寫得咁清楚，可見你當時都好重視、珍惜呢段關係…雖已成過去，想問下你回望係咪覺得浪費左自己20年時間？（可以唔答）
唔知樓主對住佢朋友而家有幾覺得難頂，不過好彩佢寫出黎，等大家幫下眼…
唔覺。
有一排真係唔想再聽到佢個名、見到佢既相、諗起以往既種種，但都係果句：好多野都係自己既選擇。
我選擇左開心，所以感恩有老公一直相伴、之後仲有仔仔既到來，呢一切一切，已經足夠令我忘記呢段友誼既傷害。我唔想變到同佢一樣。
我希望回憶裡留下的盡量是對方的好，佢都曾經對我好過，生活中我冇再講過佢既不是，之前幾個post所講既，只係復述一切只係佢個人既選擇，其他人幫唔到（之前以為自己幫到佢，呢個諗法實在太傻仔），冇其他了。
4個讚
我有自省能力，我既問題都處理左n年…
我“推開”過好多想幫助我既人，一方面想保護自己，另一方面都係考慮到佢地，我唔想令佢地傷心…
最根本既改變，必須由我自身出發，但一直以黎响我身邊默默支持我既人，佢地响背後俾左一份無形既力量俾我…
睇到你重視呢段友誼，我覺得好難得…
你地只係朋友，你都可以做到呢個程度，已經好難能可貴…
先多謝你回應。
我都有相似諗法…
我同某啲朋友慢慢冇聯絡，我分唔清係我推開人，定人地避開我，不過都唔緊要，我寧願糊塗，都唔想再刻意去搵答案…
我覺得，就當過去既我不為他人所接受，而我都唔接受佢地唔明白我既需要…與其話關係終結，倒不如同自己講保留回憶中既美好就夠…
我都想可以好似你咁有咁清晰既諗法，不過仍然需要努力…
完全一樣，共同既朋友由旁觀者角度勸我。
當偏見形成左，你做咩都會睇唔順眼。
除左保持距離，免再加深誤會，無其他辦法。
之後我先死心，接受 好朋友 > 朋友 > 認識既人。
1個讚
會避開唔同佢相處，
你唔知道幾時講左啲咩？
又激嬲左佢。
只要講錯一句說話，
對方就會大爆發拉。
果種感覺好辛苦。
利申：身邊都有人好玻璃心，
又好多疑。
我有幾個小學同學就係咁嘅人
出名唔抵得人，係咁口UP UP暗吋人
仲要以為人唔知嗰吓先搞笑
好多次，我鼓勵佢地，
我話每個人有自己所長啫，何必唔忿氣呢？
即刻無聲出。
但過多排又嚟過，
家吓無咩特別事，都唔搵。怕怕！
有啲可能根本就係唔抵得人
同佢地相處好攰！
根本其他人就無曬命，好多時候仲要係佢地主動問！
問完就即刻搵嘢話人！
好煩，已經冇咩事唔搵
如果比佢知道你係背後講佢，
鬧到你死？
不停問你講佢咩壞話，
或者打俾同你傾計果個人問佢有冇講佢。
有一次我叫老公一齊出去門口傾計，
我入門口就問我地傾咩？
又話咩唔准講大話。
同佢相處超大壓力
該主題在最後一個回覆創建後90天后自動關閉。不再允許新的回覆。