家最重要一家人」呢類說話，但唔好太認真咁講，太認真又有壓力
3個讚
呢啲我已經講過，不過佢都係冇反應俾我，我唔知佢想點，所以好辛苦
我有攬住佢，亦都有叫阿囝攬下爸爸，夜晚瞓前同爸爸good night咁，佢多數都係「哦」一聲就完…
我都覺~
應該係覺得經濟上要靠老婆撐住頭家
所以唔好受
會唔會係自尊心問題
佢會唔會覺得自己雖未去到食軟飯，但佢連家用都俾唔起，可能覺得自己好冇用，所以想努力搵錢，證明自己嘅存在價值
而家你問佢小朋友升學問題，佢可能覺得自己有話事嘅條件
佢以前係唔係都多同你分享生活軼事？
我哋由拍拖到結婚已經20年，佢一直都係搵錢少過我，之前份工已經做咗差不多15年，突然清盤，我都明白一定會唔開心，我冇怪過佢食軟飯/搵錢少，只要佢冇欠人錢，養到自己，負擔少部分家用已經夠。其實我有擔心過佢會唔會出面欠人錢冇話我知，所以努力搵錢，但公司有遣散費應該點都夠駛大半年，我真係唔知佢諗乜。
小朋友升學一直都係我做主導，佢負責出席，而家佢連家長日都唔想去咁，我都唔知佢想點…
以前佢都係少講公司野，但都會分享下啲無聊野，好似屯馬開通條片都會分享下，又要我陪佢去睇marvel戲，而家佢係零娛樂，我主動陪佢，佢都係答我要返工、唔去。
早排打風佢係屋企都只係拎住手機look，差不多同小朋友零交流，真係一句起兩句止
或者啦，我都唔知做乜可以令佢變返以前咁
我估，佢係因為15年嘅生活習慣改變左，冇左個comfort zone，非常之唔習慣，加埋其他嘢就會好失落，又怕左你啲錢唔緊要最緊要xxxx嘅說話，就逃避囉。
佢本身性格係點？
佢本身都係靜少講嘢，宅男鍾意買玩具，多數出街睇下玩具，疫情前會同朋友踢下波，會關心我同小朋友，而家好似變咗另一個人咁
我都唔知自己應該講乜佢先會冇壓力，唔通真係咩都唔理，由得佢長此落去
性情大變會唔會荷爾蒙出左事?成個人懶洋洋咁~
同埋疫情期間少左同朋友交際個人係會摺D,鼓勵佢約下朋友踢波?
有做運動個人會開心D
嗯⋯⋯就好似d人要退休，唔知時間點過好，可能佢覺得不停返工可以填補心靈上嘅空虛或者時間
佢之前有話背脊痛去睇物理治療，我問佢仲有冇痛，又話間中仲有痛，唔知關唔關事…
佢日日都話返工，朝8晚11返足7日，問佢返乜就話檢疫酒店或疫苗中心，有咩工就返，事實去咗邊度我都唔知。佢連自己父母都唔見，我叫佢放半日假返老爺奶奶度食晚飯都唔肯…
我有諗過佢會唔會出面有女人，因為佢呢排有買新衫新袋新鞋、仲有男性護膚品，佢最鍾意嘅玩具都有買，佢以前都係貪靚同資整，我只係諗可能出去見人/見工，所以想著靚D…定其實佢真係有另一個
可能係…我已經唔知點同佢溝通…
我會直接同佢傾，佢唔傾叫佢搬走！
每次傾佢都話攰同無嘢…趕佢走我又做唔出…我唔想小朋友失去爸爸…
不如去見輔導？