其實之前都係度出過post, 就係老公D姪女次次都叫我陪玩令到我好煩厭
https://www.babydiscuss.com/t/topic/51340
之後我都有問我老公，其實我係咪可以去少D，例如一個月一兩次咁，佢可以照返
佢既意思係本身佢地逢星期日就會係family dinner，全部仔女都會返去（咁即係無得傾啦）
都仲未計有時有人生日呀… 咩節日呀…一個月真可以以見足七次都唔奇 
講真，有小朋友既就緊係個個星期去啦 
星期日無工人，又唔洗煮又唔洗洗又有人幫手幫佢睇細路
但係我唔係喎，我去到又被召喚陪玩，又無得拒絕（講緊我本身都唔太識同小朋友玩）
叫我老公黎頂佢地又話又話唔要男仔，佢就安心企埋一二邊打機
不過果陣同佢講完政府就宣佈唔可以多過2個household聚餐，個問題就暫時無再討論
最近我升左職，有好多野要catch up，所以好多時我放工都要OT
Weekend星期六抖完，星期日都會開機做野 (WFH)
上星期兩老無啦啦話要resume返聚餐，我真係比佢地打亂晒我既計劃
所以我就叫我老公自己返啦，我就留左係屋企做野
今日假期諗住下午出去行下晚上先做野，點知奶奶又問我老公今晚食唔食飯！！
點解公眾假期都想打我主意，仲要下午問夜晚…大佬呀比我靜下得唔得呀 
而家搞到一聽到要返去奶奶度食飯我就唔開心（無論有無小朋友係度都覺得好煩）
真係唔知點算好
P.S. 我都係一個月返娘家一次左右
我媽無乜所謂，因為我地平時日日都message傾計
我老公去到我媽屋企，食完飯無人會煩佢
佢都係坐埋一邊打機，打到訓著我兩老都無所謂
所以佢黎我娘家基本上都無乜負擔，但係我就反轉
