本身我已經有一個小朋友，點知上兩星期又發現又意外有咗。。。
因為我本身體有事，而之前啲藥又可能影響個B，所以老公一聽到就唔想要佢，又驚我身體唔好，又話經濟壓力大。。。
我去睇婦科，第一次仲未有心跳，但第二次去睇嗰陣。嗰陣已經7周，有心跳，我好心痛
所以照抽血驗個懷孕指數，可以嘅我都想留返。。。
醫生妟晝打嚟話個指數好差，應該唔要得，叫我約定手術室做手術，同手術前再覆診。。。。
但去到覆診嗰陣，醫生話佢仲有心跳，但係比較細。。。
我老公就好堅決話唔要佢，唔再抽血
宜家只係等星期二做手術。。。
雖然個指數差，其實我預咗留唔住佢。。。
但我一諗返佢一嚟就咁決絕咁話唔要佢，我就不停喊，更加唔想再對住佢，甚至想同佢離婚
好辛苦
好彩都有個小朋友，如果唔係可能我已經去咗尋死
唔想要就做足預防措施，否則你同一直備孕無分別。仲有老公都出到聲話有經濟壓力，就無謂勉強。香港養一個細路真係唔平除非你打算一直用免費教育
12個讚
我哋有做足嫁，但都中我哋都唔想
其實我唔覺得經濟有壓力，再者，啲樣重要過一條生命咩？！
我接受唔到
有做足都中？咁就真係無野講。你會唔會移民？會就可能可以考慮下要唔要。
我可能有d mean, 但我身邊有個親戚，靠老豆老母痴飲痴食痴住，生完又想再生，佢一定無料移民，衰d講，佢簡直係害左d細路，又害埋老豆老母。我知你唔係咁，但你諗下如你生左，個細路前景大概會點，你應該易d決定
3個讚
我反而擔心你之前食d 藥對BB 有幾大影響
講句唔好聽
如果去到照結構先發現有咩問題
到時你可能仲唔捨得 
況且你老公可能比較擔心你身體頂唔順先賴經濟問題?
8個讚
指數差，你預左留唔住佢
但嬲老公決絕唔要BB
3個讚
我哋係自己有經濟能力，冇洗過其他人任何嘅錢。。。
明白你心情，因為你尊重生命，所以唔想由自己決定取走一個生命。
唔知你係做咩檢查，確定係有問題？定只係一個較高機會率？
經濟問題，相信只係影響你生活質素，有朋友同我講過呢番說話，我當下醒左。
1個讚
其實我聽到個懷孕指數差咗，我都冇諗住再強留BB。。。
可能佢真係關心我身體多過經濟有問題，但佢嘅表達方式同咁強硬，我真係接受唔到。。。
宜家就算決定咗做手術，但我真係唔想再面對佢
咁就得，咁你諗深一層有無能力俾兩個細路學呢學路同入好學校，呢個係好現實問題。香港要上流真係愈來愈難，其次，你有無心力照顧兩個細路。
當然，你食的藥對個胎有乜影響亦好critical. 我識人因為呢個原因而唔要。如果無呢個factor我都認為要尊重生命
1個讚
因為我未驗任何野嘅時候，佢都已經好堅決咁話唔要個BB
我有講過我嘅感受，但佢完全好似聽唔入耳咁
你有無工作？定FTM
我諗啲個真係男人同女人嘅分別
我驗咗hcg ，過咗幾日驗嘅，但跌咗一半
所以應該情況唔樂觀。。。
嗰日去照，醫生話BB有心跳，但個B係明顯細咗，唔足周數，叫我哋再驗多次，但佢話唔驗，堅決做手術。。。
其實醫生之前話指數差，我都接受留唔到。。。
但我到宜家都記住佢一嚟就話唔要，完全唔想再對住佢，真係好心痛
我唔係要大富大貴，只要普普通通過生活就得
而我哋係可以負擔到。。。
至少我啲藥有咩影響就冇明文寫，我只係唔明初初未驗任何野嘅時間，佢都可以咁決絕。。。
明白~
你嬲係正常
抱抱
1個讚
我係FTM，重要咩？
that explains all. 你唔會明白你老公黎緊一個人要承受所有經濟壓力有幾大。唔係話唔尊重FTM，但事實的確男人一個做經濟支柱真係唔係講笑。就算唔係要大富大貴生活但柴米油鹽讀書補習都要錢。
你老公一開始就咁抗拒你堅持生落去盞婚姻關係更差。你如果今次唔要，就說服埋佢結扎，保障返你自己。始終落仔傷身同心靈受傷的係女人
12個讚
做FRM就唔可以有一齊傾？！
再者，我有研究過，我哋係足夠照顧多個小朋友嘅
你話我唔明一個人賺錢嘅壓力，但佢又何嘗唔理解一個媽媽唔要一個BB要承受啲咩？！
身心都係媽咪受曬！
咁你又有冇從老公嘅角度去諗吓佢嘅感受？
佢應該唔係唔想要bb, 而係衡量過現在唔適宜要。你嘅身體狀況，加埋精神上嘅壓力。。。
我相信對佢嚟講呢個都唔係一個容易嘅決定，況且你地已經有一個小朋友，唔至於要take一個咁大嘅risk去搏
平衡一吓自己嘅心態先，上天關咗你一道門，可能已在另一邊開咗隻窗，既然小生命未 ready降臨呢個世界，你就let go等佢下次喺一個更好嘅環境先至嚟啦！唔好嬲嬲豬啦，你老公咁錫你應該感恩幸福㗎！
9個讚
佢就當然唔明唔要對你的身心影響
又當然你都唔明佢一個人搵四個人食的壓力。你一係同佢講你會出返黎做野再請工人湊睇下佢點講。
或者咁講，今次不幸中的大幸係，就算唔要都因為有另一個有力的原因。
2個讚