咁其實一般西醫都好少叫人戒口嘅，叫你唔好食生凍嘢都應該係一般醫生會俾嘅建議
唔食得麻油雞係唔係因為會行氣活血個類d太補咋？
唔食得麻油雞又唔等於唔食得麻油啵
我聽人講食燊寄生蛋茶，安胎……不過都要適量
係呀，話麻油活血，係生完後先食
攪到我麻油，白芝麻，黑芝麻都唔敢食
但又話有左要食芝麻湖
攪到我都唔知食唔食好
哪喉咁恐怖？可唔可以帶啲野食去送口架？即係飲苦茶果啲梅咁
你係政府定私家產檢？
我私家啲糖水一啲都唔難飲，本身我朋友仲教我帶檸檬去，我診所啲姑娘唔俾，話會影響result，同埋佢哋安慰我佢地呢一隻已經比政府唔難飲
我聽我朋友講去政府產檢啲人都帶檸檬榨汁滴落去會易入口啲。我無fact check。
不過其實你唔需要咁早驚定呢啲嘢先，如果唔係大把嘢煩
放鬆啲
我果陣自己帶左支飲管，慢慢啜，啲人話等啲糖水唔好掂到脷尖啲甜味蕾，唔知真定假，但我平時飲野都係用飲管快過淨咁飲嘅
1個讚
芝麻糊，我係後期d先食
我好似過咗34週之後，中醫話一星期可以食一次
當然每個人嘅體質唔同啦
其實只係頭兩啖比較哪喉，同埋係個人感覺，可能你到時唔覺呢
應該唔可以帶嘢去送口，但有啲人會靜雞雞溝少少水
我就咩都冇溝，用3分鐘飲完
其實放窿鬆，唔好而家就令自己咁緊張啦
飲糖水唔係想像中咁難飲，我接受到，無咩特別。
我由有左到生每朝必食一隻烚蛋加鮮奶，其餘無特別介口，汽水，薯片，煎炸野一樣有食，只係唔係餐餐食，魚生就只食三文魚。煲多啲湯水飲，其餘正常飲食。
1個讚
魚生唔可以食啦
3個讚
三文魚最多蟲喎
1個讚
嘩……魚生、沙律個d真係唔敢食
咁你飲管飲有冇覺得好難飲？
淨係覺得好甜囉，未至於難飲，但一次過飲咁大杯有一兩下反胃想嘔，咁就慢慢再飲，我好似用盡晒佢規定個時間先飲完
離題問下
護膚品同化妝品邊d 唔可以繼續用？
我都係呀~
凍野都照飲, 只係一定要走冰, 同埋唔係日日飲
辣野都有時食下
五個月之後除左魚生、蟹、軟雪糕、唔係全熟既雞蛋同埋唔係全熟既肉
其他咩都照食 
我本身少少高血壓…都驚會中妊娠糖尿
醫生都叫我盡量食清少少
但平時都係外賣為主…都諗緊可以點清d
如果兩餸飯食少啲飯嗰啲係咪都可以當清？
好苦惱
兩餸飯可以食多啲菜炒肉嘅配搭，清嘅可以要蒸水蛋/肉餅或者直頭叫一份蒜蓉炒菜。
主要係唔好食咁多澱粉同甜嘢
食飯食一半
走汁走甜飲
餐餐加碟油菜全走
都好好多㗎喇
成份有薰衣草精油，維他命A同果酸唔用得
當時我每隻護膚品都會 Facebook messenger 問返個品牌大肚可唔可以用。
化妝品我就照用
1個讚