話說我唔鍾意我奶奶
未結婚開始已經同我老公講明唔可以一齊住
就算講你阿媽幾好 婆媳唔同
以前盡量大時大節都見啦12次算
你話我唔識做都咁講
因為佢阿媽每次招呼我嗰啲都係唔係好餸
而且都唔係新鮮嘅餸 同埋真係好難食
真係極品 都未見過咁難食嘅餸…
我都唔知點解感覺係唔鍾意佢
可能生活習慣同我媽好唔同
樣樣嘢都慳 佢媽又好蠢甘樣
而且佢成日似老賣老 又話自己冇記性
明明得六十幾歲
佢媽把聲成日upup沉沉 好鬼煩
我老公長期同我講佢阿媽係老人家 …煩
我自己阿媽都六十尾 都會落街買餸煮日日煮飯
照顧埋佢自己仲照顧埋我老豆同我家姐啦
佢媽又唔會黐住老爺 又唔痴個大仔
成日痴我老公
直至老爺年頭過身
我老公又懶孝順成日都陪佢過夜幾晚
又話佢怕黑
明明都幾十歲人仲好似小朋友咁樣
佢媽明明可以行得走得 成日話驚呢啲驚嗰啲
都唔知點解好多阿媽都係為母者強
活到老都唔會好多嘢都唔會驚唔會驚佢阿媽好似都幾奇啫即係好見到佢你好嗎
佢阿媽好似樣樣野都驚驚青青…
我見到佢都好負能量…
佢媽仲話要同老爺離婚之前
自己又唔陪老爺睇醫生 同覆診
我老公直情冇返工成個月陪佢睇醫生
佢阿媽都唔會唔會去陪
佢媽又話驚自己一個喺屋企
就算老爺走左,照計如果有鬼魂嗰個都係佢老公呀
佢樣樣嘢都要靠個仔去做
疫情話驚中招唔落街買餸
前排老爺唔喺度我老公又話陪佢阿媽
工都唔返呀 唔返工陪佢阿媽
都唔知做乜鳩
我呀婆呀九十幾歲人都係獨居甘過又係咁樣過
我最嬲係我老公自己成日自把自
沖上去都冇問過我感受同埋
佢話佢阿媽得一個老婆可以好多個
我先最嬲
佢阿媽唔係得我老公一個仔
仲有一個未結婚嘅大佬
成日唔生性 連佢自己阿媽都唔睇住
之前又跑咗上大陸搵條女
我老公又話擔心佢阿媽一個人又想上去
跟住最近佢大佬中招我老公又話要陪阿媽過夜
我聽到到覺得好煩 又話驚你媽話怕黑
因為佢阿媽呢件事搞到我成日同佢同我老公嗌交
好彩我冇小朋友
而且我都係算結婚一年多我老公巳經都唔喺屋企
平時一個星期都話要陪佢阿媽兩日食飯
我老公呀仲話遲啲要搬上去同佢阿媽住
唔租我自己屋企
因為佢阿媽冇人陪 …唉
唔知佢阿媽有幾咁寂寞定係
佢個仔成日老吹佢阿媽要人陪
我都心好攰
你都好老實，真心句句都好睇奶奶唔順眼
我外人睇就無咩嘢嘅，好似小朋友咁想嗲下個仔姐。
想問下？大伯同奶奶係咪唔同住？你奶奶怕黑，但每日必定會天黑架啦，咁咪即係一定要局你老公同住？
淨係呢句我已經覺得可以close file
係架 我都好直接架
不過有冇同我老公講到咁白
但係我表現到真係唔鍾意
真係一年先見12次算
佢媽樣樣嘢都寒寒酸酸酸酸甘
好鬼慳咁 我淨係覺得佢媽可唔可以堅強啲
係呀日日都會天黑 都唔知搞乜鬼佢媽
你話細路就話驚啫
我都係自己一個人啦 我都係啱啱結婚一年多
我都係我阿媽個女 我都 我都成大半年自己一個
因為呢件事都已經同我老公嗌過好多次交
有罵佢你咁鍾意你阿媽又唔好同我結婚啦
佢大佬自己有個屋企 本黎同佢前妻一齊住
佢依家自己一個人住
佢大佬呀都唔想照顧佢阿媽
連佢大佬都嫌佢阿媽煩呀
問題係佢阿媽識行識走 六十幾歲可以煮到飯
究竟有幾需要人哋陪佢
我有叫我老公 快啲帶佢阿媽去老人院
如果話怕悶
我要同我老公講我哋成長大成家立室
唔好再成日黐住阿媽喇
呻到我自己阿媽都覺得我好煩
所以我先上黎討論區
冇小朋友真係早D離好過，孝順係好，但愚孝就真係早走早著…
你99都係自私，想一直霸住個仔，由得佢吔兩母子相愛啦…
放過你自己…
雖然係真
但係未咁快close file嘅
我都係啱啱結婚無耐… 佢聽完下超嬲
佢因為咁樣對我所以
我都會唔會以佢為主
