我諗成件事係我唔夠強硬導致自己辛苦
試過我唔去之後，我奶奶又話D細路喊，又問我果日同朋友食飯點呀，做姊妹點呀 etc
語氣就正常關心，但係搞到好似我唔去就要同佢地交代咁
咁佢地令我覺得我唔去係「請假」，唔係一個Option
其實我老公係咪都有責任去令佢家人明白，我同佢結左婚都唔一定係要Fit In佢地原生家庭既Schedule？
小朋友方面，我有係佢媽面前表達我唔想再玩，我要休息
佢地呀媽就會講幾句，唔好搞住XXX啦，但係d細既兩野就當無事，無限loop
我覺得佢地呀媽係扮傻唔想理，所以就冷處理
所以變左D細路咪又會再走黎我度，等我一晚要講幾次唔玩，留個醜人比我做
係呀，成件事好本身好簡單，但係你行動上同你心理上太相反令到大家都唔知你諗乜，然後你自己又好委屈
亦都因為咁，搞到第一段嗰度你自己諗多咗諗埋一邊。阿奶奶講嗰啲根本就係普通客套說話，純粹曲線讚下你好受歡迎得人鍾意，呢啲係正常一個鍾意同小朋友玩嘅人(你表現出嚟俾人嘅感覺)聽到會覺得係一個讚美嘅說話。同埋當你係屋企人表達下關心好正常，即係我想話俾你知佢有記得你做姊妹啊嗰啲。係你自己對人哋有敵意所以人哋做啲咩都係錯。你老公根本就冇叫你 fit in個schedule，你直接同佢講你唔習慣個個禮拜過去，每個月去一次有返啲私人時間，佢發脾氣你先再上嚟呻啦
都係果句，你坐喺度繼續玩，係人都覺得你冇問題啦
你一路帶返個小朋友去個阿媽度，咁咪得
但唔好你一路唔鍾意玩，一路又要同個小朋友玩，事後又要呻委屈
sorry我d語氣一定係重咗，我真係勁怕啲扭扭擰擰嘅女仔個樣好似好開心好鍾意，背後又喺度好可憐咁樣
好難捉摸啊
我都係逢日要去奶奶家食飯，又係外家超free個type
起初結婚後係超唔慣，小朋友又係會搵我玩。
見面時，心情好，精神好，就會吹水，(天氣、買送等)
心情一般，就會安靜吃飯，然後另一半吃飯後督機我跟住督，等另一半講拜拜就跟住拜拜辛苦曬走人。
我會盡量去，但如果我約了人，不想去，老公就會同奶奶講我唔舒服/約了人。
奶奶會whatsapp我，我會hae答：哈哈，係啊同朋友食飯。
小朋友個度，起初我會陪玩，
後尾我會叫小朋友搵老爺玩，同小朋友講「難得來看公公/爺爺，我小時候會玩XX (board games/card games)，你地有冇呢？呢度冇，屋企有就下星期帶來一起玩」
然後自己督電話，看英文書，小朋友過來一兩次，我會邀請他們一起看書，唸給我聽。
(結果當然是小朋友落荒而逃)
試多幾次，我就不用陪玩，而陪玩工作落在老爺身上。
久而久之，大家都習慣了大家的相處，就OK。
(不好意思書面語口語夾雜，用電腦打字冇手提電話那麼方便打口語)
like it! 我諗起自己後生唔想比細路纏時都係搵野來嚇佢地challange 佢地，d細路係會feel到你唔想玩（或者呢個人好恐怖唔好玩）而走佬～
黎到62樓，jm 們都開始按耐不住講得好白
btw,我係不能同意更多的。
希望樓主盡快有行動去改善情況啦，因為呢個問題唔係咩大問題黎。
去兩次推一次，做嘢工作行先
你係想演好人就要演到底
依家你無論點做都會有人知你當初既「好」係演出嚟，印象分會扣哂
小朋友爭寵同喊，係你有份造成，係你扮nice 扮得太唔現實，但d 細路唔識得分真假，搞到佢地以為依個人真係咁錫佢地
但你實質係厭惡佢地，仲已經開始慢慢露出真性情
但小朋友唔明你點解突然之間變臉
你做人咁假，hurt 左好多人
