小朋友自小已經跟長輩住，星期五晚會返去同父母一齊
長輩屋企相距車程，計埋等車都預30-40分鐘以上
其實好想可以小朋友跟返父母
但經濟條件係一個問題
小學逢星期六有班組/課外活動等等，但小朋友都想周末跟返父母而冇報名
其實雙職父母會唔會都有人類似咁
我個人覺得點都好, 小朋友自己湊自己教係最好… 我個女細時, 雖然有自己父母同我湊, 但我都希望佢跟係我身邊, 所以我轉工用時間去就湊女時間… 同小朋友相處時間好珍貴…你諗吓有咩可以遷就下, 例如, 你搬近父母屋企, 朝早父母睇, 放工就跟自己…加油…
11個讚
唔好怪我答得mean：生嚟做乜？
做父母點樣都要留仔女晌身邊親自照顧，又唔係移民做太空人-_-
25個讚
課外活動可有可無。
小朋友會同自己無禁close.
星期一至五晚你地會唔會放左工去見小朋友？我有朋友係類似情況，但佢晚晚放工都會去陪佢直到訓著，咁的話我覺得接受到。
但如果成個星期唔見，淨係得星期6日相處，咁就唔係幾好囉，小朋友成長都未必會開心。見咁少我更加唔會報興趣班，要報的話報平日喇不如？
4個讚
我見到樓主話兩個地方車程相隔30-40分鐘，做父母好心唔好咁__懶，好心放工就番去睇吓個仔啦。小朋友就話驚坐車辛苦啫，佢哋大人喎。
同埋我真係諗唔到到底係咩原因要搞到個仔星期一至五都唔晌父母身邊？
9個讚
樓主話小朋友星期五晚會返父母屋企姐，無話星期一至四放工唔上公公婆婆/爺麻家見面。
30-40分鐘其實好近！我返工一個鐘頭內車程都覺得唔算遠，個況見自己小朋友？
接返去住，如果學校近舊居嘅，小朋友返學30-40分鐘都可接受。唔係遠喎！
2個讚
除非你屋企差到無地方比佢住, 或有其他不和諧因素, 一定會接返小朋友一齊住
小學除左食瞓佢都要讀書, 要家長睇功課, 幫手溫習, 要人傾訴下學校嘅生活, 除非你完全唔志在佢成績由佢自生自滅
仲有你介唔介意到中學就唔理你, 到時連星期六日你都唔會分到, 佢會約朋友
6個讚
小朋友最需要既係父母, 除非屋企差到無法令佢安全(家暴, 劏房冇位瞓…)
否則小朋友成長會有缺失, 大家關係會疏離, 到青春期可能當父母陌路人。
7個讚
經濟因素係唔係即係：
無錢請工人湊，父母又唔肯黎幫手湊，所以無得接返自己屋企啊？
而家小學都係返半日，如果要接返黎住可能真係要有一個唔返工/返part time.
自己心頭肉唔喺自己身邊，講真比3千尺大屋我住，比龍肉我食都無味
9個讚
Respect！我都唔敢再講。
其實計埋等車先講緊30、40分鐘，都唔算好遠啫！
如果樓主咁多理由放低小朋友，就要接受可能嘅後果。
Ps, 我唔會代你細路怨你，但上面講嘅問題有機會發生，自己好好衡量下。
3個讚
認同，其實小朋友中學前都係儲緊親子關係，簡單諗就係增值。到青春期會不停扣分。唔好睇少放工到夜晚臨訓前個幾個鐘，可以培養到小朋友講心事俾自己聽既習慣。
樓主俾既資料唔係好多，如果情況許可真係情願賺少d搬近d, 小朋友好快大。
7個讚
預咗比人__
兩睇，好難講，細路到青春期如果你只係做康樂隊隊長，買齊佢要嘅3C產品畀佢，唔同佢發生 生活/學業上嘅衝突，隨時可以日日post ig 扮好父母都得
1個讚
我有個中學同學、生完小朋友就放奶奶度，平日會有兩三日返去食飯、隔個星期日會同小朋友出街、晚上又送返小朋友上去。
小朋友自細功課唔好、老人家冇心機、幼稚園功課捉手做、小學就姑姐就寫晒答案比佢抄、呢傢中二、係試升、中一考試平均分係十分。
由細到大小朋友玩手機打機到半夜一兩點訓。
不過小朋友同父母關係係ok嘅、因為父母唔會話佢、一齊出街係吃喝玩樂。
小朋友唔喺自己身邊照顧、最大唔好處係管教問題、普遍老人家知識水平唔高、真係只係睇住佢同照顧飲嘢、但好多時老人家錫小朋友、喺食零食同玩電子產品唔會有限制、做完功課就機不離手、仲要唔知睇啲咩（例如睇魷魚）
但好多習慣、例如運動、例如睇書、例如健康飲食習慣，係要由細去建立、錯過左就錯過左。加上星期一至五冇接觸小朋友、如果小朋友有特殊需要、好似社交障礙果啲、真係未必發現到。
12個讚
唔知樓主小朋友年紀係幾大個、如果已經係小學、其實都只係五至六年嘅時間、一生人嚟講五六年其實唔算多、如果工作太長時間、或者太用精神、所以放工照顧唔到小朋友、可以嘅話不如考慮下換一份可以遷就到照顧小朋友嘅工作。
如果淨係縱容，將佢地變成公主/王子，我都覺得唔好既。我指既親子關係加分係指有溝通有傾計，會嘗試係佢地角度諗問題，如果太少見面，小朋友習慣性唔會同父母分享番學趣事，我覺得到青春期更加唔會冇喇喇講。
淨係高壓鬧/淨係讚都好易，父母最難既係2者做到平衡。我而家一至五跟功課，星期6日帶去玩，都覺得時間唔夠用。如果淨係見到星期6日真係唔知係跟溫習定培養感情好喇。
1個讚
樓上幾位分析好詳盡，我都無咩補充。
我覺得搬近啲日日見應該相對容易啲？ 租屋有大有細可以揀，俾我見多一分鐘得一分鐘! 定係仲有啲咩難處你未講?
1個讚
我相信樓主日後一定會後侮，你點對佢，日後佢點對你，某程度上係相等的
5個讚