我覺得你咁樣啱喎！
1個讚
冇錯，係童年陰影啊。。同你情況差不多 
2個讚
如果如你第一段所講，一開始就唔應該生添啦
現實中好多人都會照生
yes, 再將個波交俾老人家
盡量考慮下自己湊返，當然明白現實會有壓力嘅
香港人啲辛酸不足為外人道也
1個讚
有時會對父母有種只有責任但感情不深既感覺
3個讚
其實咁落去…仲有啲咩可以決定？不如你同老公好好一齊去見下社工，傾下、學下點樣去經營一個家，好過去諗星期六參唔參加興趣班依啲不著邊際嘅問題…
攬攬
我細個都係差唔多，星期五六日番阿媽度住，到中學先搬番一齊。
我個狀況係理性上知道父母係錫自己嘅，物資上同學業上都盡量提供最好嘅俾我，但心理上係適應唔到，同屋企人關係一路都好疏離好「客氣」…
父母都好尷尬，想管我又唔習慣，同埋會有over-compensate嘅tendency…
去朋友同老公屋企睇到人哋嘅interaction，覺得自己唔係好識點樣同屋企人「正常」相處。
依家諗番其實係錯過咗develop家庭觀嘅階段。
其實小學嘅時候，已經會知道/覺得自己係寄人籬下。
有時有啲事要搵父母，佢哋唔一定得閒理，又唔似其他人咁放工就有得見，所以習慣咗收收埋埋，唔好煩到人，開心唔開心都唔會同屋企人講，只會同朋友講。講得好聽係「獨立」，問心我知係一種心理缺失嚟 
我仲好記得中學嗰時阿媽叫我搬番去，我嗰下係嬲+傷心，有一種心態係，你啲大人淨係諗住自己要同番個女住，完全冇考慮我已經慣咗依個生活模式，又冇考慮我同婆婆要分開⋯ (我媽有問我好唔好，但細個唔會識say no)
9個讚
又咁講，香港配套無外國咁好。
產假以前得12星期，幼稚園、學校時間問題，父母返工時間又長。
喺外國，父母都可以盡時放工接放學，所謂嘅功課又喺學校做完，放工、放學真係享受到family time
6個讚
唔洗擔心，因為你預咗一定會發生㗎喇
多謝分享，我睇晒，希望樓主都有睇
無錯… 係香港我無工人唔掂，去到外國就自己搞掂曬仲好enjoy。本地同班媽媽仲會夜晚8點約出黎飲酒
2個讚
因為香港樓價唔正常、好多好多家庭都要公一份婆一份先維持到生活。
又有啲結婚買樓係靠長老資助、可能未生已經講定個孫係比長老湊傢啦，長老又乜都安排晒、咁咪冇晒話事權。
其實如果父母自己都冇耐性、係鬧打喝果隻、咁比長老照顧可能真係好啲。
其實要返工、要比工人定長老照顧唔係最大問題、但要知道照顧者係點樣湊小朋友、如果明知小朋友係每日長期機不離手、功課又跟唔上、飲食又唔健康（有長老日日煎雞翼比小朋友、因為食得快又多）。
家長就算係無辦法之下要張小朋友交比長老照顧、都要盡力張個唔到處減到最低、好似星期一至五返去見小朋友同食餐飯、花下精神時間了解下小朋友會唔會有呢啲問題。 一兩個月嘅星期五請下假、接小朋友放學、行下街去公園又好、做功課又好。
如果係返shift、返夜之後願意犧牲下休息時間去接小朋友同佢行返學校傾下計。
2個讚
不過又咁講，我阿媽以前自己湊，但佢唔識同我哋溝通，又永遠覺得我哋欠咗佢，都係令我同佢有一種疏離既原因
疏唔疏離在乎溝通
又離題，唔好意思
1個讚
唔喜歡小朋友可以選擇唔生、我覺得冇問題。
鬧打喝嘅比長老照顧、只能講兩害取其輕。
星期五放學安排出面既課外活動可以嗎？果日唔駛趕功課
多謝分享,應該每個父母都睇吓
見到有一個回覆係咁
“分享一下自己的經驗
由輕度憂鬱，自己發現去身心科治療，被母親發現並且不允許繼續治療，大學獨立後發覺狀況不對勁，經診斷為重度憂鬱症，並長期治療，但無改善只是拖延惡化時間，發展成第二型躁鬱症以及合併其他精神疾病
由於自幼我是祖父母養大，國三後才被母親接去生活，而輕度憂鬱適於高一接近高二的時候開始出現的
禁止服藥治療後，於高二下進入絕望期(類似絕望之井?)，會在房間內縮在角落，破壞家具，甚至有自殘自殺行為
高三後迫於考大學的壓力，我把情緒壓住，穩定了一陣子，但在大學後不久馬上又開始出現這類症狀，此時我已被醫生診斷為重度憂鬱
雖然長期服藥，憂鬱的情緒有稍微緩和，但取而代之的是焦慮，漸漸變得有點暴躁，發展成第二型躁鬱症
奇怪的是，當我回到祖父母的老家，這些症狀就煙消雲散，僅僅只有忘記服藥造成的戒斷症狀，但那些不適的心情完全消失
當我回到大學，一個人的房間內，孤獨感就油然而生，我尋求母親幫助，但不論是實際見面或是電話溝通，好像就是有股憂鬱的心情一直在心裡
也許祖父母就是我的「絨布媽媽」吧”
1個讚
我再講多個個案
有個男仔,因為抑鬱同賭博上癮見輔導
問返原來細個係老人家湊,咁本來都OK
但後來父母到初中接返佢
佢就開始抑鬱,慢慢發展到賭博成癮
其實無論係老人家同父母都係錫佢,父母甚至會幫佢還債
但佢就係唔想同佢地分享任何心事
成日掛住老人家
到老人家過身,抑鬱亦都愈來愈嚴重
所以感覺97後成長中既小朋友,已經冇咗以前香港人所謂既親情,聽信外面唔理好壞既朋友,都唔聽自己最親的父母,的確都無咩問題. 但亦因這樣的家庭教育,一般都會係導致學習都有啲影響,冇咗讀書應該有追求知識既心,得過且過隨便考完讀完就算,早早出來社會揾錢過人生.
小朋友會獨立係好,但都要喺父母陪伴下才會更好,好像某些家長都因此產生童年陰影,若小朋友思想鑽牛角尖去,走向唔應該走既路就更可悲. 長輩都一把年紀,思想及反應都唔會咁靈活,年輕家長好似冇諗到,不論老人家或小朋友若出意外產生之後多樣性既問題. 所以情願嗰啲唔鐘意小朋友或怕煩又喜歡享受自由既人,就唔好生小朋友.
2個讚