仔中文差英文好，受過不少氣

自由講場
62

中文聽力

雖然我平日有和佢用中文溝通，但因為平日都係講食飯，沖涼呢D，所以佢只會認得日常用語。

所以

  • 講中文時不要只講日常會話，要講中文故事
  • 我試過講《叮噹》，但故事背景係幾十年前既日本，所以有部分內容比較難解釋，係香港用唔返。
  • 中文故事設計上都比較老土，小朋友睇過英文書得意既設計和內容，睇唔返中文書。我都試過攞著英文書，然後用廣東話去講，但效果好差。
  • 我都試過俾廣東話卡通佢睇，如果佢有興趣既話，都幾有效。雖然講唔返出黎，但聽得明。睇《閃電十一人》時，佢連「平行宇宙」都聽得明，但講俾我聽時佢又會用英文講返parallel universe。
  • 廣東話卡通係要「迫」佢睇。否則佢只會睇英文卡通。因為選擇多好多。
2個讚
63

講廣東話

  • 如果可以，日常要迫佢講廣東話，唔可以俾佢用英文回
  • 如果佢無辦法講，急到喊，就大人講一句，然後小朋友跟著講
  • 有d名詞佢唔識中文，就俾佢用英文代替著先。例如「我鍾意rocket」。之後再教返佢中文點講。

呢個方法幾辛苦，我一忙起上黎就堅持唔到。但堅持到時，呢個方法係有效既。

1個讚
64

認字

  • 上文講過既讀書方法，不妨試下。但如果去到某個位上唔到去，就可以試下其他方法
  • 書面語特別難，可以先由和口語相通既字開始先
  • 我試過買認字圖卡，部首拆字卡，但對我小朋友幫助不大
  • 一般教小朋友認同形同音字既方法，完全同音既字太少，類似音既字都唯有照用，於是小朋友成日讀錯音調。又因為識字唔夠多，我小朋友未去到可以用呢個方法既level
  • 用象形記字既方法，少數字係work既。但好多古代造字既情境，在今日已經搵唔番，所以最好改個現代d既故事。
  • 呢d故事超級難諗，坊間既書亦只會教古代中國既故事，好難記。見過ymca一個工作坊好好，會話「電」字有比卡超條尾，呢d就係好故事。可惜個工作坊得十堂
  • 試過一間「旁門左道」既補習社，用古怪方法，真係可以教識我仔讀300個字。但個方法只認到聲，認唔到意思。例如「這」係「姐」姐帶帽過河，「體」係有人「睇」著個電視機（曲字個樣似電視機）
1個讚
65

以前中，英2咗都冇得讀。依家有啲科中文2咗可以。
可能遲啲英文肥咗都可以讀大學。

66

可能仔比較多呢啲問題。

我仔兩歲時被發現 speech delay. 我哋搵咗語言治療師跟佢，一星期兩次，直至小學一年班。

其實係香港，我覺得唔識中文都生存到(現時)。但將來唔夠膽講。

67

寫中文/閱讀理解：

  • 如果睇唔明中文字，就好難寫到中文字。我小朋友中文試卷經常交白卷。
  • 我找坊間專門針對呢度問題既特別補習班。佢教既答題技巧有用。例如填充題，填完一個刪一個。例如閱讀理解，看keyword，在前後句子附近找字照抄當答案。幫我小朋友試卷取到20分
  • 對中文既理解和寫字幾乎完全無用，所以我小朋友既中文卷就只有20分，全部靠答題技巧取得。但其他同班既小朋友係有改進。
  • 有個親友係專門教這方面，她和我小朋友一對一補習。重組句子時，為左唔好令小朋友因為寫字怕左重組句子，佢會將字詞剪出黎，然後用拼圖既方法重組句子。呢個方法幾好
  • 另一個佢會用，可能有用既方法，係將一個字既筆劃分幾部分，每部分用唔同顏色寫。字要夠大，一張A3紙一個字
  • 不要找一般普通補習社，零作用之餘，小朋友和父母都要受氣。佢地對慣一般好醒既小朋友，只會以為小朋友係懶。佢只會重覆話「返屋企小朋友要睇多d書學多d字呀」，有個比較有心既老師，試左幾堂就叫投降，要小朋友唔洗再上
1個讚
68

幾時要放棄中文

  • 如果中文考試合格，就不應該放棄。
  • 如果只是中文不合格，無其他影響，可以放棄中文考試，但維持學基本中文，應付日常需要。
  • 如果不單中文不合格，連其他用中文既科目（常識，數學）都因為睇唔明題目搞到不合格，就要放棄中文考試。反而應該溫習其他科目題目上既中文用字，或者轉間用英文教授其他科目既學校。
  • 如果不單成績，係影響交友，上堂聽唔明指令，就要轉英文學校，或者放棄成績，主力照顧小朋友情緒和自理。
1個讚
69

