依個forum愈來愈多怪人，好多post 我睇完淨係覺得o嘴，連覆都覺得浪費時間
其實你老公連俾唔俾錢佢阿媽都會問聲你，淨係呢件事你已經贏曬啦，仲煩啲咩？（好多男人都做唔到）所以奶奶姑奶妒忌你係好正常，人哋生個仔養大個仔，而家連問個仔攞家用都要經個新抱批准，係人都會唔開心啦，而家個勢係你到，佢哋都唔敢做啲咩出嚟，最緊要係老公支持，人哋點諗你控制唔到
4個讚
同感，本身諗住睇吓唔答嗲，不過睇落覺得樓主有啲煩，應該都係想人認同佢幸福，所以好介意人哋話佢唔幸福。
其實自己覺得好，自己滿足就夠㗎啦，唔洗理其他人說三道四，除非你開心係建基於其他人嘅認同啦，咁你應該搵嗰啲 「你就好啦，你老公搵錢咁多㗎，好羨慕你呀~~~」嗰啲朋友。
8個讚
唔需要在意傷害自己嘅人
提議樓主刪咗呢句。講自己人工真喺唔喺幾好，我突然明白點解男家會話你。
希望你 fb無po過人工。否則你明知男家睇到都繼續share，fb有filter功能又唔用，一般人都真喺會覺得你曬命，咁男家嘅反應就好可以理解。
2個讚
冷淡而又有禮對待算喇。
覆佢 謝謝分享
資訊很有用啊
2個讚
樓主，既然啲親戚咁牽動到你情緒，咁長時間都困擾，你又唔肯做改變，都真係幫唔到件事。
而家唔係人地圍住你轉啊，係你圍住佢地轉咋，你咁幸福都要呻到樹葉都落，你諗下，佢地會痛咩？會講少你兩句咩？
呢啲係心態問題黎，同老公搵6萬、姑奶欠唔欠債無關。
1個讚
我冇不停post，不過係好欣賞我老公真嘅，係好事
因為我老公得24歲，其實算係幾叻架！一陣唔欣賞又話我負面老婆衰老婆，好多人揾10幾呢個數都30幾歲，但我老公算快起步。當初一齊真係大家捱住，互相支持翻黎架
而且你地誤會了我。其實好多家庭講緊揾2,3萬， 比好多人算係咁啦，我好滿意我老公嘅付出。 我細個好窮，我大個真係好識感恩，而係呢到我知道你哋唔識我，先夠膽講呢啲咁私人嘅嘢，屋企人朋友唔會知道搵幾多，所以我從來冇曬命，有人上面有人話我井底之蛙，希望大家唔好誤會。
我係冇你哋所講要人認同我老公揾好多，因為身邊嘅人根本都唔知架，只係佢哋表面見到我哋食好咗生活有提升，先有是非
呢個post係講佢地唔抵係憎人富貴厭人貧，令我好傷心，有同感咪留言傾下，冇都吾洗gag錯我諗法。
而有人留言話我老公娶咗個咁嘅老婆，我唔明點解你要攻擊我，我點令到家庭唔和諧呢？而加係我奶奶為人惡毒蝦我咁耐，我呻下都吾得？
咁遲先回覆，因為ac新是有限制，等咗七個鐘
佢哋個仔就嚟生日喺群組，放咗覆cap圖係玩具相，tag我名，明示叫我送果樣，我冇回覆，即係覺得我應份？但係我從來冇問過佢生日要啲咩，本來諗住封利是，但係下個月先生日咁快指定我買咩，有時覺得好冇禮貌
放心冇post過人工，得我同老公知，只係連普通兩公婆影幅甜少少嘅相又話我扮野，另外，唔好再提人工啦其他人自己爬文！因為講太多人哋又話我係咁講人工人工好煩。我打字都打到覺得煩
其實我湊小朋友後呢一個舒緩壓力嘅地方就係Facebook ，分享吓全日同小朋友做過啲咩、煮咗啲咩嘢、一家人影吓相，佢扡唔鍾意我咁做。
咁你又唔好話佢老人家唔高興，呢啲嘢事出必有因，因為佢個仔都知自己媽太過份 ，經常沮咒我、又同朋友講我、當面開我波、以前未識反抗叫我跪喺度道歉、當正自己係太皇太后但係又冇料到。我愈來愈堅強佢就越嚟越憎我。
另外你話佢養到個仔咁大 ，好多外國人18歲就出去成家立室，大家都係獨立個體，如果要話有中國人傳統思想咁我未覺得佢識得尊重人，我成日覺得我自己作為父母好應該為將來退休打算，好好理財，不要依靠子女，子女將來俾你嘅係獎勵唔俾亦都唔係罪，佢成日開口埋口話做仔要點做仔要點，其實做仔咁辛苦嗎？咁做女呢？再加上佢心地唔好，我成日覺得呢啲係報應
多謝你回覆
原來你咁細個， 唔怪之得你咁多嘢唔識處理，符合你年紀同人生閱歷
樓主喺呢個post本身的確冇提人工，係佢話之前提過老公好努力，我先至搵返以前嘅post嚟睇，之後樓主糾正我唔止搵60,000咁少姐。 如果一個人養自己搵呢個人工係好好。不過你哋屋企負擔好大，一養五。 我諗你老公做嘅工唔係stable 鐵飯碗， 你如果出返嚟做嘢又唔係搵得多，亦唔係咩專業人士（我估計）。所以你proud of 自己老公叻之餘，都要有危機意識，趁好境儲下錢。
從你描述，你夫家係冇修養冇教養，正常人都唔會叫對方跪低認錯。 你話一開頭佢哋叫你落仔，應該一開始就唔想你做新抱，又或者當時你老公太細個冇能力養你同bb.
