有咩回憶，日日湊仔忙到喊，連newborn果時點捱過我都有d唔記得咗
1個讚
公立醫院生，依家就算你唔喂人奶佢哋都唔會迫你。
個姑娘問左三次：想唔想學擠奶先？
想學我依家教你。唔想學都無咩所謂。
見啲媽媽好攰都會主動話。
Bb 又勁喊。
推走bb,比你休息下。
到喂奶時間先推番番黎比你喂奶。
邊間咁好？
幾年前我去威記生，係第一晚姑娘推走個b兩粒鐘，我已經覺得係天堂了
廣華醫院 
我諗我好好彩, 住政府單人房
仲要成層冇咩人
D姑娘真係好D, BB喊得勁會幫手睇下, 又會俾BB訓下保溫箱等佢舒服D
我既經歷應該同一般唔同
最後係打完無痛, 開刀生
我仲記得陣痛時果時好多護士會入嚟問我點，好細心教我點呼吸，雖然最後緊急開刀生仔
生完喺產後房姑娘問問題就比人串，比人話
檢查時BB 無重到又比人話唔識做媽媽，依架睇返個姑娘係講嘢mean D，但岩岩生完比人咁講真喺好傷心架
可能差落太大我仲好記得
1個讚
十年前係廣華生，當年好多雙非，單非。姑娘見我係港媽，對我特別好。
廣華醫院真係好好, 我 BB 成日喊，佢一喊就喊醒晒同房BB
護士好好人，話我知有間房可以推 BB 入去聽音樂，夠鐘餵奶先擰返 BB 返房餵奶。我即刻推 BB 入去，瞓返幾個鐘
我都係10年前喺廣華醫院生BB，當時護士，助產士同阿姐對我好好
我都食全餐
我今年年頭瑪麗生
產前同產後都冇得探
我自己一個朝早十點幾見紅穿水入院去產前房，
之後話要check bb心理，預個零鐘要熄電話
但唔知點解我check咗成兩個幾鐘，冇人留飯俾我，check完護士叫我打俾老公買嘢俾我食
點知我老公掛住做嘢，唔得閒買嘢食上醫院，仲話我麻煩….個下我又餓又俾老公話完，跟住喊……班護士唔知我俾老公話，見到我喊問咩事，以為因為我冇飯食所以喊，即刻拎咗幾包餅同奶俾我
然後等咗個幾鐘就安排病床俾我，到晚飯時間問我仲餓唔餓，要唔要多份餐
到我老公七點幾放工嚟幫我辦入院手續，護士好好俾我出去產前房出面坐低同老公傾一陣，不過個陣已經陣痛到講唔到嘢，過咗半個鐘到護士出嚟搵我，見我狀甚痛苦幫我按下條腰
我直情痛到叫個護士唔好停，之後個護士貼咗啲嘢喺我條腰度，俾部機仔我，一痛就撳可以電下條腰冇咁痛
大概八點返入產前房，冇幾耐我愈嚟愈痛，勁想屙咁，但我又撳唔到張床個鐘，唯有搵對面床個媽媽求救，好彩有佢，因為成間房得我同個媽媽兩個人
過咗一陣護士嚟，未檢查就話我未生得，之後我話唔係下好想屙….然後一檢查即刻叫個姐姐幫我執晒啲嘢，過輪椅去產房
去到產房助產侍好好，因道作嘔連笑氣都唔聞得，所以我冇任何止痛嘅嘢，但助產侍知我緊張陪我做呼吸練習，個幾鐘就生完喇，助產侍縫針都好有耐性，可惜我最後係成個傷口生滿肉芽，仲要發炎
半夜去到產後房遇到個年紀大嘅護士同滿口鄉音冇禮貌嘅病房助理，咩都冇教我，問我頭先喺產房做乜唔試吓俾bb啜….都冇人同我講點知喎，然後呀護士又當我天生識餵人奶咁，話我點解教極都唔識埋身，其實佢都只係極速咁講+做咗一次，唔識都好合理吖….好彩我b第一晚冇喊，所以我瞓得好好
第二日d後生護士就好得多喇，一來靚女二來有心機教我點湊b，因為我b頭太細，要留小便做化驗，但等咗成日都唔夠份量，仲要屙橙色尿，但d後生護士冇俾壓力我，只係叫我飲多啲水，瞓下先可以有奶餵b
第二晚我b喊到癲咗，我迫於無奈推去護士站，d護士都好好，話幫我睇住，叫我瞓下先，結果我瞓咗差不多四個鐘，佢哋先推返bb俾我，到出院個日護士話我多奶，仲教我如果埋身餵得唔好，可以用杯，唔使擔心
我第一次生，冇老公陪，仲要俾老公話，但好彩產前房同產房d護士都算好人，產後房係某d護士麻麻地，但整體都唔算差
1個讚
你老公工作死呀，明知你陣痛就生得都話你？！返工返少半日會死嗎？！
1個讚
你老公咩料，搞錯呀，佢以家對你哋好嗎？
1個讚
佢個朝返工前我已經覺得好似m到咁，佢陪咗我一個鐘至返工
點知佢出門口冇耐，我見紅，打俾佢話佢知，…屋企去公司都唔使20分鐘，以為佢會即刻返嚟屋企，佢又講得唔清唔楚，我喺屋企等咗半個鐘，再打俾佢，佢話返到公司喇
之後我自己一個call車，拎住個大大地嘅走佬袋行樓梯落去搭車，一路行一路下面滲緊水，好似好急尿咁……個下真係灰，仲要打俾自己媽咪話有老公陪住唔使擔心，明明自己都驚到想喊
其實佢個人唔差嘅，又肯湊又肯幫手做家務，但可惜佢有A仔特質，佢覺得我陣痛佢又幫唔到忙，做咩要放低工作特登去醫院
結果由我check bb心跳個陣佢話完我，我下晝食咗包餅，佢話會早d放工六點前上到醫院，最後佢七點幾先嚟到，仲要我已經陣痛得好密好痛，佢仲同我講佢公司嘅嘢
呢啲請個工人都做到啦，況且湊b同做家務都係佢責任黎。
如果真係A仔咁冇嘢好講，認命啦
雖然話請工人都做到，不過佢為咗學點湊b，特登去上陪月班，雖然唔係正宗課程，但至少佢都有去學習吖
我坐月嗰個月除咗餵奶，大部份時間陪月唔係度就係佢湊，仲蒸飯俾我食，其實佢日日要返工都肯捱夜湊b，都幾辛苦
咁佢又唔係真A仔，只係佢有a仔特質咋
定係佢對我嘅情感需要比較弱呢
不過佢諗嘢一向怪怪地
我兩個都係廣華，真心好。
1個讚
我年頭開刀生，真係一半一半，有D真係好有愛心有耐性去教你有D真係打份工姐嘅心態
如果內心唔夠強大真係會抑鬱但我堅持餵奶粉佢都吹我唔脹
1個讚
我今年三月初係瑪嘉烈生，無陪產無笑氣無無痛，鼻吸口呼咁生左，係好新手既助產士幫我縫針，搞左成個鐘，之後出院我塭私家產後檢查，好彩都唔太差🫣
姑娘唔係壞人，但我真心唔想迫我餵人奶，特別係第一胎根本未上到奶時浪費我既休息時間，搞到我情緒好差，又頭痛，BB食唔夠自然無尿同黃，就算出院夠磅好多時都會因為黃俾健康院踢番去醫院，完全浪費時間同精力，寧願一開始補多d 奶粉，去左黃，慢慢上奶好過
4個讚