因為我睇到第一個post話星期五話會接返小朋友跟自己、星期五接得返嚟咁星期六應該係放假掛。
2個讚
家家有本難念的經，你post 得上嚟，即係你自己都覺得有問題，咁請你好好諗清楚以後嘅情況，問題只有你自己能解決。
小朋友童年只得一次，你要將佢變做童年回憶定變做童年陰影，全部掌握係你手!
8個讚
唔明點解另一半唔想接返小朋友？
因為真係好奇怪
啱啱諗起 賭命夫妻 裏面有一 pair 都係咁做，但感覺係因為個爸爸想要多啲 me time ，家訪直情見到獨立一間房只係放雜物
1個讚
可以的話真係接返/多啲相處時間。
我朋友到小一先接返小朋友返屋企，大家都要時間適應。同樓上一樣小學就要開始儲親子關係彈藥預備青春期用。
當然如果有困難都真係爭取平日見多啲，學校既事參加多啲
我覺得媽媽真係想接就要企硬、但亦預左自己會辛苦、男人不外乎只想玩唔想負責任、幼稚園前都多呢類、六日接出去玩梗開心啦、但做人父母唔係只負責康樂部架、當然都有人話婆有好願意仲好識教、仔女又好痴佢咁啦、但錯過左佢既成長就係錯過左囉……
1個讚
抱歉，我唔認為媽媽無決定權，我好緊個仔，如果老公唔可以配合，我一定放個仔喺優先次序。
3個讚
我接觸過一個小朋友,父母要輪班工作,個女基本上一出世已經係老人家湊,同老人家一齊住
父母只係就到時間就過嚟食飯
依家阿女小六,成日嗌錯老人家做阿媽
講嘢好似老人家,學校冇人想同佢玩
佢自己社交技巧亦好差,可能學咗老人家成日埋怨啲嘢,又唔會認錯
又日日咬手指甲
依家被診斷有專注力不足同自閉症傾向
雖然呢兩樣未必關老人家事
但作為阿媽,見到個女咁樣,都可以好似唔關自己事
以工作為理由,理唔到咁多喎
係呀,現實生活真係有好多限制
但係有冇盡父母責任,睇吓小朋友個狀況就知
講到尾,好多父母唔願意犧牲自己,咪犧牲個小朋友囉
講咁多,只係希望樓主三思再三思
作為母親,你唔幫小朋友做多啲,冇人會幫
10個讚
我啲小朋友星期六都無參加課外活動啦，因為要做練習同學琴
好同意你講。做父母就要有所犧牲，無得又要長時間比長輩湊，又可以親子關係好。
明白樓主話要揾食，但揾到食，無咗個仔，有乜意思？咩叫「我無得話事」，我生個仔出嚟，我99話一定要揾師傅改名我都唔制，因為個仔我生，就算改名咁小事我都話得事，何況照顧小朋友呢啲大事。
仲有樓主老公乜料，出完精子唔洗負責任？如果無老婆揾到咁多，就索性辭職做家庭主夫，負番爸爸嘅責任。
長輩辛苦大半世，其實無責任付出埋退休嘅日子去全程照顧孫仔。（你話有時週末比小朋友渡下假就另一回事）
4個讚
我以為嗰pair 4X歲 夫婦無仔女，點知家訪時話有個8歲女分開住，明明間屋夠位住3個人，兩公婆又咁得閒上真人show，即係有時間湊女啦，完全唔明點解要分開住。
4個讚
100%同意, 父母想小朋友係個咩人, 首先要從自己出發, 身教絕對絕對係非常重要… 我當年寧願減人工同休息時間, 都決意要小朋友係我身邊, 今日, 我可以講一句"犧牲都係值得"…
6個讚
唔知樓主屋企同工作咩狀況就唔多評論啦。不過你諗下, 如果小朋友由細到大都係長老屋企過, 扭計係點樣, 係屋企中意做乜, 發脾氣點處理, 父母係完全缺席的情況下。你有信心可以HANDLE 返?
小朋友小學個性格其實都已經幾定下, 越遲接返, 小朋友就越難適應同父母一齊生活。都唔好講父母自己適唔適應點每日同小朋友一齊生活, 同埋堅持正確的管教。結果, 就好似上面唔少人講咁話父母縱哂小朋友, 俾物質生活佢就算。
如果你而家係想接返小朋友就盡快安排啦。搞到小朋友有活動想參加都要就父母"親子"時間咁就唔好啦。
3個讚
其實我身邊都有朋友係咁. 我自己都係
我仔星期一至五都o係奶奶屋企
我日日放工會去食飯, 老公就會留o係奶奶o個邊訓
(搭巴士1.5HRS, 摣車快d,一個鐘內)
本身自己住緊村屋, 又有貓狗, 要兩邊照顧
星期六日接返個仔返自己屋企
而家都已經2歲幾啦, 就返k1
咁我覺得人人情況唔同, 好難一概而論, 大家夾到就ok
我個仔都好乖好聽話, 佢都好痴嫲嫲, 我又冇咩所謂
因為生之前已經協議好, 要俾老人家湊就要自己遷就
3個讚
當初一廂情願生？你係父母親沒有決定權
我朋友個老婆就係唔識咁諗,本身同99一齊住,2公婆返工,99湊小朋友,之後話99湊得唔好又話99收家用貴,c都要減99家用搬出去住,但最好笑係個女繼續留俾99湊 
我會咁諗：
長輩係你父母嗎？如果係，你老公又咁巴弊，我會叫佢自己慢慢享受個人生活，自己搬埋番外家同小朋友一齊住。
如果長輩係老爺奶奶，我會叫老公躝番去同自己阿爸阿媽住，咁屋企咪有位接番小朋友番黎一齊住。不過都要解決照顧問題，有冇能力請工人或者保母幫手照顧到你放工
5個讚
長老只可以幫忙照顧方面，始終教育絕不能假手於人
為小朋友好一定係接返來一齊住，自己一手一腳盡力去跟
如果小朋友一定要係長老家過夜，會唔會考慮同住或住近長老，縮短路程，每日放工可以上去睇小朋友?
其實你個CASE係有好多方法，只係在於你同老公會唔會放棄小小自己私人時間。
老公自私你改變唔到，亦唔好諗住可以去改變佢。小朋友已經有個自私既爸爸，希望媽媽你會做多點，愛鍚和為小朋友想多點。女人為母則強，唔好太依賴個老公俾佢控制住。
6個讚
其實我都有朋友係放工去接番黎，朝早番工前又接過去。租樓其實彈性好大，住近左情願租平d 租細d租舊d囉？每樣解決方法都有好有唔好，一定要做d 取捨既。
1個讚
你係小朋友個阿媽, 都唔可以做決定… 為母是強… 恕我直言, 你係時候, 好好反省吓點做人阿媽…
1個讚