呻下。。。
由有第一個小朋友奶奶已叫我落，好簡單。。。總之佢係一個好陰毒嘅人，咁多年未試過唔話我，佢一唔滿意就開我拖，新年初一開我年、自己話要幫我地湊孫，好啦比佢湊一日，湊完同人講話兩公婆顧住玩、情人節老公送花又話我浪費老公錢（兩個姑奶老公欠債，佢地冇花收，係fb 我到留言話「千幾蚊寧願食咗去」）、仲有好多。。。今年我識得反擊，就比啲姑奶討厭，點解我會知，因為姑奶有個朋友係我共同朋友，一言難盡。
我咪有提及過我老公一路努力愈揾愈多，我地生活質素同時有提高，而奶奶同姑奶都欠落好多債，還完又再欠，因此我老公係唔會幫，好合理。我地小朋友讀直資又話我扮野，我食海參花膠又話我扮野，我哋一家人影幅合照煮個晚飯影幅合照又話我扮野，搬大左間屋又話有乜咁巴閉。 我有分享facebook 比朋友睇。佢哋會見到。
其實真係好傷心，明明同老公小朋友過得算幸福滿足，但妒忌嘅人會踩到你一文不值，而個奶奶會周圍話個身抱衰，而明明我在家相夫教子，做打理，煮三餐，我有付出，有回報。不是證明你個仔，或者你細佬好有本事嗎？
佢地全家一係欠賭一係創業失敗，反而我老公可脫離，比到幸福仔女，佢地勁討厭我，第一我感覺到，第二有人話我知，請問我可以點做？沉默太久有用嗎？要反擊？
知道背後講我是非，好hurt，明明平時成日WhatsApp分享野比我
Block要諗清楚，將來會見面嗎？我老公會難做嗎？
老公一早帶我搬出黎住，好感恩，
我爸教我，佢地愈唔中意見到你幸福，你愈要post多啲野
7個讚
我都係想有人同我傾下，好冇安全感，我娘家得老豆一個，朋友未嫁，冇人冇物，變得好脆弱。
直接反面的話，就比位佢地光明正大講我是非！
1個讚
唔用FB…得唔得？
其實FB無加佢地，點解佢地可以係朋友見到你做過乜？（你朋友有係你啲post留言？）
其實你地一家過得比佢地好咪就係最好嘅反擊，當佢地係無謂人亂up野，會唔會冇咁hurt？
人地妒忌你，難受嘅係應該佢地啊，唔明點解反而係你難受，佢背後講你壞話又洗乜入耳，佢地鐘意嘅咪由佢地講飽佢，佢地咁講姐，唔代表你就係佢地口中嘅人
得閒嘅咪諗下可以點樣將頭家再打理得好啲，等佢地妒忌多啲都好啊～
5個讚
全部都有加，一早已加，其實我只係普通sharing ，整理下fb相簿，但呢啲係咪叫做做者無心睇者有意？佢地就周圍話我曬命，好癲，就連煲個糖水都話我富貴，可想言之佢地欠幾多債
你講得啱，只係唔明為何要亂咁討厭人，明明我算係好媽媽，偏偏話我差，又話我搬走不是好身抱，我只知所有事情係雙向，你對我好我又點敢對你差呢
我好唔鐘意男家，所以fb唔加佢地，唔同佢地來往。儘量唔同佢地食飯，如果要食飯我儘量唔講嘢。我去親男家就戴耳筒，咩都聽唔到。
當然要和老公商量過，佢同意咁做。
你個啲姑奶衰過我個啲好多，我諗唔到你仲要同佢地來往嘅理由
5個讚
唔怕講野四條粉腸前後中咗omicron，本來一個中，佢地仲約打邊爐，最後四個中曬 ，仲開舖仲翻工仲周圍走當一切正常，我老公有時會見到佢地，一定要安全，我日日做家中消毒，成班廢人我好想篤爆！
block曬佢地，block埋妳個friend
一係妳就唔好介意佢地講乜，錯不在妳，點解要令到自己唔開心呢
4個讚
你不如試下設定所有post都唔好俾佢地睇啦。
我個人覺得少一樣煩惱就少一樣，既然都知佢地咩為人，點解要係fb令到自己更加唔開心丫。
每人做法睇法都唔一樣，但我會偏向咩都唔好俾人知，等佢地心思思左估右估。
佢地估錯都唔需要理會佢地，恥笑佢地就夠。
8個讚
將來會見面都可以block架。佢唔會知道你block咗佢。又，fb有功能，可以揀唔share俾特定人架嘛，你未唔好share俾佢地羅
4個讚
都甚小來往，多數係佢小朋友想同我小朋友玩，無乜幾句，有時團購問我夾唔夾，有時無神神視象話見我個女