媽媽補鈣
曬下太陽
其實由古至今都好多人餵母乳
咁你不如今日開始set 個時間表餵佢，三個鐘一次
咁之後你返工你屋企人照顧佢都易d
2個讚
我今日試過每3個鐘餵一次，但佢有時好快就餓，所以未夠3個鐘我又餵咗佢
同埋想問如果每3個鐘餵一次，咁幾時擠奶，餵前個半鐘？？？？
我li幾日覺得親餵奶量少，又就嚟返工，好有壓力
餵完先泵奶
佢多唔多時間係小過三個鐘肚餓？如果係，可能你B輕磅，個胃都會細d，咁你可能要定兩個半鐘餵一次。
通常係指定時間前半小時內叫肚餓，都可以照餵。但如果未夠鐘，你BB又唔係好細個，就可以狠心少少抱下佢分散吓佢注意力由佢喊，到餵奶時間到先餵。
咁佢慢慢就會適應固定時間食奶。戒咗夜奶未？
泵奶嗰度之前都有提過，一定係餵完先泵，如果唔係泵完出奶慢左阿B會食到忟。
你就嚟返工，睇吓點樣分配泵奶餵B。
我B而家兩個月多少少，佢有時掛住瞓，可以3、4個鐘唔食奶，但有時食完唔夠1.5小時又要再食
佢應該未戒到，之前淩晨三點食一次，最近要食兩次
但我最近少咗好多奶，power pump先得90ml，餵完呀b再泵應該泵唔到出嚟
愈近返工愈有壓力
你講得好岩呀 
bB係會乳頭、奶樽混亂
呀b早2日返左黎我身邊，開始左每餐前同佢埋身先，佢大約每邊乳頭吸啜10分鐘倒就吐出，咁我換邊輪流吸啜30分鐘左右就補奶粉。醫院教如果想bb識埋身既話，最好杯仔餵奶，所以我都係用杯餵，但用杯餵太難 
基本上倒多過bb飲落肚…
今日返健康院既時候，bb仲未退到黃，又比醫生話唔夠磅 我當堂喊左出黎 覺得自己又未上奶用杯餵又餵得唔好，bb先會飲唔夠奶…最後返到屋企都係比奶樽餵奶粉，雖然每餐比奶粉前都埋身，但好明顯佢吸啜已經差左，唔給力 而家我同佢埋完身後要自己泵清，又試過自己泵一次… 20min得15ml, 好氣餒呀!!! 好想放棄同佢埋身，但唔埋身又好似唔上奶 
唔好咁擔心先，BB退左黃再追奶都得。我果陣嘅情況同你差唔多，BB獨自留院一個星期。我每日去醫院探佢都先埋身，再用杯餵。埋身30分鐘見其他媽媽餵到飽飽，我果隻完全冇野到肚咁。用杯餵又倒到周圍係。不過好在係醫院衫，唔洗自己洗。返到屋企之後我用返奶樽就算，因為長老幫手湊，無謂要佢哋咁麻煩用杯餵。
BB埋身食唔到就搞到上唔到奶，屋人鼓勵我每次餵之前都俾BB啜下再補奶粉。睇佢食奶粉就知自己好似冇奶俾佢食咁。所以搞掂阿B之後就泵奶，開頭兩邊夾埋都冇30ml, 少到我雪都唔想雪，因為有好多奶係留左係個樽度掛邊，好灰。加埋深夜power pumping係會多奶左，不過媽媽會好辛苦。
每次咁樣餵奶粉之前埋身，過左一排情況係好左好多，明顯見到BB係啜到奶。可能因為泵慣左，奶柱多左，BB大個個咀都有力左，最後慢慢就做到全人奶。
真係好神奇架，俾多少少時間，你會見到BB同自己都有進步。明白你可能每一日都好掛心奶量同埋身情況，最緊要BB健康，奶量可以慢慢追到架。
2個讚
好老實，幫BB增磅重要d
樽餵其實都冇問題
其實好多媽媽都係全泵媽，對上奶冇影響㗎
