樓主好好，唔輕易放棄友情，我諗你朋友玻璃心佢自己都唔想，可能天生Highly Sensitive Person(HSP)，5個人就有1個係HSP. 可以search下有關文章點同佢哋相處
3個讚
但我絕對唔認同高敏人士就係玻璃心，我覺得只係一個藉口，你可以繼續高敏，但唔一定玻璃心！
高敏人士都有正向類型，遇過好多負向類型，認真怕！
其實正向定係負向發展，當事人都有責任，唔可以全部瀨晒其他人同成長環境。
利申：本身為極度典型高敏感人士
2個讚
最尾玻璃心就會剩係同玻璃心人做朋友
直接既人會同直接既人做朋友
冇咩見到有例外
因為玻璃心先會理解到玻璃心既思想模式
其他人係冇可能避得到所有地雷又做到好朋友
完全一樣呀！
真係唔知幾時會得罪方丈，後來共同朋友勸我唔使咁關心佢，保持下距離我會少些煩惱。
2個讚
聽得出樓主重視呢位敏感朋友。
不如私下問下佢係咩原因唔開心？
1個讚
高敏呢個名詞(？)我係近幾年先接觸到，而家呢一代有呢方面認知真係好好…
同意你所講正向負向發展係當事人、成長環境＆身邊既人都有責任，負向既人會對他人造成影響，當然人人避之則吉…
我想帶出一點，或正或負可以視之為一個過程，如果期間有人願意留低，對當事人轉化自己會有幫助…
講返玻璃心，我冇乜點接觸過呢類人，未睇哂樓主舉既例子，只係見大部份人都覺得玻璃心既人唔值得(？)擁有友誼，樓主佢地有個group可以相處/忍受呢位玻璃心朋友咁多年，真係好難得…
留低或離開總有原因，感覺上樓主開得post問意見似乎係仲覺得有希望？玻璃心要點樣先改變到自己？會唔會當朋友一個個離開，佢先識珍惜？
亦未必一定有用，我覺得呢個係個人選擇，當事人真係有責任。
我試過陪伴一個負向高敏朋友接近20年，佢成日覺得我踩中佢條尾，係經常嬲左我，但我對佢都係不離不棄，一直陪伴住佢。
結果？佢有朝一日發好大脾氣鬧我，從此以後就完全消失得無影無蹤。我都覺得自己既付出好似一個傻仔，哈哈！
所以呢，真係往往係個人選擇；你可以繼續選擇玻璃心、成日嬲哂全村人，亦可以選擇放開心胸，唔好下下過分解讀，諗得人地咁衰咁負面。
其實我仲有一個高敏朋友，但佢好好，常常為人著想，係果d覺得世界好美好既人。如果佢覺得人地觸及佢底線，或令佢唔開心，佢會開心見誠私下表達感受，一五一十將件事講清楚。我係好buy佢既做法。
4個讚
我有個識左好耐既朋友都係咁，佢本身家境唔好又無乜父母緣份，好多朋友結晒婚但佢感情又未穩定
所以佢近年經常都好負能量，每日講既野都圍繞住批評別人（我識既，唔識既，even路人都會批評）
但人越大發現越容易篤中佢既玻璃point，總之講野唔啱聽就會話你
所有野佢相信既先係正確，我係唔可以持有相反意見，否則佢會用盡辦法說服你話你係錯
佢放負的時候，即使同樣問題已經講左好多年，我已經乾晒塘唔知道點安慰都係我問題
（而無考慮其實我已經安慰左好幾年，佢自己唔去做任何野解決一味放負）
到友誼的後半段講野真係要就住就住，成日好驚會得罪佢
為左唔想trigger佢，佢話一我唔會話二
到最近去到臨界點，我就無再覆佢，個心頓時豁然開朗
到而家過左一年，我覺得以前好蠢，為左果十年友情忍咁耐
朋友係相向，你專重佢就住佢，佢都應該要感恩而唔係不停情緒勒索別人
9個讚
其實我地呢幾個fd已經2x年喇，學生時期一齊經歷會考高考大學拍拖失戀畢業升職到結婚生仔
所以我覺得好難得，一直好treasure 大家既關係
玻璃心朋友其實以前冇咁玻璃心
我自己覺得係因為畢業後可能佢經濟家庭生活相對冇咁順心，有些少比較？
我難受既位在於我以為我地會一直好朋友到老
但睇而家個發展，玻璃心朋友拒絕承認自己玻璃心，詳談唔到，應該唔會改
其他2個朋友開左新group，講明已經頂佢唔順，用"唔想應酬佢"
仲有一個同我一樣夾係中間，都好無奈
可能第日2邊分開玩掛咁…
你呢個留言由第一句開始就同我而家情況一模一樣！
我朋友個演變過程都係咁，負能量睇嘢負面，以前我嘗試開解佢，但佢會話我唔係當事人梗係講得輕鬆，雖然都係既，但都會搞到我下次唔知再俾咩反應，有d尷尬。