因為我係新婚，一開始去果陣我係OK既，之前未遇過D咁既問題，都唔知道自己後來會咁反感
我係無好直接咁同老公講我唔想去，呢個我一定會直接D同佢講
講陪玩果方面，其實我有講我唔想玩，都無坐係度繼續玩架
我同完佢地+佢地呀媽講我唔玩之後，有即刻行開/ 入老公房/ 入廚房/ 入廁所
但係無論我走去邊，講左幾多次我唔想玩都好，D小朋友總會走埋黎
試過仲要我去緊廁所都要拍我門，我覺得都唔單純係我既責任
不過多謝大家既時間同分享，我都了解到件事應該係要點解決
同埋多謝大家比左個空間我呻下 
我畢竟都真係睇住佢地長大，我對佢地既好唔係扮出黎
一開始大家保持住個距離係無問題架
只係你幾錫佢地都好，有時D野對得太多太接近，就會無左距離果種「美」
以前一年見得幾次，每次都只係玩一陣就緊係無問題啦，我都無乜問題
但係婚後每星期都要見，就難免唔同左果回事，唔知你明唔明我講乜…
明，你先照直同奶奶講，最緊要佢明
然後再諗自己幾耐去一次會舒服d
親戚d 閒言閒語叫你老公擋
如果依個密度先係你可以接受，咁你肯定講唔上對佢地有感情，每次見面對你而言都只係應酬
我係奶奶聽到會覺得好失望（畢竟你一直擺出來既姿態唔係咁）
你同奶奶講既時候最好委婉d，淨係講工作愈來愈忙，身體唔夠休息，想節日先過嚟就算喇
empty promise 你都唔好講喇，唔好話等遲d 工作無咁忙先多d 上嚟
好同意，谷友都講得好白了。
我老公嘅親戚，真心好鐘意我啲小朋友，每個月見一、兩次，次次陪玩幾個鐘，我好感激佢
唔鐘意陪細路玩，係無問題的，對自己坦白啲就得。
我只係表達想講返我未結婚時，只會大時大節生日果D約食飯
果陣時我同男家婚前相處係開心舒服，所以我唔知道我婚後會有呢個問題出現
而唔係而家要求一年只見幾次
你想表示我係應酬佢交戲咁，我絕對係無咁既意思
只係個距離一下子收到咁窄，我新婚真係要d時間適應
即係個感情要昇華到至親既感情都要時間累積，唔係話一結完婚就即刻做得到
我以前留學果陣同我媽感情都好好，但返黎一齊住對得多都會鬧交，係同一個意思…
雖然咁講有d奇怪，但係當我地量化D黎睇，一個月兩次一年都係都係24次
但係我而家係每個星期，再加埋大時大節，一年係大約60次左右
就好似相見好同住難咁，見得多左就會多左問題出現
一個月一兩次我OK呀，每個星期就唔OK之嘛 
多謝大家既時間、開解同埋建議
我了解多左自己既問題，同埋都知道應該點做去點樣解決呢個問題
我又夠鐘做野，所以都唔特別再覆了，多謝大家
講到底奶奶都係想見自己個仔，你唔洗每次都去
限跨家庭聚會之前我地係一個星期返去兩次食飯，兩年來我無特別要求減次數，始終佢父母係好想成日見到個仔，我就久唔久扮病、約咗朋友唔過去，初頭奶奶會好關心咁問候我，次數多咗佢可能明白我唔一定想去，已經無再問長問短，大家相處耐咗自然會明，雖然佢都有少少覺得我唔想同佢傾偈…so far到宜家大家嘅關係仲係幾好
呢個係佢個family schedule，與你無關，你有你自己schedule
自己既生活，並唔係活係其他人既框框裏，你有你既生活，佢有佢既忙碌，你有選擇權。當然過時過節出席無得好講，但平日無咩特別，唔想去有野做咪唔去，諗得太多人地感受就忽略自己感受
講真99都係想見到自己個仔
我覺得老婆去唔去真係no big deal
又唔係專登唔去
攰都要休息下架
連對住老公都唔可以老實表達自己諗法? 你老公好惡令你唔敢講?