你又啱，同佢講中文但識英文答，即係佢聽得明中文，同我對上一個留言所講，懷疑佢扮唔識
好多ASSESSMENT都係小朋友自己做
例如我接觸好多ASD小朋友都係英文好過中文好多
口音同父母都唔同
所以一定唔係父母"谷佢英文"
你可能話咁類似情況喺其他國家咪又係講番母語
始終香港係雙語城市
冇可能接觸唔到英文
而某D小朋友吸收英文係好好多倍
就會變成樓主小朋友的情況
個個小朋友情況都唔同
有時留言語氣好似教訓咁
其實可以問多D先JUDGE
4個讚
雖然我唔知樓主小朋友係咪SEN
但我見過好多case都係咁架
中文係嚴重speech delay
英文好過中文問題不大、但如果係中文環境大但唔識中文、又冇錢讀國際就辛苦了、而家中文課程好深下、唔通去讀嘉道理咩。一般小孩2歲幾先返學、3-4 歲已經知佢語言天份或有冇delay. 我認識有天份的中日mix , 返國際幼稚園, 用中日英溝通都冇問題。但有speech delay 的、就最好早點focus on one language , 如返學中文,返屋企同工人英文,又中又英之下小孩2個language 都會delay.
2個讚
其實樓主都講咗用咗好多方法
佢同小朋友溝通都係講中文
你可以想像吓
例如如果小朋友係讀寫障礙
點同佢睇同認佢都係好難學得到
好多人都可以話：
而家中文課程好深下、唔通年年零分咩
你做乜唔同佢早D操吓
樓主講的，正正係佢面對好多唔明白的人話佢做得唔夠呢樣嗰樣
但有時小朋友係唔同學習方式同能力
有苦自己知
上黎呻吓我覺得可以俾少少時間去了解先
3個讚
咪理佢哋，自己只係點咪得
其實樓主已經好叻，好積極地幫個仔搵出路
試諗下如果發生係自己個年代，呀媽頂曬龍隊你入3線資助英文學校讀書就算，點會同你逐間試咁煩，最好間學校係屋企樓下tim，否則實有說話聽。
退一步諗，係香港呢d咁重2文3語既地方先有語言煩惱。如果接受到小朋友只叻1種Lang, 當鬼仔咁養，咁以上既問題都唔係問題啦
2個讚
所以我之後都有問佢及家人係咪都係用中定英。佢話返學就中、工人姐姐就英。佢唔係做唔夠呢樣嗰樣喎、而係方向錯左、方向及方式唔啱,事倍功都唔知有冇一半。語言唔得而又中又英,辛苦左小孩, 而家轉去外國做單一言語學習就tune返啱後佢自己都舒服。
個世界不能圍住小孩轉、自己轉去合適的國家生活。
2個讚
所以樓主去外國已經解決左個問題，我都想幫我小朋友轉英文小學嫁，唔收佢，又無錢讀國際學校，唯有迫佢學中文，只係唔可以咁高要求，捱到走到
有幾間英小都有收生、入面多外籍學生、如寶覺、catholic mission church 、李少欽、你可看看
長遠都係考慮離港，否則一個dse你中文fail咩書都無得讀，好現實。
1個讚
正確。但如果長遠都係考慮離港而又比較適合用英文學習、咁小學更加要考慮這些學校、起碼不用科科用中文學習。及例如catholic mission church 佢中文都將小孩分開level 因材施教、對大人細路都好
其實樓主都講咗，街邊嘅3姑6婆就話唔知啫，唔明點解仍然咁多人用自己嘅個人意見套喺人哋身上。樓主好勇敢，仲可以分享自己同小朋友嘅經歷。
想問下小朋友依家發展點樣？
我小朋友母語係廣東話，之前另一laguage 有delay，
佢嘅老師、nurse(跟進佢最基本嘅身心發展）都話唔使擔心，繼續develop 佢嘅first language ，一路大佢個腦自然識得translate。
2個讚
我諗主要因為初頭唔知樓主已經移左民，而係香港，唔識中文真係好麻煩，所以覺得點都要學中文，但樓主選擇移民，已經解決晒所有問題。
樓主嘅問題，我一樣面對緊，只係我走唔到，唯有迫自己小朋友學，係辛苦，但無計，正如移民去一個非英語國家，一樣要學當地語言，幾慢幾難都好，都要學識融入。
我小朋友個程度都係好誇張，背晒全課課文去應付考試，都認唔到啲字，以前同學同班幾年都叫唔出名，所以係明白樓主有幾辛苦，但同時明白要係香港讀書生活識中文有幾重要。
4個讚
但樓主唔係無嘗試過教小朋友中文喎，仲要問埋專業意見，如果真係先天問題，你點迫佢都無用，唔係用正常方法去教。
係麻煩，好多人有先天缺陷都好麻煩㗎，你點迫個盲人去睇報紙？就算喺香港唔離開，都要搵到一個佢喺到生存到嘅模式，而唔係一味push 佢做一d 佢做唔到嘅事。
Sorry呢段後加，我亦唔係質疑緊你個教育模式，我好明白香港嘅恐怖教育，只能講句加油！
2個讚
舊年有朋友個仔中文2咗，三大都收佢。前題係除咗中文外，其他科要標青。
2算合格。（我幾驚3大淪落到中英文唔合格都收所以fc 左
）
好多留言無法逐個覆，寫一些對其他人比較有幫助既。
如果小朋友因為讀國際學校大，而唔識中文，就不是我這個情況。這些朋友可以用返一般學中文既方法，例如睇《基礎漢字100》《我自己會讀》系列就搞掂。
我小朋友睇既時候都係有進步既，個時讀書既數量甚至去到全幼稚園頭十名。
不過留意如果重覆讀，佢會背左本書既內容，而唔係記得個字。所以要用字卡打亂再讀。我小朋友去到某一個程度就上唔到去。對佢黎講，又要認字，又要學書面語太難。
2個讚
你呢個例子係真係改變唔到，但樓主個case 係可以學到，只係好難好慢，同埋如樓主之後所講，佢小朋友係去到某個位上唔到，我仔一樣，所以我俾我仔要求係合格就算。
3個讚
我仔一樣，所以我而家同佢睇閱讀理解，講緊一日睇二篇，每篇百幾字，完全唔重覆，過程好辛苦，我仔都日日喊，我都只希望佢日日有少少進步，所以我明白樓主點解想呻，不過往好處諗，恭喜樓主你脫離苦海，希望我都早日脫離到
同埋想補充下，對於呢類小朋友，真係咩方法都唔會特別見效，只可以有無比耐心同堅持，日復日去做
4個讚