既然無咩來往，點解你會聽到佢地閒言閒語？fb? 朋友？ 將你聽到嘅渠道block咗佢。只要你聽唔到，問題就解決咗。
有共同朋友，同埋個奶奶忽忽地成日驚死我唔知佢地唔中意我，會whatapp 我講好多次比我知，目的要傷害我，我扮唔明佢講咩。扮傻都係好方法，佢就一句話我：「乜你咁柒蠢架」
佢好Q賤架，口賤，心地唔好
明白，辛苦曬…
我有個親友會成日講我討厭嘅人近況我知，我開心見誠同佢講，我真喺好唔開心，請你唔好提呢啲事。佢喺真係關心我，就真喺無再講。你都可以試下同共同朋友講。
奶奶whatsapp ，如果老公批准，block咗佢。我都試過block至親whatsapp，但留返個家庭群組無block，有緊要事就大谷講。
後來關係再惡化，我連大谷都退埋，真喺有緊要事就打電話。
5個讚
我想直接封鎖，有時怕自己衝動，
兩三年前試過封曬佢地，佢地嬲翻我轉頭，後尾正常翻就add翻，今次要諗清楚
由佢地嬲羅？有咩問題？佢地本來都嬲你架啦
5個讚
我諗野好詳盡，假如封曬反曬面 ，
到有白事，我應該去嗎？見面咪會好尷尬
1個讚
我都諗咗白事。
有一個講明白事先會去，block whatsapp姐，去白事無問題架。
有一個我真喺完全唔來往，個個我同老公講咗，白事都唔會去，藉口都諗埋。
3個讚
我唔會block佢哋，會ignore 佢哋，唔見佢哋，亦唔比佢睇我啲嘢，費事有唔開心嘅話喺朋友口中傳返嚟
Block 佢哋Facebook啦，太多人依賴Facebook搞是非，係時候block. 或者你自己都唔好貼太多嘢上去。
Facebook我而家都只係用嚟睇新聞。
1個讚
你老公點睇佢老母同d家姐先？
99 ，姑奶兩個變態，你老公未學壞，好好珍惜
1個讚
對於你又討厭佢，佢又討厭你嘅人，唯一應付方法係無視，你不要去知道他的事，也不要讓他知道你的事。
我會出post前限制可以睇嘅人，同whatsapp archive左佢地，咁佢地睇唔到fb，我又睇唔到whatsapp，維持表面和諧。
對呢d人，唔俾反應就係最好反應。
最重要keep住自己頭家，老公錫自己。
其他無謂嘅嘢就無謂煩老公，(少d嘢俾佢地睇就少d嘢講，自己幸福自己知，同真朋友share就算)等老公專注事業同埋你倆頭家。
1個讚
樓主諗太多，唔block ，自己唔開心，block 左，又驚人地嬲變相令你唔開心，反正都唔開心，咁不如照block啦
4個讚
我都發覺social media 是非特別多，我而家都費是出post, 真係熟嘅私下send相、分享就夠
1個讚
最重要你老公企你個邊！
下次佢哋又留啲酸留言，你咪回佢「唔好唔抵得啦
」
最緊要個emoji ，「講下笑啫」
你控制唔到人哋點對你，但絕對控制到自己點樣做。 如果連block 人都驚人哋點諗，你注定一世俾人控制。 你夫家衰到佢哋少少面都唔俾你，就係因為佢地ill treat 你，你仲不斷原諒佢哋， 變相助長左佢哋越來越大膽。
樓主你真係要諗清楚一件事，你嘅生命好寶貴，唔值得將心思放喺佢哋身上。 比著係我，唔淨只係block social media，係直頭唔見。以後所有聚會都唔出席。你老公亦應該要體諒你。
其實你老公同姑拉話你嗰啲嘢有冇道理先？你老公一個人搵六萬幾養一家五口，你老公又送花又食花膠海參，佢哋擔心你老公辛苦又好正常。 不過問題係表達個方式好差，唔尊重你。
1個讚
生活經已夠苦，唔好再將自己放入另一個地獄。唔好將男家放上心，
相反佢哋要多謝你，如果唔係你出現，佢哋何來攻擊目標？
男家要講你是非咪由佢哋囉，反正又唔係同佢哋過人世。
facebook、whatsapp當佢哋透明，繼續做你鍾意嘅事。
直接同老公講，無必要都唔會見佢哋。
老公有咩意見?搬得走應該你老公都唔buy佢自己屋企人
其實唔一齊住已經好處理, 佢哋打黎我例牌唔接,揾我十次可能覆一次咁啦, ws 你唔好睇,唔好藍剔,fb comment 唔洗回,問到咪話係咩,睇唔到喎
social media 我會照用,唔洗block佢哋,有心人要八卦就一定有方法揾你D野,無謂為呢D事傷神
睇黎佢哋冇得救,全部欠債同人格咁有問題,好好同老公經營好屋企,你爸爸講得好啱,你要做嘅就係活得比佢哋好
1個讚
可憐之人必有可恨之處
呻完就算，唔好上心
呢度仲有好多正常人