我都想，但日日返工，得返weekend，依家又疫情問題，要吸收夠先至難，不過我生完都有keep 住補鈣
等我都下次body check 都檢查下骨質密度先
我有睇過點度，再問過個店員至買
但我用完覺得怪怪，店員話應該啱，叫我再試試
請問Power pumping，係一邊泵完20分鐘，抖緊嘅時候，我就泵另一邊，定係兩邊都唔泵？
如果我抖完十分鐘再泵，但冇乜奶，應該繼續泵定係停止？
因為自己nipple size 會變，所以如果大左嘅話喇叭都要買過
因為你話痛，所以都有咁嘅可能，你度度尺寸睇吓需唔需要再買過
你個奶泵係咪雙泵？
我係雙泵，我會兩邊一齊泵，兩邊一齊休息。
我冇試過冇乜奶不過我估都係應該繼續泵先至有刺激嘅效果。你或者按摩模式嗰度較長啲，等到佢出奶多同快，你先至轉返吸奶模式。
我嗰部應該係雙泵，但我冇試過雙泵一齊用
使唔使泵之前用手按摩個胸？
可以買handsfree bra 咁就唔駛用手揸住個樽
我懶，泵奶無按摩嗰d，不過睇人講過可以熱毛巾敷下一兩分鐘同按下
雙泵當然一齊用呀，你點解每次只泵一邊咁傻
健康院姑娘和賣泵嘅人無教你？
冇人教過我用呀
因為部機係2手，我只係買咗一個喇叭
喇叭我只係whatsapp 同個賣家溝通
所以我連個喇叭算過大定過細都唔知
我係最近至知部機可以雙泵用
有雙泵梗係用兩邊
會慳好多時間。power pumping 我會泵20分鐘，休息5分鐘再泵10分鐘，然後休息5分鐘泵5分鐘。最好係半夜果轉，會刺激做奶。冇奶都唔緊要，由得佢空泵，當模仿BB唔夠奶繼續食咁。
如果泵到痛可能係個泵唔size 呀，好似樓上咁講餵左一排乳頭可能會脹左就會唔岩用。
我果陣都係跟網上面啲方法度再自己買。如果你想用雙泵可以去度甬次睇下買唔買個新嘅。朋友話奶泵城幾好，去佢舖會幫你試，不過遠啲。（我自己冇去過）
我去過，九唔搭八咁，問咩都唔知
同埋冇乜Service
同Facebook 講嘅好唔同
不過同意一個好嘅雙奶泵同啱size嘅喇叭真係好重要
泵得好泵得清上奶都快啲
琴日我又遲左泵奶又再塞奶
，比呀B埋完身，再即泵20mins，就通返
樓主，你可以加入呢個FB母乳group, 睇資料問問題，裡面啲媽媽好正常，唔係人奶教教徒，唔會攻擊補粉嘅媽媽
謝謝你
之前都有另一位媽媽介紹fb嘅group
不過重點係我已經冇再用面書，亦唔打算開一個新嘅，所以入唔到喇
幸好li度嘅媽媽都好樂意分享經驗，我而家試緊power pump，希望有成效啦
我都會道聽途說
Sor 我明呀 講嘢太直接
因為同你一樣我睇comment 話嗰度好幫到手，山長水遠上到去，明明都已經冇人，但係好似問咩都唔識答同唔想答咁
最後時間關係，我係有買到，然後上網搵資料點樣用部機，咩叫按摩模式咩叫泵奶模式，應該幾多分鐘呀嗰啲，全部都係上網自學
1個讚
我尋日中午試過li個方法，可能我太在意奶量，所以比平時泵到嘅量少咗
放鬚啲，壓力都會影響奶量。果陣我開住電視泵，揀啲岩岩好半個鐘嘅節目，睇完就搞掂。
你有冇定立泵奶時間表？每日幾多點泵/ 幾多個鐘泵一次？每次泵幾多分鐘？
有無餵奶時間表？
每日固定泵奶同埋餵對身體識得適應調節造奶都好好多。同埋對BB識得定時定候吸收都好。
我以前啱啱開始就三個鐘泵一次，以前追奶就泵20Mins rest 10 mins pump 10mins。
power pump 因為我要成個鐘，我就每朝早第一轉pump奶嗰次做。
到太多奶，我就慢慢調節去4/5個鐘一次，每次10-20mins。
Btw 你話啱啱生嗰陣姑娘話你太多奶叫你唔好飲炒米茶，係因為你泵出嚟太多，多過BB要食嘅份量？如果唔係佢應該唔知你多定少。而你又未出現過塞奶嘅情況。所以積極啲飲多啲liquid，上奶湯水嗰啲應該對你而家情況有幫助。因為頭兩三個月係奶量關鍵，之後就慢慢會定落嚟。所以要把握時間。
1個讚
我冇定泵奶時間表，因為平時係呀b有需要就埋身餵
而平時只係半夜3點呀b瞓覺未夠鐘食奶，我就會泵出嚟，每次泵20分鐘咋，其實每日最少應該泵幾多次？
即係呀b埋身食之前泵20mins 抖10mins 再泵10mins？每3個鐘就重複上述步驟？
我個陣冇泵過出嚟呀，我有出現過塞奶情況呀，個胸石頭咁硬，護士只係摸過就叫我唔好飲增奶嘅湯水，但講緊個陣呀b得10日大
我而家都有努力飲多，諗住今日開始飲炒米茶
但如果個奶泵唔啱，係唔係都會塞奶？
咁你每次埋身後泵20mins (唔好埋身前，如果唔係埋身出奶慢左阿b會忟)
最好就有固定時間隔，方便身體keep住調節造奶，奶量先會升
你阿B食奶有冇pattern 每次隔幾耐食？佢喊你先餵？定你每三個鐘定時餵？
喇叭size 唔啱，會架
1個讚
我b冇pattern，有時兩個鐘、有時三個鐘、有時四個鐘
我多數見佢喊或者我個胸好漲，滴奶時餵
我下星期返工喇，得番一個星期時間調節泵奶時間