今胎第二胎
第一胎果時都有餵母乳唔太順利
想請教下各位母乳媽媽產前產後會唔會食supplements 呢？
另外，產後未上奶既時候係咪都要定時定候泵奶呢？即係走佬袋要執埋奶泵？
我都知埋身一定係最好上奶，但我大仔一出世果時掛住訓，唔肯埋身，所以想問定可以點做 
响公院生，生完果幾日，姑娘會教用手擠奶，如果奶量多會有間房可以入去泵奶
1個讚
我係醫院時都冇人提我要泵下奶，而BB又去左兒科，成幾日都冇掂過個胸。係出左院返到屋企先見到原來有少少奶同埋自己都已經因為谷奶有少少燒。
係醫院時你可以定時俾BB啜下。如果BB冇醒，你覺得谷住痛時，用手自己唧啲奶出來就得，岩岩上奶都未會多到要用泵掛我諗。同埋係醫院應該好難洗同消毒啲配件。你可以問姑娘俾樽仔儲奶，對住個杯用手唧啲奶出來就得，同埋用手會唧得清過用泵。
1個讚
我第一胎，都算係想上奶上得快
第二/三星期泵緊每三個鐘90mL
而家兩個半月 280 mL
因為我血色素低，產前食鐵片
生完之後狂飲炒米茶，每日差唔多4.5L - 6L
同埋一定要食多d飯，同埋健康少鹽蒸餸
初生BB埋身嗰陣一定係瞓，要不停咁捽佢耳仔，面，凍水抹面整醒佢食
又或者Fing 下佢隻手，唔可以俾佢停
同埋要聽住佢食嘅聲音， Make sure佢唔係扮食
我冇食卵磷脂嗰啲，我唔想溝稀我啲奶溝稀啲營養
所以我仔全人奶都重得好快
另外記住睇塞奶應該要點做嘅video
YouTube Search多啲Sunny老師嘅片
加油啊
原來食卵磷脂會溝稀營養，之前唔知添
如果開頭未上奶，咁快就泵佢，好似唔太好咁，不如得閒就俾bb啜下，又或者用手按摩下仲好
最後bb 未足月出世
同大仔一樣⋯ 掛住訓 
埋身放到入去點整都唔醒，淨係含住唔吸啜
第三日先見有少少奶，手擠每2.5hr先得1ml 
窮媽媽 
我生第一胎都唔成功，未試過成功埋身，一直靠泵，第二胎bb都掛住訓，但我就勤力d每2個鐘就抱佢起身啜，咁就反而成功，餵左2個星期左右就冇掛住訓識自動喊起身飲奶，除左返工都係埋身，仲全人奶好成功
好勵志呀 
不過我bb唔喺我身邊… 只有每日一次去探佢果時先可以埋身…我都想佢可以快d返黎我身邊
我第二胎bb唔係我身邊，
姑娘教我用手擠奶，
二個鐘頭擠一次，
結果上奶上得好快。
第四第五天已經開始可以用泵拉。
我覺得就算唔食都要預備定，佢救左我好多次塞奶
塞塞地時就食番2日好快通番。
我都手殘地每2.5hr 擠一次
但係好似唔上奶咁，都係得好少
羨慕你可以咁快用泵
我第一胎都有旁身，可能因為我本身都唔夠奶未試過塞奶
你已經好勁，我一次只可以擠到1ml多啲啲。
多啲休息，唔好比禁大壓力自己。
依家我每次泵都只可以泵最多2安士。
都有補奶粉。 
按摩，按摩，按摩
就算唔擠奶，都要每個鐘按摩乳房
按鬆左乳腺，一上奶就會好順暢
飲多啲水，俾啲信心，相信自己一定做得到
如果覺得氣餒，就俾自己休息下
餵人奶，心態好緊要
2個讚
我媽話我d母乳好稀，不停叫我飲奶粉
其實飲奶粉係唔係真係令d奶傑d？
母乳稀係唔係就代表冇乜營養？
啲奶稀其實冇乜問題架，做奶時間，前奶後奶，餵得密唔密都會有影響。飲夠水又會稀啲，但係咁又冇理由飲少啲水架。
想傑啲可以食飯同飲奶嘅，好似食肥膩野啲奶都係有厚啲油，但係都要睇住自己in take，比平常食多500kcal夠架啦。
我諗同營養冇乜關係，你食嘅野有營養就自然會去到啲奶度，應該會比奶粉好先啦。多啲油脂BB會飽啲濟啲，但係佢餓其實你咪再餵囉，最緊要夠食架姐。
我聽過啲長輩又係俾奶奶話啲奶水稀，嬲到落左匙奶粉落啲人奶度，問奶奶夠傑未佢嬲到個仔讀大學都仲記住。
第一胎唔太識，b學左一個月先識埋身，飲到3.5歲，返工有泵，放工埋身，算好順利。
第二胎岀世即刻餵，b係自己身邊就2小時埋身一次，咬損就用手擠，係醫院第三日已用泵60至80,回家全埋身，2,3小時一次，有剩就擠或泵岀儲。
只要岀世盡快正確埋身或手擠，不用等上奶，人人都有的，爭在多啲少啲，擠或吮通左就會有花灑岀奶，唔好等姑娘提，自己2小時擠或餵一次就得
我就係聽人講食飯同肉會有多啲營養，我已經盡量午餐晚餐都食多一碗飯，又食多咗肉，不過d奶好似都比較稀
其實我都唔知我b係唔係真係飽
佢有時食差不多成個鐘好耐，有時食幾分鐘就唔食，同埋佢唔算食得好密，而家兩個月多啲，一日食6-7次奶
你係埋身定泵？
前奶多水份比較稀，後奶會多脂肪比較傑身
如果係埋身，身體會自行幫你調節，一定會啱bb飲
人奶的營養程度唔係用稀傑來分的
如果你餵完bb係夠食的，就唔使補粉啦（有一種餓叫「婆婆覺得餓」
）
不過每個bb食量唔同，每個媽咪的上奶程度亦唔同
如果bb真係比較大食，補粉都係需要的（或者媽媽要辛苦少少追奶，視乎你睇法）
最緊要一個心態，餵母乳係開心的，唔好為左餵母乳令自己唔開心