希望你可以快啲釋懷
如果因為咁同老公離婚，對你地依家個小朋友影響都好大
1個讚
明白你的感受，我都經歷過由有到無果種失落，你現在要好好調理下自己情緒，知道呢刻你都好難受，BB 果度醫生有話再等幾時檢查？係咪好唔樂觀？如果真係有事，其實勉強生佢出來，你睇到佢有事係好痛苦，有時去到呢個位要理性啲，因為係影響緊下一代一生。
堅持生出來有無能力照顧到佢？有缺憾既話，你係會照顧佢一生，擔憂一生，你有無諗過呢樣野？同埋有啲病係生左出黎先驗到，有時去到呢啲位真係要理性啲。希望你能夠釋懷，心情慢慢平伏
鑽咗牛角尖了。你明佢點諗，就知佢點表達都係講同一意思，唔岩聽都係講佢感受。咁有冇必要為佢嘅說話嬲到無限loop個情緒呢？究竟你係唔認同佢嘅立場定只係嬲佢講嘢態度唔岩？
退一步講，你響佢眼中都係一樣一意孤行，你有你堅持唔聽佢講唔理佢感受。你同佢冇分別架。
以下說話可能直白咗，但都係出自我真實諗法。我覺得反正都花時間回覆，不如講d我覺得有幫助嘅嘢，好過hea答。令你唔開心我都講定唔好意思。
作為媽媽放棄唔到個生命，其實都可以話係講得好偉大，但你又有冇為家人諗過呢？新生命係好寶貴唔應該咁易放棄，但生出嚟養到唔係解決晒一切問題，你個case自己都知好多風險，係咪？所以你老公先反對。件事並唔係大是大非，冇絕對對錯，只係大家觀點角度問題，真係唔好覺得自己嘅諗法岩晒。
可能你一心想生，老公說話聽唔入耳，只係無限loop生命好重要，睇唔到佢嘅顧慮。無論你想點解決都好，都唔好再鑽入「作為媽媽」嘅牛角尖了，對你心理上無好處，對解決件事都無正面幫助。冷靜幾日，試下抽離d再去睇件事，同老公打開心窗傾下，再決定點做啦。
你講得岩，人唔係得理性，仲有感情，如果你覺得你老公太偏向理想係唔岩，咁你自己都係太偏向感性。樓上好多JM講嘅說話其實好有道理，但你只focus響佢哋持相反意見，所以覺得佢哋說話唔岩聽。其實大家三九唔識七，會花時間留言比你都係想伸出援手，如果你唔鑽牛角尖，應該會睇到。
真心，做重大決定時與其搵同溫層，不如聽下同考慮相反立場嘅觀點，對你做任何決定都有好處。祝你圓滿解決問題。
20個讚
咁都好好，你都係一個好明事理嘅人，我欣賞。
身體最重要，好好休養
1個讚
抱一抱～
明白樓主珍惜小生命，同時樓主都要明白，既然你身體唔好、你老公及家人都同樣珍惜你嘅生命，加上其他原因，不論係壓力定經濟等等，可能唔係咁適合再生一個。
珍惜新生命，都唔可以忘記自己，對於你老公及大果個小朋友，你係非常之重要。
如果自己有經濟能力，離婚又會開心d，可以做，反正你覺得個老公又衰又冇人性又唔尊重生命。佢響你心目中永遠都係一條刺。
希望你開心。
這陣子很多分享說避了孕仍然懷孕，很嚇人，是產品的問題吧。
2個讚
避孕方法本來就唔係100%
1個讚
是呀，所以每次都是冒上背負一條人命的風險，很大責任、很大壓力。
醫生話 BB 個指數唔樂觀，可唔可以唔做手術住，等 BB 自己走？
只可以講我係好容易中嘅人。。。
我哋個小朋友都係一吓就中
我有上網睇過，如果指數差，好多到最後都留唔住，可能只係拖多2個星期。。。
其實第三次去睇醫生嗰陣，可能因為仲有心跳，醫生都有叫我再驗多次，但我老公話唔洗。。。
咁如果佢本身差嘅，我都唔想免強留佢，越早做手術可能對大家都好。。。
但至於會唔會自己流出嚟，我就真係唔肯定。。。
因為我見有啲人話冇咗心跳，佢都係要做手術清走佢
辛苦你了，抱抱
我都好明白你意思，其實自己明白危險，但感受未過到，始終發生係自己身上真係好難受…
你先生可能已經諗到你會辛苦再累倒或者失去你之類呢啲情況，所以反應變得決絕咗，我覺得你心裏明白，但呢刻過唔到呢一關…
希望你都試下唔好太激動，同你先生傾下，唔好講咩現實問題，只希望佢陪你渡過感受呢一關