抱抱！
明白男人果下咁快咁決絕係好令人難受，如果佢可以試下討論，講多啲佢嘅苦衷，你應該會比較接受到，而家感覺好似佢一個人決定晒就算咁。
可能佢擔心你會猶豫不決，所以選擇左用呢個方法，以為可以令你有決心啲？
我相信佢都真係有為你身體著想的，只係佢用錯方法表達。
3個讚
咁佢平時都係有佢講，無人講？
佢一向有冇尊重過你？
A big hug
先
男人有時少咗條筋，佢哋覺得自己係理性動物，有根有據，唔明女人想咩。
佢咁唔理你感受而決斷嘅回答，係人聽完都會難受，尤其你係當事人。不過，你諗深一層，佢可能就係擔心你下不了狠心而決定唔要BB, 所以先咁決斷。
你嬲完佢後，等件事處理好，大家都要傾返件事，聽下佢心入面果句，以免有心結。
其實各自都已經決定唔要個bb，都唔係要追究原因、怪責嘅時候。
再講，你老公都係擔心你、擔心屋企，就算有錯，都唔係錯哂。
理智d 睇，因為一句尊重生命，而唔理你身體狀況，又唔計好條數，夾硬生佢出嚟又係咪一個負責任嘅行為呢？
我明白你要咁短時間接受咁多嘢好難受，發洩完唔好再鑽牛角尖，單一事件唔覺得要去到離婚、尋死。
有需要嘅搵專業人士幫手。
2個讚
始終都係女人慘
希望你唔好太傷心
支持男人做結紮
1個讚
咁其實你老公都係擔心你身體+驚藥物影響到胎兒。
講真，得佢一個揾錢，萬一BB有咩身體或心智上嘅缺陷，但發現時已經太遲落唔到，到時佢會仲更加大壓力。
都有1個小朋友，1個有1個嘅好，有啲人做極人工都無。
不過既然鐵定心唔要，叫老公紥咗佢啦
2個讚
我覺得你老公係理性角度出發姐，咁早期已經冇預兆BB可能要早啲離開，咁一早下決定唔好拖拖拉拉對大家心理好啲。
HCG跌緊係咪已經代表BB都會自己走呢…佢講嘅原因都好清楚啦，擔心你身體同埋藥對BB嘅影響，加上現實係胚胎狀態唔多好，咁得出佢個結論都好合理。
如果今次你認清原來大家都係想要個BB嘅，只係你同BB嘅狀態問題，咁咪可以做好準備再試。
你講過食左藥如果懷孕會影響BB
如果你勉強生個BB 出黎佢有好多缺陷咁咪仲害左佢一生，假如個BB 出世後有嚴重疾病，你地兩公婆有無信心可照顧到你地下一代先？負責任的話，係要諗埋個下一代既成長，勉強生一個有事既下一代出黎，只會令到雙方都辛苦。
我明你嬲咩呀,D男人係咁衰,懷孕好似唔關佢地事咁…
你以後錫自己同小朋友多D啦,對男人唔駛咁好咁上心
我都明樓主點解咁嬲，但男人就係咁。建議樓主儲返個私己錢同出黎做返野
1個讚
抱抱
大家女人又係媽媽，我明白你感受。因為到最後決定要定唔要都好，都係你一個響身體上受哂，最有切膚之痛，所以覺得呢件事上，你話事權應該大過爸爸。當爸爸好堅決話唔要，你就會覺得不受尊重，點解自己身體入面嘅事你冇自主權。
但抽身去睇，爸爸會點諗？如果BB有事（受藥影響咗），唔只你要加倍時間精神湊B, 咁仲會直接影響對大果個同對頭家嘅照顧。爸爸唔係唔洗理，佢都要出一份力架，而且有問題屋企都要出錢去醫，或做特別治療或跟進。佢得一個人賺錢，話冇壓力就假。
你話你本身有事，我唔知會唔會係嚴重健康問題，萬一生B時你不幸出任何問題，頭家分分鐘冇咗個媽媽，一個男人點一湊二？又或者值唔值得為個未出世嘅意外BB冒呢個風險？
所以我覺得你唔好一味怪老公先，試吓換佢角度諗諗，一家之主要平衡風險利弊，唔可以太感情用事，可能唔要個B對佢都係好困難決定。兩公婆平心靜氣坐低傾下解開心結啦。
4個讚
兩公婆撐住大家啦，我諗你老公係想做醜人角色，寧願佢自己狠d，唔想交決定權俾你，唔想你辛苦啫，我相信佢要做呢個決定都唔容易。add oil
1個讚
其實我自己本身係有經濟能力，我未結婚之前都已經冇做野，都生活到
FTM有咩問題？
我哋唔一定要靠人哋先可以過活，麻煩唔好標籤咗
我都覺得呢個係佢決絕態度背後嘅原因，越氹越諗越來越慘，兩公婆流淚眼望流淚眼，咁不如佢做衰人要你落咗去。如果佢一時心軟，或者安慰安安下比你生，你有咩事頭家真係係咁先，佢都損失唔起，不如狠心啲算。
男同女真係唔同，唔喺佢個肚到冇咩感情可言（我甚至聽我舊同事講，個女出咗世頭幾個月都未接受到多左個屋企人，開頭覺得好陌生）,又或者，係未產生感情前，唔好比佢開始。
其實我諗經濟又唔係好主因啦，係你有咩三長兩短頭家點呢，小朋友冇咗呀媽呢樣嘢係有錢都解決唔到㗎。
好多謝大家
其實大家講嘅野，我都有諗過
第一次去睇醫生知道有咗嗰陣，咩都未驗，佢已經堅決話唔要，我同佢講我嘅感受，同講明如果醫生講留唔到嘅話，我唔會再堅持，但佢完全冇聽，而我亦都唔覺佢有少少想留，佢想趁未有生命就唔要。。。
但我好嬲，點解咁樣就唔要佢。。。
到第二次睇醫生，我聽到心跳
我再同佢講，佢呆咗，但冇再比反應我。。。
到醫生打比我，講個指數唔樂觀，叫我book定做手術，我message 佢，佢返到嚟冇再講嘢。。。
其實我自己都鬆咗啖氣，至少唔洗唔洗再決定，BB已經揀咗。。。
到第三次去照，都仲有心跳
醫生叫我驗多次，但佢已經話決定做手術。。。
而我就過唔到自己，一直諗返當初佢講嘅野
我理性係好明白佢可能真係為我同個BB著想，驚我哋有事
但情感上，我真係面對唔到佢
可能都仲算係大肚婆，一諗起就不停喊
另外，其實我等2年啲藥就過，所以冇諗過叫佢紮。。。
不過經過今次之後，等我可以面對佢哋時候，都要再傾啲個問題
3個讚
理性係冇得話衰嘅
最理性講：你老公冇錯，你點嬲都只係感性上
唔係一句有心跳係生命就乜都唔使理
但其實佢哋唔明媽媽已經有感覺。。。
就算要唔要佢，始終都會有傷害
咁我老公對我宜家嘅小朋友都好好嘅，只係啲件事上面，我仲未接受到
咁係唔係所有野只向理性層面諗，就唔需要顧及我嘅感受？
有冇諗過咁嘅表達方式，其實對我係好大傷害。。。
真心建議你搵朋友傾
有時討論區未必搵到你想要嘅嘢
4個讚