其實我哋本身有舊錢喺英國戶口，佢現在沒有攞走，當初佢係話俾我同亞仔去英國生活用（夠錢最多用到6-7年就無），因為咁佢講明唔會比任何贍養費或者生活費俾阿仔，連學費佢都最後cut埋。其實我係想快同佢有個了斷，但係佢而家唔覆我律師，我諗緊好唔好叫律師出信比佢叫佢喺咩時間之內，唔回覆就照程序遞上法庭定同佢拖？如果上庭，之後就有機會要打官司，但其實我原意唔係想打官司，我淨係想希望逼佢簽咗張離婚協議書同負責返佢應該負責嘅部份，同埋我唔想同佢見面，因為我情緒真係唔係太好，而且我諗我自己如果同佢見面有機會我嘅決定唔係一個最合適嘅決定！同埋我覺得佢唔覆我律師另一個原因係因為佢唔想使呢筆律師費，信嘅往來都要比律師費，因為之前佢cut阿仔嘅學費，原因係話律師樓收佢Admin charge,所以佢要cut阿仔學費同埋話我唔覆佢離婚協議書嘅內容，所以佢亦都因為依個原因而cut咗阿仔嘅學費。我都有做緊野，但我現在係入不敷支！
其實有一舊錢夠六七年用，或者夠係個小城巿買間屋仔，我會算數走先
糾纏係最唔值既，去到英國再搵野做。
好明白, 你唔想再同佢糾纏既原因, 不過始終仲有小朋友既撫養權問題, 同埋你係打算同小朋友移民, 會涉及法律問題, 我諗你最好真係搵個律師, 坐低講清楚你既要求, 單方面離婚一定可以, 爭在係點樣做! 問返律師拎返意見再去做會好啲, 我哋始終唔係專業既! 但要洗既錢一定會有架啦!! 但又咁諗, 錢解決到既問題, 其實唔需要太擔心, 錢可以再搵過, 解決左而家最煩惱既問題先, 一步一步黎…
本身有舊錢喺英國戶口 ← 會唔會你自己轉走筆錢去自己戶口先?? 一陣佢會唔會拎鬼晒, 無人知, 而家保障你同小朋友, 就一定要有錢係手…
1個讚
所以無得唔問律師
1個讚
錢一直係我名嘅，我應該錢係多過佢，所以擔心佢會分我一半，而且佢現在唔理唔搞，聽朋友講佢風流快活緊，而我就面對好多事情，所以係有諗過打官司
打一打官司, 我怕你情緒仲受影響呀! 佢唔理就由佢啦, 反正2 年後, 就算佢唔同意, 你都可以去搞離婚, 到時唔需要等佢同意!! 不過睇你前夫, 都係自私自利既人, 你而家同佢分咗居, 睇吓會唔會有咩證明!!
點都好, 快啲搵個律師問意見啦!! 有專業人士畀意見, 你知道點樣做, 就應該安心啲! 特別係你仲想移民!!
1個讚