其實人地個老公對自己頭家對老婆好、真係唔需要同阿媽同家姐細妹解悉喎。個老公唔係駛佢地錢嘅話有咩立場去話人？
人地就係鍾意個老婆腳unun喺屋企唔駛做唔得咩？
2個讚
贊成點樣使錢唔應該由外人評論，應該自己考慮。每個人背景同價值觀唔同，自己先至最清楚。 有啲人鍾意儲多啲以備不時之需，有啲覺得洗咗就搵得返。又或者有啲人本身有積蓄或者被動收入，咁考慮嘅嘢又唔同。而且作為家人即使有意見，夫家嘅表達方式都好差。
樓主只係呻下夫家啲嘢，不過係我又諗下，六萬幾蚊一養五其實都好大負擔，並唔係外人咁樣睇「曬命」。
樓主FTM 就一打三都唔係嘆世界啦，分分鐘忙過好多人返工
2個讚
唔使理佢哋，block，自己鍾意點用fb點曬就點曬，佢哋睇唔到吹你唔漲
1個讚
知道麻煩，但因工作上自己家人識公司人，所以佢唔會反面，費事左自己搵錢
佢哋唔係擔心我老公啦，人哋講返俾我聽我奶奶嗰啲語氣直情係唔抵得到飛起。
我以前嫁入去，咩都聽話，我奶奶就食住上跟住我老竇教我反擊，佢哋就話我變
佢哋好鍾意打過嚟，我成日扮到好忙，唔聽，因為睇完我啲環境又話我扮嘢㗎啦，應該話又會有啲新嘅是非，我哋亦有個WhatsApp群組，佢哋日常有啲咩都放上去佢哋互相會回覆，初時我都不停分享女女生活，但係發覺佢哋完全唔理我
咁你話你睇唔睇得出有咩問題呢？
1個讚
佢哋又唔係你邊個⋯⋯有咩好hurt？
如果係一個我好愛佢嘅人傷害我就話啫，呢啲人我唔會覺得同自己有關係
冇需要刻意去對付佢哋囉⋯⋯
鐘意Po乜係自己決定，鍾意點睇係人哋決定。
2個讚
做人最緊要係令自己同身邊值得付出嘅人開心， 對於其他唔係真心對你嘅人，真係唔使顧慮咁多
就算你好心對佢地，佢地都一樣俾好多說話你聽，何必令自己難堪呢？
你老公知唔知你感受？佢點睇？
1個讚
你算好、果個係奶奶
我果個係自己呀媽
1個讚
多口講吓其實而家唔只六萬蚊這個是保守講
但係其實佢都唔知我老公搵咩數目，因為我叫我老公扮窮，我老公而家叫我咩都低調，因為佢知道佢阿媽真係搞到我，成日WhatsApp個仔「你幾時俾錢吖媽？」以前我老公都會比，而家我老公直情問聲我俾唔俾好，嘩，佢哋咁對我⋯我直接講唔好俾，所以有時佢媽都唔識諗，如果佢錫個新抱，個仔幸之不得錫曬佢啦，佢唔識諗日日埋怨個嘴都向下朝
3個讚
其實要睇唔順眼、真係做咩都會眼唔順眼
上嚟呻下冇所謂
現實生活唔好諗起佢地啦
真係識得有啲人
結婚唔生、話人地懶唔負責任
生一個、話生一個、悶死、衰過唔生
生兩個、話你唔自己照顧、不負責任
自己全職照顧、話做死個老公
生兩個女、話你生唔出仔
生兩個仔、話嘈到死
8個讚
fb飲飲食食，啲人要屈你扮嘢講乜都得
你影隻街邊小貓佢都可以話你扮有愛心，理L得佢
比我就一係block，一係仲要曬多啲直情講比佢哋知：唉，又要曬了今日
我fb最多 cafe相，有個老姑婆同事又係鍾意cafe，有次另一個同事叫佢參考下我去嗰啲，佢幾妒忌，根本佢心理有問題。
結果我曬冷post一大堆，make sure佢睇到之後block Q佢，佢邊有我符
1個讚
佢地唔抵得咪應佢「係囉，都叫左老公唔好買花架啦，不過佢話我做得咁辛苦，要多謝我」
你和應返佢，或者估到佢講乜就早佢一步講，等佢地無癮
1個讚
我都好明白啲姑仔姑奶好討厭，憎人富貴厭人窮。呢啲事呢其實都聽唔少，其實唔止男家，好多所謂朋友親戚其實都有同樣情況。
不過見到樓主不停post老公搵幾多錢，都覺得你個人有啲自大，同埋感覺好井底⋯
其實好多人都搵唔止依個數，樓主真係見識少
你老公唔止係你老公，亦都係人地個仔同阿哥
如果我係你老公，應該首先要知道自己家庭關係唔和諧係因為娶左個咁既老婆
樓主真係諗得遠，白事怕尷尬。其實無人會做白事時搞事，去咗靈堂坐下摺下紙，上完山做埋英雄就完事，無乜好擔心～
自己開心最緊要。
佢哋把口真係臭…… 呢個世界咩人都有
點解佢哋一開頭已經咁憎你呢？ 憎到你大肚嗰陣時都想你落咗去？都好陰毒下
唔想你入門？
唔知有冇認錯, 曾有另一個post都係家事(唔記得詳情) 又係講講下嗰個樓主係度講家庭收入, 九唔搭八, 唔知係唔係同一個樓主
其實新抱同男家唔夾係平常事 大家少來往就算 俾我唔會記住以前d唔開心事 放過別人等於放過自己