自己冇權做決定都噏得出，好多人從來係老公＞自己＞仔女
其實HK好多雙職家長都係咁, 又或者係長老家留到9/10點先返自己家
你好岩呀，唔會話做唔到，係要取捨
睇完
覺得係香港生小朋友唔係問題
最大問題係搵邊個湊
3個讚
完全明白你，我都想做FTM，但無條件
一齊加油
好多人嘅人生規劃就係結婚，生仔，生完有人湊就得，忽略好多問題，不過呢d 問題應該生之前去解決。
3個讚
睇完真係會好唔明，你生個小朋友出黎，你地選擇要做人爸爸媽媽，咁點解仲可以將個小朋友俾其他人湊足成個星期，自己得閒先湊返個小朋友？
哦，工作忙？好多野做？喂，咁你生黎做乜？
你選擇生，照顧小朋友嘅責任就係一定會係度架啦，點可以將個責任俾左爺爺嫲嫲又或者公公婆婆架。
講再多嘅迫不得已都掩蓋唔到你地身為人父母嘅自私。
12個讚
大家唔知樓主屋企咩情況，唔好就咁罵人。香港地真係咩情況都有。
有d長輩湊小朋友湊得好過父母都有見過，小朋友好獨立，父母又唔介意，外人唔知唔好講咁多野啦。
聲明一下，我湊仔唔叻，亦唔鍾意湊，老公叫我俾奶奶湊，但我無答應。理由唔係咩偉大母愛野，而係我擔心，老人家跟唔到小朋友功課，價值觀又唔現代，最後佢成績品行出咩事，最後都咪又係要我執手尾。
10個讚
自己湊
講得正確
1個讚
個人認為，生小朋友出嚟主要父母湊返係最最最基本嘅責任，working parent 唔係一個藉口將小朋友交俾其他人，父母嘅愛同祖父母嘅愛唔同。
講明先，唔係一定要做ftm 先叫盡責，但放工後父母應該做返好父母嘅角色，好難理解樓主喺香港坐30、40分鐘車叫遠，個老豆又唔肯接返小朋友返屋企住。
10個讚
雙親為了賺錢生活,成長期小朋友冇時間陪伴,一句小朋友好獨立就唔介意,揾埋啲錢番o黎給四大長老照顧/找補習老師/找工人姐姐等等解決小朋友成長問題…冇諗過小朋友成長階段真正想要既親近關係,到中學外面朋友比父母更親密和聽信,父母真係冇諗過呢啲野嗎?點解唔其中一個可以陪伴成長?真係好似某些家長所講,生嚟做乜.
其實睇到呢個主題,正正上星期女兒給我看同學寫的一大篇文章(我估她的父母都不知道),文中所反映對家長既不滿而有感而發(對方家長係知識份子及收入唔錯).
4個讚
估唔到香港都咁多留守兒童😮💨
以下唔代表樓主既情況，不過有聽聞過姐。
有D人係生仔前，長輩已經講好左佢地負責湊，父母講明唔會湊先肯生既。父母一早諗好左唔湊。
到中學外面，朋友就係比父母親密，就係咁大，又無咩問題。
大家有興趣可以睇睇Harry Harlow的母愛實驗
4個讚
我由BB開始就俾人湊，到小學就住外婆屋企。父母得閒先來睇下我，功課自己搞掂。有段時間曾經同佢哋一齊住過，但都係冇關心過我。我係好獨立，獨立到唔想再同佢哋有聯絡。到我自己想有小朋友，已經同老公傾好請工人照顧。當時我哋兩個都返shift，到就來讀小學時我就揾份office hour既工。到而家小朋友六年級，都係我同老公跟功課同成績。因為以前既經歷，我絕對唔會將自己仔女放喺長輩度。呢個係我童年陰影。。。
9個讚
哇，我諗都唔夠膽諗，個男人不負責任到咁，佢留喺屋企只會翹埋雙手，絕對唔會做好家庭主夫份工囉，到時仲死…
1個讚
嗰啲父母係生仔機器？ 生嚟係為咗滿足長輩願望?
3個讚
我就絕對唔願意湊，幾多人分擔都唔願意。放工返嚟仲要湊，大個又要教功課，自己又唔係鍾意細路，咁我寧願老咗住老人院
有人話我自私，其實我覺得我咁樣先有責任感
唔係插樓主，係有感而發
5個讚
啱呀，理解自己能力做能力範圍嘅事係負責任嘅行為。
1個讚
我知我老公肯湊，但男人點都唔會足，而且教功課一定又落到我度，咪搞
我平時放工買餸煮飯洗碗清潔廚房，十點幾先埋位工作（我會帶嘢返去做），十二點幾先上床睇下書，仲要湊細路？我真係寧願唔結婚唔嫁，做女最幸福
1個讚