連小朋友家長日都唔想去…我唔覺得佢會去見輔導…
即係唔係心情低落啦
，好好地認真地爆佢一鑊
我爆喊完，佢都係唔理我…
有D人心情唔好就會亂買嘢…我有諗過佢係唔係咁…佢以前都係鍾意買嘢個種人…
定其實佢真係唔再愛我，出去返工避開我，我係唔係應該死心…
佢咁對你地，你覺得小朋友唔會感覺到咩？
有心情買野，無心情同仔溝通
我同小朋友講爸爸返工好忙，所以少咗時間陪我哋，等爸爸遲啲搵到穩定嘅工就會好啲。我覺得小朋友都feel到，佢間中都會講掛住爸爸…
其實我唔識答你，你不如開過個新po詳細講下，好多jm好有見地但冇入呢個Po
1個讚
好多謝以上咁多位回覆我，我都唔好意思突然騎劫呢個post，要同樓主講句抱歉
未必開新post啦⋯⋯我其實都知冇乜嘢可以做⋯⋯係到呻下已經好好
集思廣益嘛，佢哋過左英國好得閒的
你慢慢組織下再開
Um…唔係想嚇你，你真係要觀察下.
我前夫出軌嗰陣真係姣屎凳篤做呢啲嘢，仲叫我比mask佢敷，又買香水咁.
2個讚
唔緊要
每人都有佢嘅煩惱
最緊要解決到你嘅問題
係呀如果佢老公好好咁同我溝通我都唔會咁嬲
佢每一次都講佢阿媽為仲要
照顧佢阿媽係佢責任
問題係佢媽識行識走又唔係冇咗隻眼
淨係話驚黑
甚至連生仔都係話以佢阿媽為先驚佢阿媽悶
不過我哋而家都講咗講到明唔會生小朋友
冇胃害咗自己
又或者我暫時無工返 所以依賴老公
大致我都明㗎啦
我諗我應該要搵返份工
將來嘅事將來先算
但暫時我應該佢又未離婚咁嚴重
不過就一定唔會話將佢阿媽變成我媽
始終佢都唔係生我嗰個
我係嬲埋我老公同埋佢佢大佬啫
我只係會當普通人囉唔會點理佢
憎佢媽就梗㗎啦 畢竟佢搶咗我個老公
1個讚
其實好難將對方父母變成自己父母
唔一齊住已經好好
只要唔好見到對方
見到佢媽好似仲辛苦過返工甘樣
佢媽成日都散發住啲唔開心嘅負能量
搞到自己都唔開心
1個讚
呢個真係冇可能，如果99對自己好都話，佢到而家仲要霸住個仔，憎個99都正常。
真係要返工，日日冇嘢做個人一定亂諗嘢，搵D嘢學充實下自己都好
1個讚
我都好怕人長期負能量，你99同我老公一様長期放負，我真係懷疑過佢係唔係撞到污糟野
如果調轉諗，你奶奶都可以話你搶咗佢個仔噃？!
