以我理解，用 pasteurised egg 整嘅沙律醬就可以啊，咁市面上買到嘅基本上都係用 pasteurised egg 造嘅….
麵包舖有沙律醬嘅麵包我就未必會買嚟食，如果真係好鍾意食沙律醬，自己買支靚嘢加落去個包度，仲可以控制分量。醬汁食太多都係唔健康，唔關懷唔懷孕事
1個讚
明白
麻油我又無聽過話唔食得，懷孕初期我就少食涼嘅嘢，同埋有藥材嘅我都會睇下衝唔衝血先飲。你想飲汽水就不如擔心糖尿個d，大肚糖尿好煩
唔肯定嘅嘢食就食少d份量，當然魚生個d就唔好諗。
個個人體質唔同啵
我頭十週流啡瞓床，食唔到嘢，有keep住睇中醫
係第14、15週叫有d胃口，之後中、西醫都話可以飲豆漿，但要室溫唔凍，同埋最多半杯，因為我本身胃唔好，飲唔到奶，沙律個d我就唔敢食喇，就算只係沙律菜都唔敢食，冇煮過怕有菌
但我個西醫由我有咗，就千叮萬囑我唔可以食茄子、木瓜、苦瓜同薑醋豬腳薑個d
我果陣7-8個月係夏天，真係頂唔順有飲少少凍野，但一定唔可以有冰，所以只係罐裝同盒裝，攤返熱啲，每次飲1/3，留2/3比老公
我第一胎都試過，
Bb會大得好快。
依家第二胎有左經驗，
買嘢飲會睇吓糖份幾多，
10以下飲品先買。
唔食雪糕，朱古力果啲。
第一胎飲過空肚飲，
飲完好想嘔。
29週後
我未聽過麻油唔食得喎
豆漿我成個孕期經常飲，不過人人體質都唔同。
1個讚
我陀2胎都唔知麻油要戒添
我都未聽過麻油唔食得，個陣煮菠菜仲特登落麻油，增加鐵同鈣嘅吸收
每日食一隻烚蛋，對BB有益。聽聞大肚易便秘，我就冇唔知同我成日食蕃薯有冇關。
一般係孕中期先要去飲糖水測嘅，但我好早期去抽血已經有少少高，所以就14周左右就要飲糖水。我間診所就飲一杯m記可樂嘅size,我印象飲得好辛苦，因為要限時飲哂同埋杯野好甜，會想嘔但千其唔好嘔，嘔左要再黎過。
最後我就係高左少少嘅，咁就要keep住日日篤手指check血糖同控制飲食。基本上控制飲食都冇咩難度，主要係唔好食升糖指數高嘅野，食飽最好行下當做運動。成個孕期我都keep到嘅，係去到37-38周，諗住都就生啦又想清胎毒就放肆左幾日狂食西瓜同綠豆沙，果次產檢醫生就話bb有d肥 
咁我就又節制番
雖然有妊娠糖尿好慘，但因為成個孕期都控制住飲食，所以基本上我係肥b唔肥媽，生完都冇咩走樣（呢個算唔算係唯一欣慰 ）
好似大概30週咁上下飲嘅，要空肚飲，頭一、兩啖難飲d，真係甜到”哪”喉，冇記錯要10分鐘內飲晒，所以唔使飲得太急，飲完要等唔記得一/兩個鐘就抽血，冇嘢就走得
你擔心有糖尿的話，平時食少啲飯、粥、蕃薯，食多啲菜肉，唔好食咁多甜嘢
芝麻係寶,我陀兩胎都成日食
有好多營養同鈣質
我自己就信西醫多啲,基本上只要唔食有機會出事嘅嘢,例如生冷嘢就OK,係驚有菌啫仲有酒精,咖啡因要戒
當然有啲中醫話滑胎嘅嘢就冇食
中醫話薏米,茄子,木瓜要避
仲有乳鴿,動物內臟,韮菜呢啲會收奶就生前唔好食啦
4個讚
你個西醫都叫做比左啲意見你，我西醫係話除左生冷野，其他咩都食得，唔洗介口…
Bb大得好快係因為食甜野？
因為上網睇到話唔食得麻油雞，話麻油唔食得
我果時聽屋企人講一日食四餐。
第一胎唔識驚bb營養不良不停咁食。
我覺得食甜野都有關係。
多謝你咁詳細分享，我過多兩個月就要去飲，所以都有啲驚，醫生話係好難飲