如何放棄

  • 首先你肯定自己有足夠既嘗試，不要放棄了又心動去追回中文成績，否則會浪費很多時間心力。
  • 放棄時一定有好多人勸阻你，提議各種學中文既方法俾你。但如果你已經努力嘗試過，你會發現，佢地講既方法你都已經做過，就可以理直氣狀回絕佢地既好意
  • 第一要放棄既係DSE。最好就係讀國際學校，或去外國升學。
  • 就算成績不好，都有（相對其他國際學校）平價國際學校可以讀。但要有心理準備在偏遠地區，我當時為此搬屋，去讀東湧的Discovery Mind Primary School 。
  • 如果無法讀國際學校，心理上要放棄DSE成績，不要為此再煩到自己和小朋友。目標改為小朋友中五畢業後可以自力更生。學校所有中文考試默書都唔好再溫習，交白卷，由佢零分。反而將時間擺係其他科目，等小朋友對學習有返信心和興趣，不要因為一科中文犧牲曬其他所有科。只需要溫習數學常識會用到既中文字。我小朋友未知能否轉校時就是如此處理
  • 如果其他科目既中文字都應付不來，可以試下轉南亞人本地學校。
  • 如果接受唔到南亞人學校，仲可以自己home school ，自己按小朋友程度教小朋友，上堂就唔好再理成績，書都唔洗溫，由佢零分，旨在返學識朋友和滿足法例要求
  • 屯門有間自然學校，私校黎，都可以考慮。出黎既成績唔會好， 但將來可以在社會自力更生
1個讚
70

如果學校用中文教學，唔識中文會連累埋其他科目成績

71

以為你哋講係大學畢業後，唔識中文，係香港生唔生存到。

原來我誤會咗:smiley_cat:

72

請問有沒有好的中文補習推介？thx

73

我見到你打咁多字，真係好有心機解釋點面對小朋友唔識中文呢個問題，其實仲有好多人唔明SEN嘅小朋友，佢哋唔係你話逼就可以學習得好。做媽媽嘅只可以冇忘初心，我唔一定要小朋友做最叻個位，只求佢哋身心健康同有快樂童年，共勉之。:muscle:t2:

5個讚
74

個情況咪好似我係d gp見有d媽媽怪SEN媽媽唔識教一樣，好多時家長唔係樣樣嘢都控制得到，特別係先天問題，其他人加把咀真係好易，好多無理由架？唔會㗎？你有無試過點點點？如果係咁易嘅，我叫佢哋日日操卷讀書，睇下7年後考唔考到個醫生牌返嚟…

2個讚
75

絕對認同，好多時d人自己未遇過，就不停批評人哋點教小朋友，其實個照顧者都好難受

同埋好多ASD小孩都係英文好好多，而唔係家人特登教
有啲屋企好俾心機教佢中文，但佢可能連學物件命名都有困難
例如學講「提子」，叫佢跟住講都仲得，唔使隔一分鐘再問佢係咩，佢已經唔記得，但過程中係睇得出佢有努力記同有認真想喺佢個記憶入面搵番出嚟，而唔係敷衍你

1個讚
76

樓主

好多謝你咁耐心分唔同嘅學習範疇打出嚟同我哋分享，欣賞你為小朋友付出咗好多:+1:t2:

1個讚
77

上文提過一間「旁門左道」補習社，教小朋友讀字有獨門秘方，叫「創憶學坊」，有多間連鎖店。但留意小朋友只能讀到聲，但不會學到字的意思。

另外一般教SEN既機構，教中文時都比較能夠體諒各種情況既小朋友。佢地舉辦既中文補習班比較有機會配合到。

SEN機構有好多，我將佢地分三種：

  1. NGO，例如YMCA, 仁愛堂，保良局之類。佢地有時會舉辦特別需要既中文認字班。留意不要參加錯左設計給普通小朋友的認字班，課程會註明。

好處：平。好多分店，總有間在左近。有愛心。
壞處：質素參差，好視乎個別導師質素。未必有恆常班。好多人爭位。

  1. SEN專門機構，例如協康，邁步，心橋等。
    好處：質素高。多班，可以選時間。多不同程度既課程選擇。
    壞處：未必就腳。多人爭位。

  2. 細型私人補習社。有些補習社會開設給特別小朋友的中文班。
    好處：屋企附近一般都有。多位。
    壞處：質素一般麻麻。

78

我曾經上過中文大學的訓練班，講過中文能力除了簡單分聽講讀寫，仲可以咁樣細分：

  1. 字 ＞ 聲
  2. 字 ＞ 意
  3. 聲＞字
  4. 聲＞意
  5. 意＞聲
  6. 意＞字

父母需要了解小朋友有哪方面的問題，再找相關的解決方法。

例如我小朋友，上完創憶學坊課程，睇到字讀到音，解決左 1。但睇到字讀唔到意思，幫不到2。如果可以作到故事講，「電」有比卡超尾巴，就可以解決1和2。

和小朋友用廣東話對答，是在幫助4和5。

閱讀理解需要2和6先做到，非常難。可以先解決2，逐步解決。

79

唔該曬

80

認同呢樣對呢類小朋友黎講超難，我每日同小朋友做會覺得點解佢好似無常識咁，而且佢地中文語感好差，有類題目要係文字搵詞語，基本上係做唔到

81

Catholic Mission School

除咗語言，SEN support同關愛都係考慮因素
如果老師唔明學生需要
一味俾壓力家長
係唔會work