後尾佢放負變左放嬲，講2句有骨既說話就offline，擺明係嬲左。通常呢d時候其他人幫口轉下話題淡化下，大家醒水會順住落一齊扮冇嘢。然後佢消失幾日又會上番黎講幾句，好似冇嘢咁。情況都維持左幾年，好似好多話題都禁忌唔講得咁。
1個讚
喔，咁你可能睇漏左我上面講當事人係有責任…一個人轉化過程需要時間，所以我先話身邊有人陪伴會顯得額外重要…
我唔會覺得你傻，相反好欣賞你…我當然唔係叫你繼續忍佢既脾氣，關係完左咪完左，佢唔珍惜你，係佢既損失，但曾經既陪伴我相信對佢都係美好既回憶…或者有一日佢仍然會因為記起你既陪伴而選擇改變…
未必人人都接受呢個做法，講出黎唔一定有人明白…所以你地既相遇係彼此既幸運…
你真係好好，你有去幫佢搵原因…我總係相信因果，經歷對一個人影響好大…提到比較，又真係幫唔到佢啲乜，絕對唔係旁人三言兩語可以轉變到佢既諗法…
直接表達唔得，有冇啲咩間接既方法可行？不過都唔洗太辛苦自己去諗，你都要先照顧自己感受…
如果分開玩，最辛苦都係你地夾起中間呢兩個…不過正面啲諗，分開玩大家冇咁大壓力都未嘗唔係一件好事…
其實咁既狀況會唔會唔止玻璃心，而係情緒有問題？
我果個玻璃心朋友同你地講既完全一樣呀！
又係識左好耐，佢結左婚之後就開始變了。
見佢愈來愈負，多些關心佢就變左做出氣袋。
而家無再主動搵佢，佢都只係有野攪唔掂先搵我。
雖然係咁，相識一場仍然會盡量幫手。
好要面，唔可以比人知要人幫，佢事後係同人講自己攪掂咁。
有些唔開心及可惜，但共同的朋友也勸我無得勉強。
我都想講 可能係情緒有問題
我經歷過類似情況，朋友越嚟越玻璃心其實係抑鬱
於是我哋成班朋友商量，叫咗其中一個朋友同佢最close嘅同佢私下傾下
不過唔係人人承受到另外一個人嘅情緒，亦都唔係人人識同情緒有問題嘅人相處
如果其他朋友覺得相處唔到就無謂勉強
sad but true…
幾年前佢身體有d事影響左情緒，同時屋企又有D問題咁
我就係覺得佢自己都控制唔到負能量同玻璃心既，所以一開始我都百般忍讓，佢話乜就乜
縱使佢少少事已經會發脾氣，同樓上講既一樣（唔啱聽黑面，再話「我都係表遠意見姐！」），但係我地無疏遠佢
但係之後佢做左手術，D指數都回到正常狀態，佢脾氣都無好到，仲越黎越多事會剌激到佢
例如佢屋企近年都唔開心，呻足幾年
我地見佢咁辛苦，除左聽佢呻都幫佢諗解決辦法
點知佢只係想呻，所有解決既方法都唔聽
之後再鬧你，你家庭幸福緊係唔明啦！
有時唔係話我地唔傾，而係佢唔聽之餘仲會鬧返你，話你唔聽佢呻…
所以算啦，呢幾年我都攰，我就佢仲多過就我老公
佢唔珍惜唔理解我都無辦法
唔好太就佢
佢有情緒病唔代表佢鍾意講咩都得都會俾人原諒
佢鬧人或者你哋留意到佢開始loop住呻，最好直接冷靜地stop佢+離開個對話
咁先幫到佢抽離出佢當下嘅情緒
情緒會互相感染同放大，好多時你一路聽自己都越嚟越唔開心，依啲情緒會影響番佢，咁就跌咗落個死循環度
如果想繼續段友誼，我覺得要幫佢明白
- 大家都要為自己心理健康負責
做朋友冇義務要做佢情緒垃圾桶 - 唔會有人可以明白哂佢嘅情況
身邊人可以傾聽同陪伴，但唔好expect其他人做佢條蟲
1個讚
參考下依篇文第三點？
佢情緒勒索緊你
如果係我，我會直接同佢講我嘅屋企狀況同傾緊嘅嘢無關，唔喜歡人談論我屋企同攞嚟比較
Set boundaries
係呀你講得好啱，佢絕對係情緒勒索我，而佢都唔會自我反思既
我地緣盡係事緣係佢成日批評佢朋友既太太，話佢為人覇道管太多，佢好睇佢唔順眼。我一向都由佢講，直至有一日覺得佢過咗火就同佢講「咁你朋友都唔覺得佢太太有咩問題就算啦，人地兩夫妻可能有自己相處之道呢」
佢就鬧我 「你依家係咪覺得我多事呀！你都會咁對你老公，咩都管住咩？你以前都會同我講八掛野，我都係咁聽啦！你都好難頂架！」（下刪無限咁多字）
我嗰吓就心淡了，多年的陪伴唔計竟然為左一個我唔識既人既老婆而咁樣鬧我，我就疏遠左佢了
1個讚