我本身對敏感嘅人有敏感… 所以唔會有呢類朋友… 朋友相處旦求舒服, 字字句句要諗幾次先出得口… 咪玩, 唔搞…
3個讚
玻璃心係會無啦啦嬲，要搵人氹，要有位落台。
而家唔係返工要應酬啲客，佢有情緒，其他人都一樣有
2個讚
同意, 如果做朋友做到要應酬客咁, 我會覺得少相處算
1個讚
我就係有呢種感覺
其實佢雖然玻璃心，但有時見佢get錯左，我會同佢解釋番我唔係咁既意思
聽完佢又好似冇嘢
但原來同group朋友好反感
1個讚
我其實就唔討厭佢既，不過都認同好多時因為驚佢唔知點解又嬲而少左講嘢
講得冇咁盡興係真
呢個朋友識左好多年喇，人大左就愈treasure 年少時識既朋友
會覺得可惜咁囉
1個讚
你有冇曾經表達你既睇法俾佢知？
我曾經有過呢啲朋友，佢乜都嬲得一餐，自己會好累，最後少見咗幾年再約返，佢好似正常咗少少
1個讚
剛剛先睇到呢點, 原來已開左新group,
咁基本上樓主都做唔到D乜,
因為就算你唔join新group, 舊group都會慢慢越來越少人參與吹水,
變相你地5人友誼都會淡,
但如果你Join新group, 然後私下同玻璃心繼續聯絡, 表面keep到兩邊友誼,
但我驚你過唔到自己呢關
依d 似係大家人生階段唔同，遲早會因唔岩傾而疏遠
1個讚
有表達過，話我地講者無心，有時驚佢嬲都會少講左
但跟住佢唔認，話係我地諗多左，話自己冇嬲，佢表達意見姐
但無限loop，下次又踩中佢尾又開始陰聲怪氣好似起鋼咁
2個讚
簡單咁講, 做朋友同拍拖一樣都係講緣份, 做朋友做到好似要溝條港女咁樣, 就不如一拍兩散, 勉強冇幸福, 樣樣敏感話題都要解讀一次, 驚呢樣驚嗰樣, 做到十年朋友又未必做到廿年呀, 何必太費神
同埋, 朋友都係互相了解先做到朋友姐, 大家講嘢都get錯meaning, 咁點相處落去呀?
3個讚
做朋友做到咁忍氣吞聲、下下都要就住就住又何苦呢。
我都有類似咁嘅朋友，不過我情況好啲，我同對方未至於好fd好熟，耐不耐就因為一啲小事就嬲咗我，然後佢向另一位朋友講先知，聽返真係覺得黑人問號，因為好多都係佢單方面自己諗出嚟。
你啲朋友自己開group可以理解，做朋友唔係大家一齊suffer先叫好，適當時候要放手，既然你有同對方講過，你已經做咗你本份，佢唔自覺咁都無計，可能真係等有日連你地都唔理佢，佢先會醒。
人生苦短，疫情下我學懂咗一樣嘢，宜家大環境已經好多唔開心嘅事，我情願將時間留返俾愛惜你嘅人身上。
2個讚
咁你哋其他四個真係算唔話得 
其實愛嘅反面又唔一定係恨，做唔到好好嘅朋友又唔代表係反晒面，只係大家都想take a break，咪降一級做返普通朋友囉，禮貌相對，生日送下祝福，見到得意嘢又send 比佢大家笑下（given that 佢唔會諗錯隔離以為你串佢），咁樣會唔會冇咁大壓力？
3個讚
對住呢D人, 真係得4 個字, 敬而遠之
我有個朋友就好似你朋友咁, 好敏感. 所以一直同佢講嘢都要勁小心, 要就住佢
但最後我都係得罪咗佢, 因為佢同我鐘意埋同一個明星, 佢覺得我成日晒命
真係痴鬼線, 呢個人從此唔再係我朋友
1個讚
我以前都有相似諗法……拍拖唔夾咪分手，做朋友唔夾都可以唔好同果個人做朋友。
但係咪真係咁樣件事就完結？
樓主呢度都有講想treasure 年少時識既朋友……
我而家傾向覺得關係冇終結，覺得對令自己唔舒服時就疏遠少少，互相俾空間大家，咁樣已經好好
我覺得樓主好好，對朋友好真心，呢位玻璃心朋友令人失望/氣結/無言，但佢冇隨便放棄，希望佢朋友最終都能夠理解呢份心意
1個讚
做朋友啫, 唔完結可以點, 我反而想知點解要拖泥帶水?
樓主當然可以treasure, 但令人難受同唔識諗朋友感受嘅有害朋友, 唔終結仲要等佢一次又一次咁情緒勒索自己?
認同樓主好好, 但做朋友啫, 唔駛饒恕人70個7次吓嘛
3個讚
另外兩個都係樓主、玻璃心年少朋友，
一樣值得樓主Treasure（雖然樓主同玻璃心熟啲），
勉強無幸福，let it go
1個讚
係喎，唔記得左佢地係有一個group
冇啊，見樓主開post係問點相處，結果大家都係話佢聽冇得相處……
我自己好鍾意搵舊朋友，有感而發。
1個讚