我老公都好識玩
我媽生日佢親手整左個佢鐘意食既蛋糕比佢，氹到佢幾開心
我今日同我呀媽呻，連我媽都話個個星期多左d，返咁多好煩 
所以話囉，啲男人由得你死，所以一定要企硬，唔需要諗好唔好意思
男家又唔係你啲咩人，我有禮貌已經好好，但唔好迫我做啲我唔高興嘅事
1個讚
知道！我會直接同佢講我從此我既星期日係點安排，叫佢Take Note 
1個讚
到呢刻你仲未明🫤
你叫你老公自己諗點答，得體啲咁囉 
1個讚
我同我奶奶關係唔錯的，互相尊重。不過我都係唔鐘意上佢屋企，覺得唔自在，會當自己係客人。以前要番工時，難得放假仲要去奶奶到，我會覺得似未收工仲要social。唔知係咪因為新抱係女人，女人就諗得多，成日驚自己講錯嘢唔知佢地背後會點諗，所以唔自在。我見我老公黎我媽到好自在。
1個讚
應該要諗自己多d 唔洗理佢地點諗
佢地點諗呢個問題 留返比我老公自己解決
一定㗎喇，女婿要受外母氣嘅case萬中無一
我老公同我一人一次，咁我都好識做好客氣嘅
如果你唔去奶奶屋企會有咩後果？係咪你自己驚過龍呀
唔上人屋企又驚自己衰女
怕拒絕人，就想人唔邀請你
唔想同小朋友玩，又怕自己衰唔敢唔應酬
其實成件事好簡單，你拒絕就得
2個讚
照直講，升左職忙左連星期日都要做野，所以謝絕邀約。
基本上正常既99都會好通氣唔阻d後生搵錢，所以萬大事搵工作做excuse 就可以。
但我都好認同上面jm講，同死佬攤牌叫死佬搞掂佢。1來，佢呢d都唔為你設想下點得架，咪就佢啦，2來，for 你自己，升左職總有d狗屎垃圾task 飛埋黎，你點say no, say no 既art係時候要練習下，就由你死佬開始啦。
3個讚
所以覺得你好慘🫠我自己都唔係太識同自己個仔玩，小朋友玩D嘢真係無聊到極點，又要陪玩陪笑，一個鍾都攰，仲要玩咁耐，諗到都辛苦，叫你老公幫手陪玩，如果唔係就唔返99到，再唔係就食飯前15分鐘到，食完飯半個鐘就走！
2個讚
記住：坦白唔代表冇禮貌，你坦白講要休息，加句唔好意思奶奶都會明白嘅
最忌係又要去又要辛苦又唔坦誠，奶奶唔知道繼續迫，你又唔鍾意，到反枱嗰下就尷尬
5個讚
我同你都好似，我都會當左自己係客人，唔敢攤係度禁電話
收工要同佢地食飯的話都覺得似未收工架！
我老公去我媽度就完全做自己啦，打機打到攰係度釣魚
1個讚
你咁樣講開，我都覺得係我自己驚過龍
因為我奶奶都算係唔錯既奶奶，平時無乜要求，唯獨係好重視大家一齊食飯呢d
所以我成日都怕話唔想去佢會唔開心
係呀，其實升完職我都好大壓力
因為要manage既野唔同左，無得好似以前咁訓係度都識做
我會同個死佬講叫佢搞掂佢架喇！同完大家呻完之後都覺得清晰左好多
一半係我老公唔理，另一半係我庸人自擾
1個讚
係，所以我只對2歲以下既bb有興趣抱下咁
小童真係唔識同佢地溝通，最好就保持返安好的距離
我都覺得我老公一定要黎幫手，唔得佢咁開心係度睇住我受苦 
溝通問題，唔講出嚟好多野人地唔知架。我分享少少個人經歷
我剛結緍時，有位親人已很期待要湊我bb，自己去讀埋陪月 (當時我冇講想生仔，亦冇計劃生）。 到我有左bb ，我問這位親人可否幫手湊BB 6個月， 因為未請到工人。 如果中途頂唔順我可以辭職。佢拍哂心口話冇問題。
BB 出世第二個月，我請既陪月走咗之後，這親人先至知道湊BB 辛苦，發脾氣爆我話我刻薄佢，邊有人唔請工人要長輩湊仔，又鬧我han 錢先唔請工人
重要同其他家人唱我 當我問點解唔早講想有人幫輕下（請唔到工人我可以辭職，或找其他方法）佢就一副被我迫，自己係頂硬上，係受害者，好委屈的樣子
樓主唔say no 想做「好人」 ， 自己咩都頂硬上， 有委屈擺喺個心到唔溝通， 其實你奶奶都未必想。 人哋未必咁alert 樣樣事諗得咁深入，見你唔say no 咪繼續囉，唔會諗「新抱應承黎我屋企，會唔會佢係扮想黎架」
7個讚
帶埋電腦過去奶奶度做野，鎖自己係房，食飯先出嚟
擺下款都好
同埋叫你老公幫下口啦，星期日放假要休息架大佬
1個讚
你最好聽從自己內心需要
否則終有一天會爆
我個人十分討厭表裡不一既人
2個讚
都唔關對你唔錯事既，始終都係陌生人，只係因為你老公所以關係變得close，而且你又唔係唔俾你老公番，只係你自己番少d啫，講真，有時間不如番去陪下自己呀媽
weekend都係想放鬆下啫，無謂太張就。