我有個朋友乜都好，就係個人比較敏感
成日講者無意，佢聽者有心
然後搞到個group dead air 大家尷尷尬尬
我地group有5個人，其中2個而家對呢個敏感既朋友好唔耐煩
話每講一句都要驚佢諗多諗錯，話另外開group算
我有d夾係中間既感覺，因為同佢比較熟
唔同佢講好似一齊杯佢，驚佢第日知左嬲同更易亂諗
同佢講又驚處理得唔好，似牆頭草8婆
大家有冇類似經驗share下？
我都有幾個玻璃心朋友，有試過同佢傾一輪，同佢私下直接講，你咁玻璃心就係緊張呢班朋友，驚大家唔鍾意你，你就更加唔好再係咁，如果唔係就真係本身人地唔係話你，到最後都會變左係話你~
點都要佢自己諗下~ 如果佢都講唔通就真係無辦法，慢慢佢就唔會再係呢個朋友 group~
1個讚
開新group係無可避免既事……
你有答案，直接同佢講
講既時候可能要避免直接由你把口講哂前因後果，反問返佢有咩睇法，俾空間佢自己反思
ps.响我角度，你開得post問，證明你唔係杯佢，亦唔係做緊咩牆頭草
有無example 有幾玻璃
我有朋友話，其實同玻璃心既人係做唔到成世朋友
我遲早都會踩中佢條尾
唔知係咪真係咁呢
3個讚
好多都好濕星，例如有朋友買左樓，開心得濟講左句佢以前租樓冇安全感老左點算，佢可能覺得影射佢？
女人堆都係講下大家老公仔女同事，好幾次佢既回覆都明顯feel到佢唔高興，咁就停左
最後大家好少係group講嘢，私下whatsapp多
點知啱啱就見到佢地開左新group
我超怕，少少事已經以為人串佢，又話要quit谷又盛
生老病死辱X 一樣
3個讚
唔會就玻璃人，有咩直接講！根本唔知邊向刺中佢地，就就下最後就bye bye!
4個讚
係, 總有位會中
例如話long weekend 去邊度玩
佢會覺得自己單身，返shift, ,甚至失緊業而覺得有人串佢
5個讚
我哋做法，怕咗佢，成日圍爐不成變罵戰。
1個讚
咁佢知唔知你地另開新group?
舊group突然冇哂聲氣冇問點解？
我其實覺得開新group呢個行為，其實即係已經唔同佢做fd
只係成年人絕交前廢事講到咁白肉酸
我嘅做法，係繼續同佢一谷，但唔會就佢講嘢。
佢自己玻璃心就由得佢，唔會道歉。
佢最後一係就變堅強，一係就自己quit谷。大家都唔需要做衰人，仲可能幫到佢。
7個讚
朋友相處在於舒服開心，如果下下就住就住就會變左應酬。
你朋友應該係好自卑嘅人，自卑係掩飾唔到，因為一吉中個穴位，就會好唔開心，想笑都笑唔出，佢自己都唔想。其他人會怕左佢、避開、佢嘅朋友就會一個一個咁冇左，但責任係在於玻璃心嘅人。
冇辦法，睇下佢自己識唔識諗、肯唔肯接受一個唔完美嘅自己，有人覺得某d野係失敗，咁咪接受失敗囉，當你接受到自己嘅軟弱無力，就唔再怕人點講點講，因為真正嘅朋友唔會介意，自己心理強大就唔會再玻璃心。
以前我自己都怕人講某d嘢，係由小學怕到中學，覺得好自卑，不斷去掩飾嗰樣嘢，錯過左好多朋友、負能量好重，日日都唔開心。回頭望返，會覺得自己已經有抑鬱。大個左，先識坦然去面對同接受。
樓主如果想要多個朋友，試下搵機會攤出來講，你可能有好多朋友，但玻璃心可能真係得你哋幾個朋友，不過唔好勉強，如果勉強自己，就係可憐佢、施捨比佢。
5個讚
坦白講，如果係真心朋友，我都會珍惜佢。玻璃心佢都唔想，呢種個性多數悲觀日日suffer，唔係人人天生豁達開朗人見人愛。
如果我係你，我會私下同佢傾偈，都唔會喺group同佢傾lu, 少左班嫌棄佢嘅朋友睇住你地傾偈，一定會自在啲。
至於開左嘅新group, 我諗我都未必會活躍，感覺有啲背叛朋友。
5個讚
我有朋友都係咁不停開新群組，新群組內會唔見咗某一個人，舊群組過一排就歸於沉寂。
其實我好怕咁樣，覺得大人大姐好無謂。 雖然群組內有玻璃心嘅人，大家講嘢變得小心翼翼，不能盡興，但下下一唔中意某人，就另開新群組嘅人，我未必都會同佢深交。
4個讚
熟口熟面，以為樓主講緊我嘅朋友經歷，
佢又係有一個group, 大家識於微時，
有一個人幾年前父親過身，
大家都識做，該年父親節唔出祝賀圖，
一年後父親節先出返祝賀圖，
呢個人即刻唔開心，仲講到出口話明知佢阿爸唔係度，點解仲要出圖，
成班當然o咀，咁幾時先出得圖，聽聞自始之後逢父親節都冇人出圖，其他人有冇另開group就唔知，暫時個group 都係keep住有人氣
3個讚
我都有個玻璃心朋友, 男人, 有錢, 唔靚仔, 富二代
成日都因為人哋講吓笑而以為話緊佢, 又黑面又盛, 啱啱識都有撩返佢講嘢
到冇人理佢, 佢又會唔開心, 因為冇存在感
到依家, 大家都有共識, 唔會就佢, 你嬲你嘅事, 咪唔好嚟搵我哋做朋友囉
用呢個態度, 反而相處得舒服咗 
2個讚
你唔企係玻璃心朋友果邊，最後會連你都嬲埋
朋友都要隨緣既
認同呢個做法，如果樓主成日要忍佢或者小心就住講嘢，就輪到自己唔開心同有壓力。除非佢帶嚟其他令你相處得好舒服嘅地方（例如你唔開心嘅時候淨係得佢會聆聽同開解你，唔知點解就係好鍾意同佢一齊），否則嘅話冇乜理由要令自己處於個淨係單向付出嘅角色。呢個講法好功利，但真心無人要為別人嘅快樂負責任的（但亦唔可以蓄意傷害人哋）。
而樓上有朋友話同佢講，我都未必主動咁做，但如果佢嚟問我意見，我都會skillful 地同佢講嘅。
自己嘅人生，自己嘅快樂，應該由自己負責。如果喺呢堆朋友搵唔到快樂，就自己另外搵方法，搵新朋友，改變自己etc，唔可以成日叫人哋就自己。
6個讚