不過多口傾吓計我上次去求簽提及到叫我份人要低調，嗰支籤所有嘢都好準，而家我咁樣反省我覺得講得好啱，可能我有意無意成日提及到一啲令人覺得我炫耀嘅嘢，咁純粹傾偈我想問吓如果我想分享自己好開心咁可以post Facebook?
咁點解其他人放佢老公送花或者大家點慶祝呀大家又by，我會覺得人哋冇點解我要為咗唔好令人傷心而唔post出嚟（姑奶或其他恨我嘅人）
唔係叫你要比定唔比。我意思係而家喺你夫家眼中，你老公唔俾家用係因為你，而唔係因為賭錢。 係咪你老公冇解釋清楚所以先有咁誤會？
俾唔俾家用，唔應該由你決定，應該由你老公決定。佢問得你其實佢自己都唔係咁想比。 想用你來合理化自己嘅行為？ 用你做藉口？ 等自己心好過啲？
你介意人目光咪唔好post 相上Facebook。 如你唔介意人哋點睇你咪post. 你想比朋友睇唔俾親戚睇，咪block咗啲親戚。 而家你又想post，想俾人知你開心或者鄧你開心，但係又驚人妒忌你。 睇咗你啲相人哋點諗你控制唔到。
2個讚
呢度啲人講到口乾你都唔明，
你鍾意係邊度分享乜都得，呢個世界乜人都有㗎啦，一樣會有其他人覺得其他嘅post係曬命㗎，但人哋處班手法高明過你。
你個心態唔改，只會萬年loop。
其他人話得你啱，你唔單止曬命，你更大問題係自卑同井底。唔駛問我哋點算（假設你認同），呢種只會隨時間而成長（希望你係呢種），又或者只會老去、不會成長
3個讚
冇錯文字中你都睇得出其實我老公射個波比我，佢自己都唔想比。。 不過循例都問吓我囉，如果真心想被點會問我
俾唔俾錢佢阿媽都唔應該怪我啦，佢唔知我老公問我，不過成日同我講「作為新抱，作為老婆，應該要連結你老公同埋奶奶嘅關係」真係痴痴地好似以前年代咁咩，當初因為你過分你個仔帶我搬走，宜家走咗你先來後悔仲要對人更衰，咁唔抵可憐啦
就係唔明先討論，開始明明地了，但係點解會話我係自卑，因為自己我冇呢種感覺，點樣令人覺得我自卑？
佢哋係惡毒，你以前比佢哋恰到狗咁，但係你而家諗啲嘢都好有惡意。如果係因為對方賭錢而唔俾家用，想對方戒賭係為佢好。拉到去報應身上，就over 左。 聽你講以前冇咁好環境，你有段時間喺佢屋企度住。 係之後環境好咗先搬出嚟。某程度上以前你都受過佢恩惠。
你幾憎佢都好，為咗自己應該要嘗試放低。放過人放過自己。
好仔不如好新抱， 我諗你奶奶想你連結佢同你老公就係咁嘅意思。 呢樣嘢好難做到，如果你做唔到，起碼都避免再製造怨恨。 有啲女人好強勢，理直氣壯，同人斬斷關係都得。 你又唔係，又要因為咁唔開心，就唔好搞到咁僵啦。
2個讚
你細個，曬唔曬都冇乜所謂嘅，不過一定要學識如何釋懷，唔好太在意人哋點攻擊你點對待你，係好難，但要學，對你終生有益
3個讚
某程度上係冇受過因惠，因為我老公俾錢佢之餘佢仲要當我妹仔咁冇煮飯俾我淨係煮俾老公，擺到明做到出樣，要我洗埋姑奶啲底衫褲當時都幾屈辱，生左第一個小朋友同我講，我唔會幫你臭㗎自己生就自己湊但係晚晚半夜返到嚟嘈醒我個女，我同個女最難得有得瞓嘅時候佢又話要見下個孫，仲有好多嘅講唔使我真係都幾憎佢，我而家對佢有惡意係好正常