人大咗就要獨立係啱， 但係一般香港人唔會一畢業就結婚生仔有自己家庭。 係佢哋角度諗，養咗個仔咁耐，依家一出身就掛住同你同BB開心生活，唔俾錢屋企。加上你夫家窮窮地，有冇俾家用對佢哋嚟講好重要。在佢哋角度係因為你嘅出現，佢哋冇咗個仔嘅Support。 就算你同老公冇比佢哋知道人工實數，睇你Facebook post啲嘢都估環境好左，去玩去食都唔俾夫家家用。 呢樣需要你老公同夫家溝通，比佢地知你哋支出好大，你湊住仔又做唔到嘢，所以無能為力。 你老公俾唔俾錢我都唔明點解要問你，而家你出口話唔俾，就真係名副其實衰新抱喇。
而且佢哋實覺得個仔搵到錢好叻啦，喺佢哋心目中一定想個新抱有某啲條件。 你ftm 要湊三個其實好忙好辛苦，已為屋企付出同犧牲。 將來你有條件嘅時候，趁後生要搵機會增值自己呀。 唔係為咗人，係為咗自己。 當你唔使靠男人都可以生存，就唔使咁冇安全感，人地亦都唔敢睇你唔起。
12個讚
grow up樓主! 人地challenge你, 你就咁掏心掏肺講咁多私事? 呢度公開論壇嚟㗎。
2個讚
我睇完樓主之後回覆, 大概知點解佢不受姑奶奶奶鍾意, 講明先, 我認同佢地係惡毒,
樓主話自己冇曬命、唔講人工、只分享,
但佢只係呢度回應我都feel到佢好想prove比其他人知, 佢唔係井底、佢細個好窮、佢好幸福、老公好錫、老公好後生就搵到錢、其他家庭都冇佢咁多, 我估平時字裡行間一樣比到其他人呢種感覺
2個讚
奶奶永遠都覺得新抱搶咗自己個仔
如果你真係明白呢句 咁睇完上面d回覆應該都會明點解男家對你咁差 當然佢地咁做 我唔係話佢地岩 但有時d野正正就係事出必有因
你有呢個諗法係好 但你奶奶唔係咁諗都唔係罪 俾家用其實真係好普遍 你地係年輕家庭 有呢份收入係唔錯 但一個養咁多個 同輕鬆兩字仲有好大差距
男家理財不善要自己負上責任 但佢地對你老公有期望 想佢俾家用真係好正常 呢個係責任黎 佢唔俾無人迫到佢
但拉埋落報應黎講就好唔應該
2個讚
睇完樓主嘅回應，更加覺得你係井底之蛙，因為自卑而自大。
其實生活係你嘅，幸福唔幸福，開心唔開心，應該係你自己嘅主觀感覺。點解一定要其他人認同你？就算其他人喺你面前認同你、讚你生活好、好幸福，其實又如何？
2個讚
你可以爬文我成篇文從來冇要人稱讚只不過其中一個朋友仔睇給我之前個post 我先開始回應，你記住呢啲係你嘅先知，因為你唔識喎我唔識你哋所以我唔怕，其他人唔知㗎
唉, 你都係唔明, 有D野唔需白紙黑紙講"我曬緊命", 而係言行, 網民三唔識七都feel到的話(仲要唔止一個有呢種感覺), 現實會更明顯,
性格決定命運, 如果你覺得冇問題, 可以go ahead, 但你所謂嘅唔開心只會繼續loop
4個讚
至於你話我唔俾家用我奶奶，其實我唔會無端端咁做，你諗吓如果一個人對你好你又點會對佢衰，你可以話咁你可以主動對人好先㗎嘛，頭幾年我咪做狗咁囉聽曬佢話，但係佢根本都由頭到尾唔鍾意我，因為佢由頭到尾周圍同人講我搶佢個仔，跟住後尾我同屋企人傾，屋企人都話唔想俾人搶個仔咁佢同個仔生囉。。。越嚟越過分我先直情反面，佢呢啲人唔識珍惜，咁你覺得我仲應該叫我老公俾錢佢？
另外提一提我老公每次比佢，兩日冇曬㗎啦，走去打牌又唔係贏！