呢個只係一個對比，其實我都曾經因為呢個朋友一嚟就一大段message覺得好煩，好似講每一句嘢都會引來一大段message，但慢慢發覺，佢肯同你講，好過乜原因都唔講然後嬲咗你，甚至直接block左你，起碼佢有心維繫一段嘅友誼，已經值得我接受佢呢個性格同做法。
[quote=“tkc, post:54, topic:63639”]
點解個個玻璃心嘅朋友都咁相似？！佢哋呢一種心態，真係好似想推走晒所有朋友，佢地冇呢份自覺嗎？呢個都係我一直以來嘅疑問。
好好既提問，我都有興趣了解…
我覺得先唔好用玻璃心去標籤一個人，只可以話人人性格唔同，佢成長階段學習唔到相處？習慣左人地遷就佢？咪唔需要自省…
或者，有啲人可能天生適合自己一個人…
我諗玻璃心既人，唔多唔少有份自卑，同性格愛比較
所以先會成日覺得人地潤緊佢，曬緊命
我估並唔係專登想推走哂朋友？
好多時候可能係自卑加自我中心？
咁樣分析都似，不過分析左，似乎都對相處冇咩大幫助……
我本身都幾鍾意拆解人既行為……
講嘢要就住就住都幾煩
唔啱傾真係趁早分手，唔好曬時間精神。就算係同普通朋友都係咁。
以前啱出黎做嘢俾幾個八婆潤，我仲傻到諗住道歉，同對方開心見誠心中真實感受，最後俾人一句「你唔好咁啦」（8婆聲線）收咗皮。
吓 咁無謂
傾八卦嘢完全係浪費時間
係咪你平時唔阻止佢，佢以為講咩都得
（做朋友都要顧社交禮儀喎）
可能我本來都好反感啲人攞八卦做話題
我覺得呢個某程度上要睇同對方熟成點？
如果只係普通朋友，講呢d 八卦好易變成八婆
但如果係超熟既朋友，或者自己屋企人，女仔傾計既話題好似唔多唔少都有八卦嘢
2個讚
如果佢嘅負能量已經影響到其他人，人哋離場好合理。
我識嗰位佢講咩做咩都無錯，錯嘅只有別人。
唔好話朋友，佢老公都就嚟俾佢迫走。
鍾意你呢句，幫到我反思，謝謝
一句起兩句止，只講factual嘢有嘅
其他真係唔會
喺人背後談論人同落comment好冇品 
好想講，玻璃心既人係因為自己既一啲經歷令自己變得玻璃心，旁人睇實係覺得誇張，唔會明白佢點解要咁諗…
我都曾經玻璃心，因為自己既婚姻唔順利，睇到人結婚，我都會玻璃心咁諗睇下佢幾時有問題，睇下佢開心得幾耐…
我只係心諗，識分輕重，梗係唔會咁樣講出口，但印象中都可能有同自己最親密＆信任既人輕輕講過下…
我既諗法明顯受負面情緒影響…
樓主，你去嘗試明白你朋友真係好好，你呢位朋友甚至冇你睇得咁通透，所以你地之間先會出現差距…
我慢慢响自己既經歷中復原，我覺得有人肯聽自己既玻璃心諗法都係重要既…但我唔肯定你朋友係咪都有同樣需要…
5個讚
我同意。
我總係“推走”好多身邊既人，而家發現好多謝佢地一直留低…
多謝你分享，希望我個位朋友都可以早d 正視自己問題
我大概知佢敏感既原因，好多時係因為佢冇，人地有，心理唔平衡
或者勸佢唔好玻璃心既前提係，先鼓勵下佢努力改善而家既生活
當佢生活美滿，係咪自自然然就冇咁玻璃心呢？
1個讚
或者係，可以試試
唔需要刻意同佢討論佢既玻璃心諗法係幾咁無理，咁樣做都只會辛苦左你自己…
某程度上「改變」尤其「變好」係好需要自己嘅自覺，如果你真係想嘗試改變佢，想佢正向啲，可以試下靜觀，嘗試學習接受自己嘅情緒。
個過程唔好咁目標為本，once 佢feel 到你想改變佢
，佢就會好抗拒，甚至會覺得你係咪覺得佢好差，所以想改變佢。有心理準備你同你朋友都會有段時間唔開心甚至關係好差，尤其當你無論做乜佢都係玻璃心的時候。
當你去到某個點，你發現佢嘅唔開心係一個選擇的話，你只可以尊重佢嘅選擇。
sorry 好灰，講真我自己係偏向唔支持樓主咁做，但你呢刻可能真係好想試下，唯有俾心理準備自己可能係個唔開心過程，go ahead 之前再諗清楚自己點解咁想做？想大家keep 到一齊做朋友？你朋友係想點 etc
唔係灰吖，人係求開心，好正常
1個讚
好同意。
講返我嗰個玻璃心朋友，相處接近20年，諗返最friend嘅時候往往都係我景況差過佢嘅時候，當我景況一好過佢少少，佢就好容易會嬲咗我。
我搵到工，佢失業，佢會選擇不斷向我發晦氣，怨天尤人；到佢搵到工，我因病返唔到工，就會話我有老公養唔駛做，做少奶奶好巴閉。我結婚，佢單身，佢不斷話我同我老公一齊相處好核突（冇放閃），佢選擇拒絕異性，摺埋係屋企。我投資有少少收穫，但佢唔會諗儲蓄去投資，反而會潤我有錢過佢，我哋唔係同一個世界。
我一直以來都冇反駁，反而係好小心翼翼怕又觸動到佢神經線，但原來，你講唔講嘢佢都會覺得你嘅存在就好篤眼篤鼻。
其實去到最後嗰四五年，我同佢相處一直喺度忍耐緊，每次諗起好多年前，我低谷嘅時候佢有份陪我，就一直自我催眠佢都係一個好朋友，等緊佢變返好。
但呢啲真係個人選擇，佢選擇玻璃心，選擇沉浸係唔開心之中，呢啲真係唔係我哋可以改變嘅事。
最後都唔係我忍唔到佢，反而係佢選擇以後消失喺我面前。
3個讚