老公鍾意返就自己返
我攰就唔會返
一個月見一次都好夠
ps 我同奶奶家隔好遠 一年只見3，4次
1個讚
我之前冇小朋友都試過say no話唔去, 番成個禮拜工星期日真係想抖下, 但有咗小朋友就好難推, 真係大吉利是小朋友病咗先唔駛去(當然我都係冇得抖). 政府宣佈唔可以跨家庭聚會, 奶奶就掉番轉嚟我度睇孫, 變相我仲忙. 有時星期日朝早都冇話過嚟, 到下晝突然話嚟嗰下個心真係沉咗一嘢…
我媽嗰邊通常係有人生日或過時過節(唔係正日, 正日通常係奶奶嗰邊)先聚下, 我每日都同我媽facetime, 我媽都會過嚟睇孫, 但感覺真係唔同~
2個讚
我絕對明白你心情, 我未有疫情, 未有社運都幾乎同你一樣, 過時過節過生日一定要正日食… 大佬呀, 唔駛做咩… 生日係正weekday, 點返呀, 有時出trip, 都要後補再食, 都痴上腦架, 我次次都話唔駛做呀…要OT 嘛… 自從社運後, 黃藍對壘, 老公怕我同佢個妹忍唔到, 已經自己KO, 減少聚會… 疫情後, 一年都唔見兩次, 我咃一家有時間, 就閒時上去陪兩老食餐飯…
講真99想見自己個仔就梗嘅，亦人之常情。
同你去唔去有關係？
你老公唔識做？
你顧住諗人哋會唔會唔開心，但自己又唔開心，然後產生怨氣，好傻喎。
咪就係你諗多咗囉⋯⋯
佢哋點諗關我咩事？
你怕人哋比面色你睇？
1個讚
咁我奶奶又冇試過俾面色我睇既，所以我都覺得呢個係自己性格問題，我除左對住原生家庭/老公/好朋友會完全放任做自己，其他外人一律係禮貌客氣保持形象。而放假就係想休息做自己，唔想出去social，所以唔會想成日去奶奶屋企。而家一個月見一次我覺得幾好。
1個讚
多謝你既分享下
我都無諗過係奶奶既角度會點睇呢樣野
我下星期放假會同我老公好好咁傾一傾呢個問題
1個讚
我而家見佢媽仲多過見我媽 
我諗住suggest我地每個月都只見一次對方家長, 之後果D就自己安排
我身邊基本上都無朋友係個個星期見6299，個個聽完都嘩一聲
我成日都諗，大伯一家基本上都會去，成家得我一個話唔去係咪會好奇怪
我既性格成日都好怕人地點睇，都係時候要學下點樣唔好理人地咁多，放過自己 
我完全明白你呀！
我婚後因為要個個星期返奶奶家，我都逼佢個個星期都返我娘家
一個星期無左兩晚時間我都好攰下 
政府講唔可以跨家庭聚會之後，我呀媽叫我未生小朋友應該把握時間二人世界，唔洗返咁密啦
我媽最注重都係大時大節（年初二，團年，生日）一家人食飯（我獨生，所以都係人少少）
其他都係想返就send個message話今晚返黎食就OK，無話一定要跟D咩schedule
相反我奶奶就好唔開心，成日問係咪真係唔得，係咪可以唔理，應該唔會有人會報串etc
大時大節一定要正日，正日之餘仲要搭返本身weekend聚餐又唔會cancel (除非兩日真係好近)
我都接受唔到short notice就上黎我度，有時屋企亂D都覺得唔好意思
我奶奶有時會整下野食比我地，佢會預早同佢個仔講定，同埋坐幾個字就會走
佢好鐘意咁樣照顧人，我知佢鐘意咁做同埋都唔會好麻煩，所以都無乜所謂
上次我地叫左黃店團購，佢上到黎見到我地食外賣，都會話咦你地食外賣呀？
我知佢無惡意，可能都係多口問句，但係就會令我諗多左 
有時食得多呢D飯我真係會諗，其實呢D咁既節日有咩咁重要一定要食多餐