我自己當時都要幫BB追磅，都係每日埋身只係一次，其他都係樽餵
我嗰陣每兩個鐘定時定候坐翻熱支奶叫醒BB比屋企人樽餵，自己就每三個鐘泵一次，好快就上奶。你keep住定時定候泵就得
係而家BB去返正常生長線，我先至每日四餐埋身兩餐樽餵。
細個嗰陣，佢的確係會因為個奶樽出快啲，對埋身好抗拒
但佢宜家大個咗吸啜能力好咗，就冇咗呢個問題。
睇到你呢個回覆我忍唔住喊左 完全係我而家既情況，吸啜左30Mins好似無奶落過肚咁 好懷疑自己究竟係咪唔比人奶佢仲好
我而家都有照樣比佢奶粉前埋身，但係佢已經無耐性，兩邊加埋肯啜15mins已經好好 
埋身完泵20Mins 泵返幾ml，真係少到雪都唔想雪
好羨慕人地第三四五日就上奶
自己到第九日都係得咁少奶
可以請教下你同bb埋身時間大約幾耐？
我而家有每次奶粉前都埋身，每邊bb只肯啜5-7mins, 我係咪應該全泵就算
有聽我朋友講過，如果你同一餐又埋身又餵樽，bb好醒目會知道埋身係點心，個樽奶先係正餐，佢就唔會點嘥時間喺埋身度
所以我聽完個朋友講，之後同一個時段埋身就埋身，餵樽就樽，但你要預咗開頭狠心d，佢會喺度喊喺度扭枝奶。我嗰陣係放低佢一陣等佢喊完肚餓，我再俾佢埋身，咁佢肚餓就會食。
但你嘅情況，我覺得你真係要全泵，因為你好似唔係好夠奶，但又唔可以靠BB 狂啜去刺激。
你泵多啲上到奶先，同埋你餵奶樽可以餵密d，keep track 住bb食幾多，幫佢追磅。
我嗰陣每兩個鐘餵一次，都係睇住佢飲幾多，飲唔夠嘅話隔半個鐘叫醒佢再飲。因為真係想佢重返，第時唔好咁易病。
我果陣係定時餵，所以會早少少開始俾佢埋身，好似3點應該食就2點30-45分埋身。唔好喊先試埋身，如果唔係出得少奶BB會忟，佢忟你又忟會崩潰。
我而家試緊2個鐘泵一次20mins, 日頭都還好，夜晚較左鬧鐘都起唔到身 
隔左3個鐘先一次。呀仔飲左幾日奶粉退到黃同埋有重磅，健康院醫生應該收貨
2個讚
每兩個鐘泵好辛苦，小心遲d身體適應咗schedule ，之後你一遲咗或者唔記得泵會塞奶
追到奶之後可以拉返長個時間，BB肯埋身會順利啲
唉
我奶量真係兩個星期內急跌
已經密密埋身，但都未見成效
雖然十萬個不情願，但返工我打算母乳+奶粉，我真係怕泵得好少，呀b唔夠食
其實密密埋身如果阿B真係keep住大力吸啜同大力呑，係真係會刺激到，因為真係食量大而身體知道唔夠奶。
但你都要留意BB係咪食下妹下咁歎奶，咁其實佢唔係食咁多，泵奶做刺激可能仲有用。
我已經密密埋身，但佢真係嘆奶，不過奶量都有多番少少，但佢食完兩個鐘到就餓
我有試power pump同定時泵奶，但愈泵愈少，可能因為睇到奶量，愈睇愈擔心
其實唔緊要， BB個胃細，食密啲都好正常
之後試吓可唔可以兩個半鐘餵一次
再大d適應咗之後就三個鐘
你而家幾耐泵一次？如果完全唔埋身泵，泵完可唔可以切到一支奶出嚟？
你BB平時如果食奶樽食幾多ml?比起埋身食得快唔快同肯唔肯食？
如果佢食奶樽食得好啲，不如你試吓泵出嚟餵佢，利用泵奶增加奶量