多謝佢令到我更加孝順同珍惜自己的父母
結婚無幾耐都咁樣，我係你會放生自己
唔想自己最青春嘅時間留嚟同奶奶角力
我接受唔到結左婚仲會返去瞓，好影響夫妻生活。如果可以嘅話就請個工人服侍佢啦，怕黑就開曬全屋嘅燈。
可能無乜朋友，又無乜自己生活咁
惟有痴住個仔？
唉我都唔知呀我老公話佢阿媽唔可以一個人生存
我都就嚟習慣自己一個人啦
又話驚黑 我想同佢媽講叫佢唔好合埋眼啦
佢媽係老爺生前又唔著緊下
到死後先又話掛住
家陣等佢大佬好返
佢阿媽搬返去同佢大佬住
就唔會有咁嘅情況
我都有講叫我老公或者同佢中大佬夾份
請工人畀佢阿媽
我係唔明我老公點解可以咁孝順連老婆都唔理
拍拖之前都唔知佢咁樣樣
太長篇 唔好意思
奶奶同老爺感情點？
會唔會唔慣無左另一半？
如果可以，唔好做到咁疆，
新婚睇吓會唔會嗲到老公番嚟sweet下，
佢習慣左二人世界happy同自由後，
說老公請個工人，可以等阿媽成日有個伴。
否則最後老公覺得你唔鐘意佢阿媽就乜都聽唔入耳，
最後雙輸。
係好似認低威，但最後贏番同調教到個老公，抵番晒。
一個老人家會有咩朋友呀
咁我自己阿媽都係老人家有冇咁誇張要人哋陪
反而係自己會更加珍惜同阿媽同老豆嘅時間
咁佢媽自己都要習慣
冇咗另一半都成大半年啦
我老公淨係堅持話佢媽驚黑
我都無野好講
我依家求神拜佛 佢大佬快啲好返
比番返老公我
如果之前唔太緊張老爺，
會唔會其實係attention seeking同唔習慣樓主老公錫樓主多過自己？
好多新奶奶都有呢舖癮，
大家都要學習同適應新身分，
如果只係企係自己立場睇件事，最後未必有人得益。
我覺得嘗試多係老公角度諗
呀爸已經走左，雖然大半年，但係對左大半世人，
大半年又點cover度，而且好多人話好多人係另一半走左，
都會諗埋一邊，好快走埋，可能你老公真係擔心佢媽，
當然知道怕黑可能係藉口，咁如果佢地傾返同爸爸既往事
回憶以前，都真係要多些時間。
既然同老公相處時間已經少左，又唔係想離婚，
不如珍惜相處時光
可能驚老爺走左自己一個人住，
驚鬼呀？
從老公角度出發，
阿媽係生佢，養佢禁多年既人。
我老爺病危要做手術，
奶奶驚到喊，
老公即刻番去陪佢。
幾日奶奶心情都好差。
我媽話你一定要去安慰下人哋。
入咗icu一個星期。
老公唔敢係屋企人面前喊，
去到我屋企放聲大喊。
我果時唔識諗趕佢番自己屋企。
後來同佢道歉。
老公最後番左黎，
因為呢件事比阿媽鬧左一大餐。
我明白呀 我知道我自己都消化緊
我都被迫習慣咗半年 自己一個人
老爺過身嗰陣我老公都無哭 完全無事
係佢媽情緒
我老公成日話擔心佢媽情緒
成日話陪佢 過夜
而且佢都已經有個大仔陪緊佢一齊住
佢媽本身樣樣都驚驚青青 唔知點解
加上老爺過世
本身我都可以體諒
但係我老公無理我應受
都冇問過我就拿拿臨陪佢媽
我知我心目中的地位一定唔夠佢阿媽
但係都唔洗完全唔問聲我
仲要無啦啦畀佢鬧 發神經
依半年我都學識體諒
但係佢阿媽自己都要振作下
都唔知要陪幾耐
可能本身都一開始已經唔鍾意佢
我都好驚我老公睇到
不過成日番屋企同你訓，
又係好影響感情。
呢一點你奶奶好唔識去。
係咪唔想禁快抱孫。
你老公緊係都有不足
溝通唔係幾好囉
又唔關心下老婆
係我老公上去陪佢阿媽 過夜
唔係係我地屋企瞓
係就慘喇我會出聲啦
好耐之前有一次無啦啦
上黎用咗我屋企個廚房
我好嬲 搞九我廚房
有時覺得佢阿媽一啲都唔識做啫
見到自己個仔成日兩邊走
叫佢唔洗2邊走 陪下個老婆
同埋最嬲嘅一點係佢大佬叫我哋生小朋友
又係為咗佢阿媽 話佢媽悶
生小朋友累死我定佢個小朋友
講到尾又係佢佢阿媽
我聽到好嬲呀
而家都唔敢會生小朋友啦搞鳩自己