可以分享一下你地一日三餐會食啲咩？
上網爬文好似平時食開嘅樣樣都唔食得
除左生嘅野，冷嘅野，軟芝士，沙律醬，蛋王醬，麻油，懷孕仲有咩唔食得？
就黎新年，可以食蘿蔔糕，飲汽水嗎？
早餐：烚蛋（如果食得落），半杯奶或豆漿
我頭廿幾週有參考下面個網站https://youandb.anmum.com.hk/?utm_source=mms&utm_medium=mms&utm_campaign=crm_m5_mms
不過去到中後期都冇點戒口，有時都會飲汽水
早餐：雞蛋夾麵包，奇異果一個。
有時加一杯豆漿。
午餐：食舊飯餸。
晚餐：煎三文魚，雞翼，菜。
一碗飯。
汽水可以飲，唔好多。
壽司，雪糕果啲就唔好食。
除咗唔熟嘅嘢，即係你講果堆，同埋咖啡因、高糖份嘅嘢，其他我咩都有食
4個讚
豆漿，汽水幾多週後可以飲？係咪要室溫先飲得？
我除咗生嘢唔食，其他乜都食。
凍嘢都飲，但盡量唔揀有冰嘅支裝紙包裝。
辣嘢我都有食
2個讚
上網睇麻油唔食得，但我發現好多超市冰櫃入面好多食物，例如丁丁點心，雲吞，水餃，印度薄餅等… 都有麻油成份，你地係點選擇？
另外，麻油唔食得，咁芝麻食唔食得？我見有人話後期要食黑芝麻粉，咁即係點？
請問係咪初期都得？
我覺得戒生嘢同咖啡因好啲，其他間中食少量無壓力嘅。
唔食：生嘢、咖啡因（茶、啡、汽水）
少食：凍嘢（特別係餐廳落冰嘅野飲唔衛生）、雪糕、蝦蟹貝殼海鮮
1個讚
豆漿你唔好制呀，好涼架⋯我果時大住肚過左3個月飲左包唔凍維他奶⋯隔日即刻見紅呀，即去睇私家⋯初頭以為穿水⋯照哂嘢又話無事。醫生開左一星期病假紙要bed rest呀
除咗生嘢、雪糕、soft cheese、大閘蟹，基本上乜都食
辣嘢照食，咖啡奶茶飲半杯就停
冷盤同沙律就好信得過間餐廳或者自己整先食
麻油無聽過唔食得
我成日食
不過人人體質唔同，如果驚咪食一兩啖，無乜唔舒服咪當ok下次照食
利申陀緊第二胎，佛系媽
3個讚
我初期有食有飲呀，但我諗每個人體質唔同，我飲西洋菜湯，飲維他奶呀豆漿呀食白蘿蔔都完全無事，但我諗有d 媽媽係偏寒嘅嘢食唔食得
人人體質唔同，其他人經驗參考下好了，初時食每樣野都要淺嚐，覺得冇問題先再繼續食，但生野酒精咖啡就唔好試了！
除左生冷野同啡啡因嘅野其他都可以適量地食。孕婦心理健康都好重要，你唔係成枝芝麻油咁飲掛 
間唔中食下唔會有事
但如果你好似我之前咁有妊娠糖尿，但真係要得得小心dd
咁驚？
沙律醬真係食得？麵包舖賣有沙律醬嘅野我都唔敢買黎食呀？如果食得就可以多啲選擇喇
妊娠糖尿有冇多啲資料可以分享？
我都好驚會有，係咪去飲糖水前嗰排食清啲都過到？
糖水係咪勁難飲？好大杯嗎？中左會點？
嗯⋯⋯每個人體質唔同，我問咗中醫話食得，我先食
後期陀穩咗，就咩都食d
後期係大約幾週？