冇錯我心裏面係好討厭佢但係我冇表現出黎因為真係嘗試放低。
多謝教導
姨姨我已經四十幾，可以比啲人生經驗你
我廿幾歲時都幾風光，搵到錢，著得光鮮，有時講嘢會囂張，太有主見，太直，得罪人多（查實而家都係）又好介意其他人眼光，例如上司同事朋友，變咗唔太開心，好似為社會標準而活，後生女要靚要成功要叻
後來調教咗心態：要低調啲，要識揀朋友，尤其唔要妒忌自己嘅所謂朋友，要對自己好啲，唔好在意外在presentation ，要經營內心平和，安穩，事事問心無愧，其實我仲學緊
唔靚唔緊要，最重要健康。唔叻唔緊要，最重要事事盡力，唔成功唔緊要，要活得開心
1個讚
其實你想喺Facebook post你自己嘅生活冇問題，呢個係你嘅自由，但係你要預咗有啲人會睇唔順眼、有惡意，所以你要做嘅，一係就唔好再post俾嗰啲人睇到，睇一係你就改變自己嘅心態。
你嘅情況我都試過，對方越難受越多說話，其實係等於我嘅策略成功（原因我唔詳盡），激到佢生蝦咁跳，對方唯一可以做嘅就係用語言中傷你，只要你能夠控制自己唔受佢嘅壞話影響，唔開心嘅只會係對方而唔係你。
3個讚
唔知樓主Facebook 點share，亦唔係認同佢嘅奶奶、姑奶。但回覆睇得出樓主唔成熟，成件事大家唔知內情就唔好跟車太貼。
fb 曬係招人妒忌，但如果對方當你屋企人＆朋友，點會咁話你？
我都識人曬，但我當對方係朋友要，戥佢高興，成日like
1個讚
直接block 左佢哋
想cap俾你睇但係諗諗吓太私人，例如「今天煮左四餸一湯」，「平平淡淡又一天」，「兩個小朋友大得好快」 其實只係好簡單嘅日常生活，我奶奶話我煮飯唔使同人講。 點解佢哋唔鍾意，我老公話因為佢家姐嫁得唔好，家姐又唔係賢良淑德嘅家庭主婦只係又係出去打牌。我同佢地好大分別，雖然我依家都變邪惡
但照顧家庭方面我絕對比得上佢哋，可能係咁，我自己覺得。
另外因為限制唔准回覆咁多我喺度回應埋上邊，多謝你教導我，我都明白的，我自己啲真心朋友好替我開心亦好錫我，反而呢啲所謂嘅屋企人因為自己冇同埋佢哋心態問題，咁自然會妒忌變仇恨
無話佢哋啱，亦都唔係話你錯，但你奶奶有樣嘢講得啱，唔使乜都同人講，尤其是網上3唔識7嘅人。你只係需要分享俾真心戥你開心嘅人、朋友，你post 都係想要like 係另一種圍爐取暖，一係就ignore 佢哋一係限制佢哋，已經係解決方法，但你不停提出例子嚟擴大佢嘅哋妒忌 心，解決唔到問題。
3個讚
因為你離間左你老公同你奶奶，搞到你老公左右做人難
只可以講，你唔係聰明既女人，贏唔到其他人對你既尊重
面係人地俾，架係自己丟
嫁左個老公同生左仔唔等於女人既成就，你可以一夜之間無哂所有野，勸你好好計劃定將來
6個讚
我都唔明點解樓主仲要繼續舉例, 或者佢真心覺得網民三九唔識七, 所以可以掏心掏肺講得咁detail
2個讚
樓主係咪係fb 啲奶奶group post過？
件事好熟口熟面.
facebook有個功能
你將嗰啲人放哂入一條list度
出post直接hide from嗰條list就得
何必自尋煩惱
4個讚