平時已經個個星期都食，都仲要再extra食多日
你仲慘，出trip都要補食 
社運反而對我地無乜影響，因為除左62之外全家都黃/偏黃，佢地基本上都唔會點講政治野
呢兩年社運+疫情，真心覺得唔想見果D親戚，基本上真係可以唔見
我次次去完都會spot到小朋友既問題
例如扭計唔食飯，食個幾鐘都食唔完，又要人餵
特登attention seeking爭野玩爭電視爭我，一定會有人會喊 etc
次次都搞到家嘈屋閉
我覺得好嘈好煩就同老公講「喂咁教點得架」
我老公都知係有問題，但係就會話「人地個女黎，咁都無計架」
X2
講真，人哋真係唔知你咁唔想去
淨係知你個個禮拜喺嗰度個樣開開心心咁出現又好投入咁同小朋友玩
你唔鍾意同小朋友玩，咁你咪唔好玩囉，我亦都見唔到你唔玩你老公會鬧你發你脾氣嗰啲
你咪照直講話姐姐有嘢做，去返媽咪度啦
然後拖兩個小朋友去媽咪度，然後同佢講話交返對女俾你啦
咁你咪同老公一齊坐一齊傾偈睇電視嗰啲囉
但你又要坐喺度同小朋友玩，之後又要投訴
你唔想個個禮拜去，咪照直同你老公講話我呢個禮拜唔過去啦你自己去啦
其實有啲嘢係你自己話事，但你自己又唔表態，事後又喺度好委屈，其他人真係好難去幫你喎
3個讚
如果係我, 我會直接講我唔返, 你次次都問, 我都會次次答, 到想去嘅時候先去
唔係俾唔俾面, 我都有想休息, 想二人世界嘅權利, 我唔係老奉幫人take care小朋友, 加上我唔enjoy
4個讚
我試過好多次缺席, 我99姑仔係會比說話我聽… 我次次都係嗰句, 唔駛做呀… 我C6又唔會嘈我, 我就啋佢都傻…
你就好啦… 我C6嗰邊, 個個都係Blue blood…仲要好深色…
其實我有同我老公講過架，不過第一次講果陣佢話呢個schedule係fixed
除左本身有野做可以唔去之外都無得改
我果陣都有幾個星期係特登約人 or 話唔想去，佢就會話我唔舒服 or 約左人
小朋友果度，其實佢呀媽都有D問題
因為我有講過我攰啦唔想玩，佢D小朋友都係靜一陣就會繼續黎扭
我同我老公求救，佢Hea玩一陣，D小朋友最後又黎搵返我
佢呀媽只會講「唔好搞住XXX啦」，但係唔會occupy佢地
最後我黑面，呀奶奶見到就叫我幫佢整野，D細路過一陣又走埋黎廚房拍門 
1個讚
你啱，我之前係問佢係咪個個星期要去
我唔應該比option佢，直接話我唔想個個星期返，因為我返得唔開心，但係我唔會阻你自己返去
2個讚
心狠d就可以
咁你老公之後都會話你唔舒服或者約咗人啦
咁你咪繼續咁樣講話我唔過去啦要做公司嘢，佢自己會幫你講㗎啦
你俾返對小朋友阿媽話你搞番掂佢，之後佢再過嚟你再帶返去佢阿媽度，咁佢阿媽就一定要自己湊番對女㗎啦
個阿媽見你繼續玩就以為你冇問題。正常人覺得有問題係應該會唔玩，唔係繼續玩然後喺度呻覺得好慘。
3個讚
我又冇迫我老公番我娘家 我媽都係好開通, 叫我哋得閒先番, 有時番得密, 佢仲講笑咁話’俾我抖下都得啩又要煮’~
我奶奶都係啲鐘意照顧人啲人, 無晚市堂食, 星期一至五諗煮咩都諗到我懷疑人生, 星期六日叫下外賣食下其他嘢, 佢又買埋餸嚟我度, 怕我湊住個仔去街市唔方便, 咁佢嚟同孫玩無理由要佢煮埋, 結果我又要煮又要洗, 然後食埋飯睇埋電視同佢個仔吹水到9點10點, 之後我仲要同個仔沖涼執嘢之後第二日仲要番工, 星期日就咁…完~