加油呀 ，就當緣盡咗，冇謂再諗點解或對錯，無意義的。最緊要目標清晰：小朋友撫養權同佢啲錢。祝新生活順利。
1個讚
真正嘅朋友點會覺得你煩，特別呢啲事
不過你上嚟傾都好，多啲人不同嘅說話
2個讚
謝謝你嘅解答
感激
大家好，唔好意思，又想問下大家意見個仆街四月時出咗離婚協議書俾我，跟住一直追我要我簽離婚協議書，我冇理佢，最後佢7月cut左亞仔學費（每月$6600），之後我搵咗律師出返律師信比對方律師，內容係話佢不合理行為，同埋要求佢俾返學費，都係跟佢要求學費俾到K3, 之後我另外要佢每月比$3000亞仔做生活費。個仆街收到封信之後話要約我平心靜氣出嚟傾，但係我最後拒絕咗，叫佢律師搵我律師傾點知而家已經過咗一個月，我律師已出信追，但佢到而家都未回覆我想問，如果呢個情況你哋會叫律師擺上庭搞定還是同佢一齊拖，拖到夠兩年之後離婚？因為佢而家好明顯就係唔想俾學費同埋唔想比$3000生活費俾阿仔！我怕再咁樣拖，我搞移民嗰度會再耐左
如果你一個人支持到就唔好理佢，快快離開，去英國重新生活，留返d 錢俾佢買藥食啦
2個讚
問題係佢現在調返轉唔肯覆我律師信，唔知佢玩咩
問下律師點做你會最輕鬆容易快咁離婚同帶埋個仔移民
英國讀書好似又唔太使錢，所以你地夠生活費就唔使理佢錢唔錢
為一啖氣，幾千蚊個月，唔值得同佢糾纏
不合理行為已經係ground, 直出petition 等咩？
1個讚
啱呀，佢呢次俾你，下個月又唔俾，唔通又搵律師？
我明白你好嬲，我屋企人都曾經為啖氣去告樓上，錢事小，嗰啲壓力真係唔細，最後佢係win左，但佢有時間有EQ有心機，你冇丫嘛。
佢有俾舊錢你已經唔係最賤，大把PK你都聽唔少啦。
同小朋友快啲走，過新生活，第時你會感謝你以家嘅決定的。
2個讚
夠錢未必夠生活到小朋友18歲
係咪即是可以直接遞上去法庭？咁算唔算要同佢打官司啊？我怕佢玩野要求分返我一半錢
你覺得我有必要再問佢攞$3000生活費同reimburse返啲學費嗎？因為佢可以大條道理話俾左一夠錢我，我怕我會輸，因為律師有講過話佢真係可以講話比左我錢，等於俾阿仔嘅生活費同學費咁，但係個學費佢一直都係由N班開始俾！
幾時都可以單方面出PETITION, 只係如果有協議大家慳錢
當然算啦, 傾唔掂就係打咖啦
有撫養權果方當然要有仔女生活費, 問題係幾多
你地家庭財政係點我答唔到你, 但我唔明點解佢話同你傾你唔傾?!
連個仔學費都CUT,正賤人 
咁就唯有去到要做野
糾唔糾纏唔係用自己夠唔夠錢/佢應唔應該俾去決定
係用贏面大唔大去決定
1個讚
我現在要攞單獨撫養權，佢只得探視權。唔傾嘅原因係因為當初係佢自己咩都冇同我傾，四月就出咗封離婚協議書俾我，跟住之後我情緒好差啦，咁而家其實我見到佢啲message同埋見到佢嘅任何嘢我都會情緒，我覺得佢個人冇口齒，佢講咗嘅嘢都可以唔算數。其實律師錢我已俾左，當初又係佢叫我搵律師覆佢，咁我而家搵咗律師去覆佢，但係佢又玩嘢，現在到佢唔覆！
係因為佢呢個舉動 ，我就決定搵律師出信比佢律師同佢正式離婚！但係佢而家居然玩嘢唔覆我律師信，正仆街！
見到你嘅故事，我都好感觸，我啱啱都打算離婚，既然男人都唔再care我哋母子，我寧願早日解脫，已經拖泥帶水咗一年，哭累了。
3個讚
媽媽你都要加油
我未算走出情緒困擾，但我知道我同阿仔沒有退路，只可以向前走！
希望你同小朋友都加油，早日展康新生活。
1個讚
你係唔係都叫做有啲經濟能力, 可以請律師幫手? 如果係既話, 錢解決到既問題就唔係問題 , 唔需要過分擔心影響自己情緒!! 首先, 佢出軌已經係不合理行為, 當初我問過律師, 未夠分居一年, 你都可以單方面申請以不合理行為離婚, 不過用得呢個理由申請離婚, 大多數都可能要打官司, 因為已經係不和平既申請!! 你叫律師用不合理去離婚, 佢都會問你有無同對方協議好, 如果無既話, 律師會幫你出信, 律師會幫你出信, 但問題係, 對方睇完信唔回, 你就要問律師可以點做, 正常法律係會定一個期限, 如果幾耐之前, 對方無回信, 亦無反對就會繼續行。但聽你講, 其實個衰佬, 都係唔想畀錢, 畀生活費你哋, 定還是佢都會畀, 但唔畀得多? 我覺得你可以同佢出黎面對面傾清楚, 問清楚佢究竟想點, 如果你唔旨在佢畀唔畀錢你, 不如出黎傾, 你承諾唔需要佢畀任何生活費, 只係要佢放棄共同撫養權就得!!
如果你想帶小朋友去外國生活, 留意返, 如果你哋係共同撫養權, 係需要得到佢既批准, 先可以帶小朋友走。所以唔想有後續, 最好就傾清楚!! 你出去見佢之前, 最好就寫定一份協議會, 叫佢簽埋名, 跟住拎去畀律師同你搞離婚, 律師會根據你哋傾好既協議, 寫落離婚申請書, 寄去畀對方睇, 都係有限期畀佢反對既。
另外, 你既財產, 人工係唔係多過佢? 以往邊個負責開支多? 如果佢乜都多過你, 正常就唔會分到你身家, 要睇吓邊個錢, 財產多…