我反而覺得討論區有唔同既人，有多啲唔同觀點
1個讚
睇情況
你自細其力，咁小朋友開支你有無份負責？
認同，咁你focus返喺你老公態度上再處理，再同佢傾
喺呢件事上你理想嘅情況係點？
搵自己朋友，多數都係企返喺女人嗰邊。
我朋友呢排家事，明明個女人好大責任都一齊去鬧個男人，衰d 講句又係圍爐，只會一路推佢喺牛角尖。
但睇樓主回覆，佢自己都已經一心認為係佢老公錯，好嬲。嬲完再問佢點解佢唔想要？始終你plan 2年後都想試。
2個讚
其實我都只係想揾個地方講吓我嘅感受，唔係想要啲咩。。。
我明, 但討論區有時有D你唔啱聽嘅說話, 對而家嘅你會敏感D
7個讚
老實答你，佢哋唔明㗎，點解成日讚揚母愛唔記得咗老豆，就係因為男人冇血肉相連呢味嘢囉，咁冇血肉相連又何來切膚之痛呢。
唔係話佢哋冇感情，但完全係兩回事，兩公婆，就算第時係兩母女，都唔會真切感受到對方嘅感覺，因為每個人都係獨立個體。
如果你明男同女喺生育感受唔同呢個事實，就要係傷痛之中投返個身出嚟，因為你仲有小朋友，盡量唔好影響到佢。
宜家我都有買野，當然大部分十係佢比啦
但都唔代表我唔可以養活個小朋友
重申多次，我哋經濟係冇問題，而我都有同朋友傾過，就算真係有2個，都可以應付到
如果你老公婆婆媽媽一齊喊你肯定仲煩
當然佢係唔夠體諒你嘅
等件事完結之後你再對付佢
好，就當你地經濟完全不是一個concern
但養大一個細路唔止錢問題，仲要父母雙方有心有力。簡單黎講搵學校，面試、報乜興趣班、你老公放工後要同多個細路親子，佢自己對香港局勢、教育的睇法等都好重要。
呢幾年細路出世後你同佢相處又點？我懷疑可能不太愉快（或者暗地裡）佢先咁抗拒。當然都係wild guess
咁有分多錢使同少錢使㗎嘛，點為之應付到先？唔餓嘅話呢度應該好多人養到五六個添
到佢要你搏健康都堅持要bb時你又會一樣發癲
我唔係嗰啲一聽到生命就大晒嘅人，可能我說話唔啱聽
1個讚
你可以話如果係計劃嘅，我完全覺得要考慮啲啲因素而決定生唔生
但宜家意外有咗，係唔係就可以話唔要就唔要？
至少我作為一個媽媽，覺得唔係
再者，如果咁多問題嘅話，我哋應該第一個都唔會生
2個讚
你都講到有慳有唔慳，我亦都講咗我唔介意辛苦啲，我冇要求過要中富大貴咁生活吖
但至少大家可以商量，同埋顧及我嘅感受
我諗啲個就係男同女嘅分別。。。
明白你個感覺好難過，不過身體要緊。好好仲保重，希望你養好身體
1個讚
咁你老公唔係咁諗丫嘛，你猛話自己負擔到又點？
4個讚
作為一個過來人，真係要生左先知有咁多咁多野要考慮同埋牽涉到男女分工。不過呢個純粹係我的經驗。簡單黎講，出街邊個帶去廁所都已經可以係一個分工
Anyway, 睇得出你好堅持同埋好有主見。祝你哋能圓滿解決呢件事啦
3個讚
咁樣佢就唔洗聽我嘅意思同感受，一意孤行？
我哋講咩你都唔會啱聽，你只係想人support你，loop來loop去嗰句
我走先了
13個讚
我只係講事實，人唔係只係有理性，有好多感情。。。
我講咗我係明白佢嘅諗法，只係接受唔到佢嘅表達方式、一意孤行
2個讚