你有冇諗過，你怕別人負能量，你老公可能都係怕咗你日日吟佢？所以寧願陪阿媽？
你奶奶失去咗老公，你老公失去咗老竇，都係人生中嘅最大傷痛來，你體諒吓佢哋，多啲企係對方角度諗，咁兩公婆先會有商有量，互相扶持咁生活。
4個讚
見到樓主有update自己最新嘅感覺
半年，老公冇兼顧到都好正常，就算唔係佢媽「拉住佢」，我諗佢自己情緒都唔會話完全ok
我有個朋友佢本身同爸爸關係非常一般，然後爸爸因病走左，對佢非常震撼，而且事隔成年幾佢仍然會經常諗起，同埋都係會好攬自己嘅媽媽，會覺得一家之主走左，自己要代替爸爸嘅角色，而佢因為同爸爸冇乜兩句覺得好多野佢未處理好爸爸就已經走左，可能係遺憾，然後想將呢種情感一次過投放落媽媽身上
同埋好重要嘅一點係佢覺得陪媽媽佢自己會覺得有療癒到自己
呢啲佢係冇同自己另一半講，雖然我都唔明白點解唔可以好好地兩個人傾，佢覺得冇辦法講到，類似係覺得點講另一半都唔會接納而且仲好易會吵到火紅火綠，所以佢選擇唔講
有啲人就係咁，呢個朋友就算表達得到但佢都冇講
而好多男人表達唔係咁好，好多時如果覺得有風險會同另一半嘈嘅話，佢地大多數都會寧願唔講
再加上佢自己親人走左，情感上精神上太多野加埋佢地未必可以做得好好（即係如果平時冇野，個男人都比較粗枝大葉，唔太細心，咁有事發生時佢哋都係繼續咁嘅款）
希望你會考慮俾多少少時間佢地去處理媽媽嘅事啦
2個讚
見到你有個方向，係好開始
如果冇工開日日留係屋企「等」老公，當然你未必真係等佢，只係成日一個人又真係幾難頂，希望你順利搵到新工作，有其他寄託對你哋兩個都會好好多
至於奶奶點講都係你老公嘅家人
不一定要好似老公咁愛佢
但希望你都尊重老公去愛自己媽媽
佢選擇去陪媽媽有佢嘅理由
而家係最難嘅時間
你揀得佢就陪佢一齊捱過
過左一定會好
3個讚
係你老公生命入面你係遲過佢阿媽好多先出現，邊個搶走邊個都話唔埋。
你老公生勾勾冇時間陪你，你都咁嘅聲氣。奶奶老公死左怕黑有咩咁出奇？
奶奶而家個狀態根本同小朋友冇分別，要人安撫、陪伴。你老公唔陪佢嘅，出左咩意外嘅，你老公一世都放唔低（就算係中左邪教都煩）。
你唔想同佢一齊幫奶奶嘅都唔好加重佢負擔。你自己揾啲野做下係好選擇。
其實我一開始睇呢個post都覺得樓主鬧奶奶啲字眼好mean
但睇完都唔覺得奶奶係最大問題，覺得老公先係最大問題
老公有孝心，願意親身照顧奶奶係好（有啲男人攪笑到會要求個老婆幫自己盡孝道㗎），但唔需要將老婆同自己媽咪關係攪到有你無我咁，一個係老婆，一個係媽咪，其實角色唔同係無需要比較
只係每日時間有限，兩邊都需要自己時，佢無溫柔地向太太要求體諒，而係掘雷槌咁回應樓主啲提問，對兩邊家庭安排亦自己話事，無同老婆溝通同調整，仲話要搬返大陸同阿媽住因為阿媽要照顧另一個唔太生性的仔（呢part唔知有冇get錯？），話走就走，要老婆體諒時有冇諗過俾返多少尊重呢？所以我見呢度都幾多人鬧樓主，我都佩服大家，俾我一定做唔到咁豁達，如果做到都一定係迫出嚟嘅
樓主將婚姻生活上嘅缺失，歸咎去喪偶唔太耐嘅奶奶身上，唔係話正確，但叫情有可原
樓主打咁多嘢出嚟我諗都係求發洩，發洩過後一係專心做返自己嘅嘢，如果你係想搵工就去搵工，就算老公一直喺身邊，結婚耐咗都會有需要學習獨處嘅機會，就當係早啲體驗吓。你老公呢一刻想全心全意去照顧佢媽咪就由佢去做啦
呢件事上，除咗奶奶失去另一半，其實你老公都失去了爸爸，男人對呢啲嘅傷痛有時唔似女人咁可以直接表露出嚟，話唔定佢想100%照顧好媽咪，都係佢面對失去爸爸的一部分，你想段婚姻繼續，就要學適放下，自己照顧好自己，由老公做佢想做嘅事。其實無人講到家人走咗幾耐就要接受現實，我有隻貓走咗6年幾了，今時今日講起佢都會流眼淚㗎。
你討厭人哋身上散發嘅負能量，就更加要學習去搵正能量俾自己。遲啲要處理嘅都處理好曬，再慢慢同老公建立返婚姻生活嘅點滴啦～
7個讚