之前未生聽啲人講政府啲職員好衰，不過我第一胎去威院生，我覺得自己好好彩，大部份都好好，其實我諗去政府生，都好睇彩數
，慶幸無不愉快經歷
我2018年係瑪麗生，因為bb胎位唔正所以係開刀。
而我係瑪麗既經歷係非常之咁好。
啲姑娘同姨姨都好好，我唔識換片一㩒鐘就有人黎幫，半夜呀b喊我搞唔掂又推出去幫我照顧比我訓覺，又有教餵人奶既workshop，需要幫手時都總算係要乜有乜，完全冇比人西面或者比人鬧。
可能真係睇彩數。
1個讚
係……我半夜生完遇著護士同姨姨都係差，但第二朝d護士同姨姨轉更，轉咗班後生護士當值，之後我間房入咗兩個剛剛生完嘅媽媽，班後生護士好溫柔有耐性咁教佢哋，d姨姨又係斯文啲，所以真係好睇彩數
我都兩胎廣華，第一胎數到2016啦，第二胎2019，兩胎都係純天然地痛，冇笑氣，但數助產仕又真係廣華嘅好有經驗嘅，算係快幫我生咗個b出黎。好處係堅平，留返6位數補身請陪月紥肚。同埋2019年個次啲姑娘溫柔咗，主動咗幫媽媽。
有冇媽媽係最近QE生可以分享下