孕初我都成日飲… 
因為我唔飲得牛奶
不過真係可能人人唔同
除左生野無事外 乜都食
凍飲就照飲
我覺得我乜都食反而可能BB無咁易濕疹
陀果時我仲成日食譚仔五小辣
懷孕其實好多嘢可以食，只係唔好食生冷未熟嘢，因為怕有沙門氏菌同李斯特菌，健康嘅大人中咗可能冇嘢，但個胎會受唔到；唔好飲濃茶同咖啡，因為有咖啡因。軟芝士怕有李斯特菌，但硬芝士同有巴士德消毒嘅芝士都ok.
另外因為媽媽食乜BB就跟住食，所以你可以由媽媽角度諗，邊啲嘢你唔想個小朋友食，咁你自己都唔食，咁就ok架喇
1個讚
我係寒底，但中醫開安胎藥都有開羅漢果；我唔飲牛奶，所以成個孕期都係豆奶、植物奶同芝士。我有同事韓國太太懷孕時飲海帶湯（呢啲比老人家知道又係必死必鬧），所以真係人人唔同，未必涼性嘅嘢就一定唔食得。
當然如果信中醫果套，最好都係去睇下中醫先，問清楚。