聽大家意見，補充一下：
我小朋友因為先天性問題，即使本地學校長大，但都學唔好中文。轉過好多醫生/機構/學校都搞唔掂，但成日俾人誤會我係特登教英文。
私隱關係唔係太想公開講幾年黎既求醫經歷。但如果有人都有小朋友係咁，可以PM我。雖然我小朋友最後要放棄讀中文，但在治療過程中見到其他小朋友有改善。
平日我會遇到既情境：
友：你仔中文咁差既？唔好掛著學英文啦，中文好緊要
我：我無教過佢英文呀… 我9成時間教佢中文
友：英文唔洗教架，佢地會識，帶佢地返中文教會啦
我：都話佢地唔識中文羅… 聽都聽唔明點返中文教會呀？
友：你地d家長唔好剩係掛著教小朋友英文啦～
我：…
我：小朋友中文唔好，可能會轉國際學校
老師：我地唔會因為佢要轉國際學校，所以額外安排課程架！
我：？？？（通知聲學校都唔得？！）
我：可否不用廣東話？我想安排小朋友用英文診症
醫生：我地唔係英文補習班，想學英文去第二度！
我：我小朋友母語係英文…
醫生：英文唔係咁樣學架！
最後激烈爭持半小時，最後找到醫療證明小朋友英文係母語，對方先終於肯信。
我都擔心，我小朋友15個月，我地中英都有教，佢聽方面中英都得，但講就英文多
香港西醫都係讀英文嘅，應該無需要特別安排英文診症。
某些病需要問好多問題，醫生堅持用廣東話問，我小朋友會聽唔明答唔到，然後試過誤診
睇醫生有父母在場、父母translate 米得囉。唔係父母英文唔得呀？或直接去中環睇鬼佬醫生啦、個世界不是圍著個小孩轉的。
另外、返到本地學校但又返不到中文敎會？小孩既語言係浸出來、你比咩語言環境佢成長、佢就懂什麼
我仔都係，英文無教佢，甚至全家無就佢，迫佢講中文，佢都係英文好似native 咁，中文文盲，但之後上左小學，學校超多閱讀，一日睇半個鐘以上，日日做，佢中文真係好左好多，初頭係喊住唔肯讀，而家自己都睇到一半以上。
中文係好難學，又係要浸出黎。
同埋我見你舉啲例子，你其實都幫你仔搵左籍口，其實就係佢中文唔好先要去中文語境，真係聽得多講得多自然有進步，最多開頭幫佢翻譯
呢個我唔認同喎 如果你去外國學語言
人哋都係直接用當地語言嚟教
開頭會難明啲 但好快就學到
脷伸 我幾年前先學完新語言
小朋友如果中英都一齊學一定係英文易啲吸收
始終發音同文法都易過中文
如果你係想佢學好中文就唔好再剝奪佢嘅中文語境喇
個個病唔可以有父母在場翻譯，要小朋友獨立答問題。
個病既問卷可以選語言作答，只係個醫生唔俾我選。
中環醫生問過，無期。
我特登俾佢返本地學校，好努力谷佢中文，但真係學唔到中文。上堂大半聽唔明，講唔到任何小朋友既名。做埋評估。先天性原因。
返過中文教會，但聽唔明，小朋友返到喊。
你既評語，正正就係我日常遇既誤會。
呢個就係我平日遇到既評語。寫出黎想同大家講，唔好再誤會我地，希望可以幫到其他人。
我小朋友係中文學校和中文教會大，但一直聽唔明一半中文。我好努力用左好多心機去教，睇左好多醫生去，找左好多專家教佢中文。
結果佢唔單止學唔到中文，仲連所有用中文教既科目都全部唔識。甚至因為用太多時間學中文，連英文都衰埋。又因為所有小朋友講中文，佢一個小朋友既名都講唔出。
最後，我已經放棄左要佢學中文，唔想再迫佢，帶左佢去外國。而家佢英文默書由一半分變做滿分，返學終於識到朋友，返學日日都學到好多野。
咁屋企日常語言是中定英？你及老公時都係同佢全英對答？
可唔可以講係咩原因？
我仔中文都係學得好慢好慢，但上左小學，我見因為老師用玩遊戲方法，佢學得好左
記得要轉國際學校時，因為成績太差，要找中介幫手。
中介一聽小朋友讀開本地學校，父母又係讀本地學校，就話無可能，唔做我地生意。我地求左好耐，對方終於肯見我小朋友。
一見，中介就問：點解小朋友英文好成咁？讀國際學校無問題。
一轉校，其實只是一間成績一般無人識既國際學校，但小朋友成績有起色，人又開心左，開始講到朋友名。
如果早知係咁，應該一早就放棄中文，佢就唔洗咁慘。當然呢d無早知
我小朋友已經見過不少中文專家，全香港最勁既機構我都見過，中文遊戲已經玩過好多，所以算吧
全中文。我講中文，佢答英文。
不過有菲傭，佢對菲傭就講英文。
對弟弟講英文。
既然去左外國、有居留權咁問題不大了。否則在香港生活而不是外資高層、選擇就少好多了。
大把esf小孩中文半桶水、不過佢地有自己英文生活圈子、上英文church 、睇English speaking 醫生、interest class 也是英語、又有外國passport 問題不大。如果父母圈子是中文人多、去的地方也是Chinese speaking , 當然會遇到不少奇異眼光
發現問題既時候，未有居留權。當時已經諗緊，好否送佢去外國讀書，但諗唔掂。好彩最後有bno path
我之前有個朋友個仔都係由細到大講英文，但佢呀爸呀媽都係低學歷嘅人，唔識講英文，亦冇工人姐姐
佢有試陪個仔睇多啦a夢，個仔完全睇唔明唔識笑，上到小學學唔到中文
我覺得有d人唔太理解人哋個家庭背景，就話個小朋友講英文都係父母教嘅，其實都幾唔公平
完全一樣
試過好多圖書，每星期出入圖書館，逐本試
不過介唔介意醫生話你仔仔係咩病，只係識英文
我睇吓要唔要叫朋友帶個仔去睇吓
咁又無咩後唔後悔，因為未有BNO path
小朋友的確生活係用中文為主的社會，
既然做父母已盡力，
天意如此就接受。
或者係無壓力底下，小朋友他日有興趣再接觸呢。
其他人無法理解咪隨佢，好多人都有思考謬誤，現實就係教左唔等於學左。
好多讀寫障礙的小朋友都有類似情況，而且都有分中文同英文讀寫障礙。